Ադրբեջանը շարունակում է խոսել Լեռնային Ղարաբաղի հետ ահաբեկչության լեզվով15 մայիսի 2006 - 16:26 AMT PanARMENIAN.Net - ԼՂՀ խորհրդարանում լսումներ անցան, նվիրված Գետաշեն եւ Մարտունաշեն գյուղերից, Շահումյանի շրջանից եւ Լեռնային Ղարաբաղից հայ բնակչության բռնի տեղահանման «Օղակ» գործողության 15-ամյակին: ԼՂՀ խորհրդարանի խոսնակ Աշոտ Ղուլյանի խոսքերով, 1991 թվականի ապրիլ-հունիսին Խորհրդային Ադրբեջանի իշխանությունները «պետական մակարդակով կազմակերպել եւ իրականացրել են Լեռնային Ղարաբաղի եւ մերձակա շրջանների հայաթափման իր դաժանությամբ աննախադեպ գործողությունը»: Նա նաեւ նշել է, որ այդ ծրագրերի իրականացմանը խանգարեց Լեռնային Ղարաբաղի ժողովրդի համաժողովրդական պայքարը, որն ավարտվեց ԼՂՀ հռչակմամբ: «Միայն պետական կազմավորումը կարող էր դիմակայել այդ քաղաքականությանը ինչն էլ հանգեցրեց Լեռնային Ղարաբաղի Հանրապետության հռչակմանը 1991 թվականի սեպտեմբերին: ԼՂՀ խորհրդարանի նախագահը արտահայտվեց պետական կառույցների եւ իրավասու անձանց համախմբան օգտին, հավաքելու համար Ադրբեջանի հակահայկական քաղաքականությունը հաստատող փաստերը: Նա հաղորդել է, որ այդ նյութերը կամփոփվեն ժամանակավոր խորհրդարանական հանձնաժողովի կողմից, որը կուսումնասիրի բռնության փաստերը Լեռնային Ղարաբաղի քաղաքացիների հանդեպ, որ կատարել են Ադրբեջանական ԽՍՀ եւ անկախ Ադրբեջանի իշխանությունները: Լսումների մասնակիցները որակել են «Օղակ» գործողությունը որպես Ադրբեջանի ահաբեկչական գործողություն: Լսումների ընթացքում ընդգծեվել է, որ ադրբեջանական իշխանությունները ոչ միայն պատասխանատվություն չկրեցին կատարված հանցագործությունների համար, այլ շարունակում են խոսել Լեռնային Ղարաբաղի հետ ահաբեկչության լեզվով, սպառնալով ուժով լուծել ղարաբաղյան խնդիրը: Նշենք, որ «Օղակ» գործողության ընթացքում, որ իրականացվեց Ադրբեջանի ՆԳՆ հատուկ նշանակության միլիցիայի ջոկատների, ԽՍՀՄ ՆԳՆ ներքին զորքերի եւ Խորհրդային Բանակի 23-րդ դիվիզիայի ստորաբաժանումների կողմից, արտաքսվեց 6030 մարդ 24 գյուղից: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |