  Վրաստանը մասնակիորեն մուտքի արտոնագրեր կսահմանի Հայաստանի հետ ՝ գործարարների և ուսանողների համար 25 հուլիսի 2014 - 16:48 AMT PanARMENIAN.Net - Ըստ Վրաստանի ԱԳՆ հաղորդագրության, 2014 թվականի սեպտեմբերից Հայաստանի հետ մուտքի մասնակի արտոնագրային ռեժիմ կսահմանվի: Դա վերաբերում է տևական ժամանակով՝ բիզնեսի կամ սովորելու նպատակով, Վրաստան մեկնողներին: Առանց մուտքի արտոնագրերի ռեժիմը կպահպանվի ՀՀ այն քաղաքացիների համար, որոնք կարճ ժամկետով կայցելեն Վրաստան, զբոսաշրջության նպատակով: Վիզային ռեժիմի նմանատիպ փոփոխություններ կարվեն նաև որոշ այլ երկրների դեպքում, սակայն տվյալ պահին Վրաստանի ԱԳՆ-ն չի հայտնում, թե հատկապես որ երկրներին դա կառնչվի: Փոփոխությունները նախատեսված են «Օտարերկրացիների կամ քաղաքացիություն չունեցող անձանց իրավական վիճակի մասին» նոր օրենքով, որն ուժի մեջ է մտնում 2014 թվականի սեպտեմբերի 1-ից: Ինչպես պարզաբանել են նախարարությունում, որոշումը կայացվել է միգրացիոն հոսքերի կառավարման բարելավման նպատակով: Նշվում է նաև նման նորամուծության հատուկ նշանակությունը Եվրամիության հետ գործակցության կապակցությամբ: Բացի այդ, նոր օրենքի գործարկմամբ մուտքի արտոնագրերը կտրամադրվեն արտերկրում Վրաստանի հյուպատոսական հաստատություններում: Այսօրվա դրությամբ Վրաստանի արտոնագրեր են տրվում հիմնականում սահմանային անցակետերում, հայտնում է «Վեստնիկ Կավկազա»-ն: Օրերս վրացական ԶԼՄ-ներում տեղեկություններ հայտնվեցին, որ սեպտեմբերից Վրաստանը կխստացնի արտոնագրային ռեժիմը երկիր մուտք գործող օտարերկրացիների համար: Երկիր մուտք գործելու համար կպահանջվեն լրացուցիչ փաստաթղթեր, իսկ որոշ երկրների հետ արտոնգրային ռեժիմ կսահմանվի: Սակայն, չէր նշվում, թե հատկապես որ երկրների հետ: Թբիլիսիին պարտավորեցնում է դա անել մի կողմից ԵՄ-ն, մյուս կողմից՝ վիճակագրական տվյալները: Վրաստանը սկսել է աշխատել նաև արտոնագիր ստանալու համար նոր կանոնների վրա։ Դիվանագիտական ներկայացուցչություններում վիզա ստանալ հնարավոր կլինի որոշ գումարի դիմաց։ Կնիքի դիզայնն առայժմ քննարկվում է, բայց արդեն հայտնի է, որ այն շենգենի արտոնագրի ձևի է լինելու։ Վիզային ռեժիմի ընդունումից հետո զբոսաշրջիկների՝ երկրում գտնվելու ժամկետները խիստ կհստակեցվեն։ Ընթացքին ամբողջովին հետևելու է միգրացիոն ծառայությունը, որը շուտով կսկսի իր աշխատանքը։ Օտարերկրացիների ժամանակավոր տեղավորման կենտրոնի շինաշխատանքները շուտով կավարտվեն՝ այդտեղ կտեղափոխվեն անձինք, ովքեր կխախտեն արտոնագրային ռեժիմն ու ստիպված կլինեն լքել երկիրը։ Դրա համար պատասխանատու է լինելու ՆԳՆ-ն։ ԱՊՀ երկրները, որոնց համար գործում է Վրաստանի հետ առանց արտոնագրային ռեժիմը, հետևյալն են՝ Ադրբեջան, Հայաստան, Բելառուս, Տաջիկստան, Ղազախստան, Մոլդովա, Ուզբեկստան, Ղրղզստան ու Ուկրաինա: Ավելի ուշ Թբիլիսիում Հայաստանի դեսպանատան հարցմանն ի պատասխան Վրաստանի ԱԳՆ-ն հայտարարեց, որ Հայաստանի հետ մուտքի արտոնագրեր չեն սահմանվի: Հղումներ թեմայով.   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
