Տուրօպերատորներ. Ռուսաստանցիներն ամանորյա տոներին նախապատվությունը կտան ՀՀ-ին ու Վրաստանին 3 դեկտեմբերի 2014 - 14:11 AMT PanARMENIAN.Net - ԱՊՀ երկրների թվում Հայաստանն ու Վրաստանը ռուսաստանցիների շրջանում առավել նախապատվելի ուղղություններն են համարվել ամանորյա տոներն անցկացնելու համար, հայտնել է Ռուսաստանի Տուրինդուստրիայի միությունը: Երկու պետությունների հիմնական արժանիքները տուրօպերատորները համարում են տեսարժան վայրերի առատությունն ու ավիափոխադրման ցածր արժեքը: Զբոսաշրջային ընկերությունների ներկայացուցիչները վստահ են, որ Վրաստանն ու Հայաստանն այս սեզոնում ռուս զբոսաշրջիկներին գրավելու մոտավորապես հավասար շանսեր ունեն: Երրորդը համարվում է Ուզբեկստանը, որը, սակայն, զգալիորեն զիջում է առաջին երկուսին, քանի որ այդ երկրում այնքան էլ զարգացած չէ Ամանորը նշելու ավանդույթը: Ըստ զբոսաշրջության ոլորտի գործակալների, Հայաստանում ամանորյա տոներին առավել մեծ պահանջարկ ունեն լեռնադահուկային հնարավորություններով հայտնի Ծաղկաձորն ու Ջերմուկը: Այնուամենայնիվ, ընդհանուր շրջագայությունները Հայաստանով նույնպես բավականին մեծ պահանջարկ ունեն: «Ավիաթռիչքով փաթեթները նախատեսված են 4 և 8 օրվա համար: Կարճ տուրն ընդգրկում է շրջագայություն Երևանով, այցելություն Գառնի, որը ԱՊՀ տարածքի միակ հեթանոսական տաճարն է, Գեղարդ, ուղևորություն դեպի Սևան, այցելություն կոնյակի «Արարատ» գործարան, էքսկուրսիա Էջմիածին, որտեղ գտնվում է կաթողիկոսի նստավայրը: Տուրի արժեքն ավիափոխադրման հետ միասին կազմում է 386 եվրո, ավելի ծավալուն 8-օրյա շրջագայությունը՝ մոտ 600 եվրո»,-գրում է Ռուսաստանի Տուրինդուստրիայի միության RATA-news էլեկտրոնային թերթը BTA Travel գործակալությունների հետ աշխատանքի գծով բաժնի պետ Միխայիլ Մոնինի վրա հղումով: Վրացական զբոսաշրջային պրոդուկտի առավելությունն, ըստ փորձագետների, նույնպես ենթադրում է էքսկուրսիոն ծրագրի մեծ բազմազանություն: «Օրինակ, այս տարի մենք կառաջարկենք տուր դեկտեմբերի 31-ից հունվարի 10-ը, որի ընթացքում զբոսաշրջիկներին գրեթե ամեն օր նոր հանդիպում է սպասում նոր վայրերի հետ: Երթուղին կանցնի Թբիլիսիով, Քութաիսով և Բաթումով: Ամանորյա տոնական ընթրիքի հետ միասին այդ ուղևորությունը մեկ մարդու հաշվարկով կպահանջի 2400 դոլար առանց ավիատոմսի»,-պատմել է «Ժարկով տուր» ընկերության Միջին Ասիայի և Կովկասի բաժնի ղեկավար Ռենա Գալուստովան: Որպես Հայաստանի մեծ առավելություն Գալուստովան նշել է ավիափոխադրման համեմատաբար էժան գինը: «Մոսկվայից Երևան ավիատոմսի գինը 17 հազար ռուբլի է: Համեմատության համար՝ մինչև Թբիլիսի և հակառակ ուղղությամբ 30 հազար ռուբլի»,-ասել է նա: Ըստ «Ալեան» ընկերության կոմերցիոն տնօրեն Օքսանա Բուլախի, վաճառքների աճը դեպի Վրաստան ու Հայաստան հասել է մոտ 20 տոկոսի: Պարբերականը նշում է, որ Վրաստանի իշխանությունները չեն շտապում ավելացնել ռուսաստանցի ավիափոխադրողների քանակը: Ըստ Վրաստանի Քաղավիացիայի տնօրեն Գուրամ Ջալագոնիայի, վրացական կողմից Թբիլիսիի և Մոսկվայի միջև չվերթներ այսօր իրականացնում է միայն «Վրացական ավիաուղիներ» ընկերությունը, իսկ ռուսական կողմից մի քանի հայտ կա: Ինչպես հայտնի է, սեպտեմբերին «Ռոսավիացիան» հայտարարեց Մոսկվա-Թբիլիսի կանոնավոր օդային հաղորդակցության վերականգնման մասին: Թռիչքներ իրականացնելու թույլտվություն ունեն արդեն 7 ռուսական ավիաընկերություններ, սակայն այժմ այդ ուղղությումբ թռչում են երեք ավիաընկերությունների ինքնաթիռներ, որից մեկը վրացական ընկերությունն է: Ինչ վերաբերում է Հայաստանին, ապա, ըստ RATA-news-ի, մինչև տարեվերջ ռուսաստանցի զբոսաշրջիկների հոսնքն այդ ուղղությամբ կհասնի մոտ մեկ միլիոնի: Մինչդեռ ճանապարհորդների աշխարհի խոշորագույն TripAdvisor կայքն ընդգրկել է Հայաստանը նախընտրելի երկրների Travelers Choice ցանկում: Travellers' Choice Destinations Award մրցանակը հանձնվում է կայքի միլիոնավոր օգտատերերի կարծիքների հիման վրա: 10 լավագույն քաղաքների ցանկը որոշվում է մի քանի չափանիշներով՝ հյուրանոցների քանակն ու արձագանքների որակը, զվարճությունների և ռեստորանների քանակն ու որակական կազմը մեկ տարվա կտրվածքով: Մրցանակները շնորհվում են 500 ուղղություններով, ներառյալ աշխարհի լավագույն զբոսաշրջային վայրերը: Կան նաև անհատական անվանակարգեր Աֆրիկայի, Ասիայի, Ավստրալիայի, Կանադայի, Կարիբյան կղզիների, Կենտրոնական Ամերիկայի, Եվրոպայի, Չինաստանի, Մերձավոր Արևելքի, Հարավային Ամերիկայի, Հարավխաղաղօվկիանոսային տարածաշրջանի, Մեծ Բրիտանիայի ու ԱՄՆ-ի համար: Արդեն մի քանի տարի է, ինչ զբոսաշրջությունը Հայաստանում հայտարարվել է տնտեսության առաջնահերթ ոլորտներից մեկը: Այս ոլորտն ունի առանձնացված պետական քաղաքականություն: 2014թ. հունվար-հունիսին հանրապետություն է ժամանել 495 967 զբոսաշրջիկ կամ 2013թ. նույն ժամանակաշրջանի նկատմամբ ցուցանիշը աճել է 17.3%: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Միրզոյանը դասալիք է անվանել «Տավուշը հանուն հայրենիքի» շարժմանը միացած դիվանագետներին Միրզոյանի կարծիքով՝ սա ամենամեղմ գնահատականն է, որ կարող է իրեն թույլ տալ հնչեցնել ԳԱԱ գլխավոր շենքի դռները փակ էին. Բագրատ սրբազանը միայնակ ներսում հանդիպել է փոխտնօրենին և աշխատողներին Պատմության ինստիտուտում նրան դիմավորել է տնօրեն Աշոտ Մելքոնյանը Երևանում բոլոր բերման ենթարկվածներն ազատ են արձակվել Վերջին տվյալներով ոստիկանության բաժիններ բերման էր ենթարկվել 151 քաղաքացի Միրզոյան․ Ադրբեջանի ԱԳ նախարարի հետ բանակցությունները կառուցողական էին Նա հավելել է, որ գործընթացը շարունակվում է |