Նավթն էժանանում է, ռուբլին՝ արժեզրկվում 8 հոկտեմբերի 2014 - 16:09 AMT PanARMENIAN.Net - Նավթի գինը նոր «ռեկորդ» է սահմանել: ՕՊԵԿ երկրների կողմից արդյունահանվող նավթի տեսակների զամբյուղի միջին գինը երկու տարում առաջին անգամ իջել է 90 դոլարի նիշից մեկ բարելի դիմաց, նավթի մեծ առաջարկի պատճառով: Ինչպես գրում է «Ռուսաստանի նավթ»-ը, չորեքշաբթի ՕՊԵԿ ներկայացուցիչները հայտնեցին, որ նավթի տեսակների զամբյուղի միջին գինը կազմել է 89,37 դոլար մեկ բարելի համար, թեև երեքշաբթի մեկ բարելի գինը 90,40 դոլար էր: Նավթի գինն այսքան չէր նվազել 2012-ի հունիսից ի վեր: ՕՊԵԿ երկրների կողմից արդյունահանվող նավթի տեսակների զամբյուղի միջին գինն այժմ ավելի էժան է, քան նավթի միջազգային մարկեր համարվող Brent տեսակի նավթի գինը: Brent տեսակի նավթի գինը դեռ պահպանվում է մեկ բարելի դիմաց 90 դոլարի սահմանում: ՌԲԿ-ն իր հերթին հայտնում է, որ Brent տեսակի նավթի ֆյուչերսները Լոնդոնի ICE Futures բորսայում նվազել են 1,23 (–1,33%) դոլարով, մեկ բարելի համար կազմելով 90,89 դոլար: Brent տեսակի նավթի գինը նվազել է 91 դոլարից վերջին տարում առաջին անգամ: Արժեզրկվում է նաև ռուբլին՝ դոլարի փոխարժեքը Մոսկվայի բորսայում կրկին հատել է հոգեբանորեն կարևոր 40 ռուբլի մեկ դոլարի դիմաց սահմանը: Սակարկությունների առաջին կես ժամում ԱՄՆ արժույթի փոխարժեքը բարձրացել է մինչև 40,0025 ռուբլի 1 դոլարի դիմաց, որից հետո մի փոքր նվազել է ու տատանվում է եվրոյի «կլոր» նիշից ցածր սահմանում, հայտնում է ՌԲԿ-ն: Ռուբլու անկումը սկսվեց 2014-ի ամռանը: Արժույթի թուլացման պատճառնեն են արևմտյան երկրների հակառուսական պատժամիջոցները, որոնք անդրադարձել են բանկային, պաշտպանական, էներգտիկ ոլորտների վրա, և նավթի գների անկումը: Առաջին անգամ դոլարը հատեց 40 ռուբլու սահմանը հոկտեմբերի 6-ին: 39 ռուբլի կազմող նախորդ «հոգեբանական» նիշը դոլարը պատմության մեջ առաջին անգամ հատեց սեպտեմբերի 26-ին: Ինչպես հայտարարել է ՌԴ ֆինանսների նախարարության երկարաժամկետ ռազմավարական ծրագրման դեպարտամենտի տնօրեն Մաքսիմ Օրեշկինը, էներգակիրների գնանկումը և արևմտյան պատժամիջոցները կազմել են ՌԴ ՀՆԱ 4 տոկոսը, որից 2 տոկոսը բաժին է ընկնում պատժամիջոցներին: Ընդհանուր առմամբ, ըստ Fitch-ի գնահատականների, 2014-ին ակնկալվում է ՌԴ տնտեսության ընդամենը 0,3 տոկոս աճ: 2015-ին աճը կարող է կազմել 1 տոկոս: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Փոխվարչապետի գլխավորած հանձնաժողովի կողմից ապօրինի սահմանազատման վերաբերյալ հաղորդմանն ընթացք է տրվել Հաղորդումը ներկայացրել էր «Հայաքվե» նախաձեռնությունը Փաշինյան․ Ցնցված եմ Սլովակիայի վարչապետի վրա հարձակումից Նա նշել է, որ բռնությունը տեղ չունի քաղաքականության մեջ ԱԳՆ. Վրաստան այցելելու համար ապահովագրության պահանջը դեռ պարտադիր չէ Նշվում է, որ հունիսի 1-ի ժամկետը հաստատված չէ, դիտարկվում են ավելի ուշ ժամկետներ Վարչապետի աշխատակազմ․ 25 հա հող կվերադարձվի Կիրանցին, ճանապարհի տեղափոխման խնդիր կա, գույքային հարցերը կլուծվեն Սահամանապահները կկանգնեն սահմանազատված հատվածում 8-9 օրվա ընթացքում, իսկ Կիրանցի զգայուն հատվածում՝ ավելի ուշ |