ՆԱՏՕ-ի երկրներն արագ արձագանքման ուժեր կստեղծեն և կօգնեն Ուկրաինային փողով ու զենքով 5 սեպտեմբերի 2014 - 17:54 AMT PanARMENIAN.Net - Ուելսում ընթացող ՆԱՏՕ-ի գագաթնաժողովում դաշինքի անդամ 7 երկիր՝ Մեծ Բրիտանիան, Լատվիան, Լիտվան, Էստոնիան, Դանիան, Նորվեգիան և Նիդերլանդները, պայմանագիր են ստորագրել արագ արձագանքման նոր ստորաբաժանում՝ միավորված էքսպեդիցիոն ուժեր, ստեղծելու մասին: Ինչպես հայտնում է ՌԻԱ Նովոստի գործակալությունը Էստոնիայի ՊՆ մամուլի ծառայությանը հղումով, համաձայնագրի ստորագրումից հետո կսկսվեն միավորված էքսպեդիցիոն ուժերի կառուցվածքային կազմի, նոր ստորաբաժանման անձնակազմի քանակի և մասնակից յուրաքանչյուր երկրի ավանդի վերաբերյալ բանակցությունները: «Այդ ուժերի ստեղծումը կոնկրետ քայլ է ՆԱՏՕ-ի արագ արձագանքման կարողությունը բարձրացնելու ուղղությամբ»,- հայտարարել է Էստոնիայի կողմից փաստաթուղթը ստորագրած այդ երկրի պաշտպանության նախարար Սվեն Միկսերը: Ուելսում կայացած գագաթնաժողովի կարևորագույն թեմաներից մեկն էր Ուկրաինայի արևելքում շարունակվող ճգնաժամը: ՆԱՏՕ-Ուկրաինա հանձնաժողովի հայտարարությունը, որն ընդունվեց գագաթնաժողովում, ուղիղ մեղադրանք է Ռուսաստանին անկախ Ուկրաինայի ինքնիշխանությունն ու տարածքային ամբողջականությունը խախտելու համար: «Ռուսաստանի հայտարարություններին հակառակ, ՌԴ զորքերն անմիջապես ներգրավված են Ուկրաինայում ընթացող ռազմական գործողություններում, Ռուսաստանը շարունակում է զենք մատակարարել արևելյան Ուկրաինայի զինյալներին և հազարավոր պատերազմի պատրաստ զինվորներ է պահում Ուկրաինայի հետ սահմանին», ասվում է փաստաթղթում: ՆԱՏՕ-ն 15 մլն եվրո կհատկացնի Ուկրաինային որպես ռազմական օգնություն: Ըստ Դաշինքի գլխավոր քարտուղար Անդերս ֆոգ Ռասմուսենի, օժանդակությունը կլինի կոնկրետ ու շոշափելի: Առանցքային ուշադրություն կդարձվի վիրավոր զինվորների վերականգնմանը, կիբերանվտանգությանը, լոգիստիկային, հրամանատարությանը, հսկողությանն ու հաղորդակցություններին: Բացի այդ, Ուկրաինան պայմանավորվածությունների հասավ, որ ՆԱՏՕ-ի մի շարք երկրներ բարձր ճշգրտության զենք կմատակարարեն Կիևին: Այդ մասին հայտարարել է նախագահ Պորոշենկոն՝ չհստակեցնելով, թե հատկապես որ երկրները կիրականացնեն առաքումները: Դաշինքը նաև կուժեղացնի իր ներկայությունը սևծովյան տարածաշրջանում, մարտական ինքնաթիռներ տեղակայելով Ռումինիայում: Այդ մասին, ըստ Deutche Welle-ի, հայտարարել է Ռումինիայի նախագահ Տրայան Բեսեսկուն, լրացուցիչ նշելով, որ ինքնաթիռների սպասարկման համար երկիր կժամանեն ՆԱՏՕ-ի մոտ 200 զինվոր: Երկրում տեղակյավելիք ինքնաթիռների քանակը Բեսեսկուն չի հայտնել: Համաժողովում անդրադարձ է եղել նաև կիբերանվտանգությանը: Ըստ Բեսեսկուի, Ռումինիան կստանձնի Ուկրաինայի դեմ կիբերգրոհների հետ մղման ՆԱՏՕ-ի ծրագրի ղեկավարությունը: Գագաթնաժողովում Էստոնիայի ՊՆ ղեկավար Սվեն Միկսերը և ՆԱՏՕ-ի տրանսֆորմացիայի գծով գլխավոր հրամանատար գեներալ Ժան Փոլ Պալոմերոն մտադրությունների մասին պայմանագիր են ստորագրել Էստոնիայում ՆԱՏՕ-ի կիբերպոլիգոնի ստեղծման վերաբերյալ: «Դա կլինի վիրտուալ միջավայր, որտեղ հնարավոր կլինի ուսուցանել հրամանտարներին ու մասնագետներն ռազմավարական որոշումներ կայացնել կիբերանվտանգության ոլորոտում, անհատական ուսուցում անցնել, ինչպես նաև հրամանատարական զորավարժություններ անցկացնել: Այն կստեղծվի Էստոնիայի պաշտպանության ուժերի գործող կիբերլաբորատորիայի հենքի վրա, որտեղ արդեն անցկացվել են մի շարք միջազգային զորավարժություններ»,-հայտնել է Էստոնիայի ազգային հեռուստատեսությունը: Գագաթնաժողովն աշխատանքը կավարտի սեպտեմբերի 5-ին ամփոփիչ բանաձևի ընդունմամբ: Դաշինքի հաջորդ գագաթնաժողովը տեղի կունենա 2016-ին Վարշավայում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Լարսը փակ է բոլոր տեսակի մեքենաների համար Փակ է դեպի Քարի լիճ տանող ճանապարհը ՊՆ․ Տեսանյութում պատկերված անձը ՀՀ հատուկ նշանակության ստորաբաժանման զինծառայող է Լուրեր էին տարածվել, որ Կիրանցի բնակիչները «ադրբեջանցի հատուկջոկատայինի են նկատել» Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին |