Ուորլիք. ԵԱՀԿ ՄԽ-ն կբանակցի Հայաստանի և Ադրբեջանի նախագահների հանդիպման կազմակերպման շուրջ 5 դեկտեմբերի 2014 - 13:09 AMT PanARMENIAN.Net - Ադրբեջանի ԱԳ նախարար Էլմար Մամեդյարովը դեկտեմբերի 4-5-ը շվեյցարական Բազելում անցնող ԵԱՀԿ Նախարարների խորհրդի 21-րդ նիստի շրջանակներում հանդիպել է ԵԱՀԿ Մինսկի խմբի համանախագահներ Իգոր Պոպովի, Ջեյմս Ուորլիքի, Պիեռ Անդրիեի և ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ: Ադրբեջանի ԱԳՆ տարածած հայտարարության մեջ ասվում է, որ հանդիպման ժամանակ ընդհանուր քննարկումներ են անցկացվել ղարաբաղյան կարգավորման և այդ ուղղությամբ համանախագահների հաջորդ տարվա ծրագրերի ու առաջարկների վերաբերյալ: Մինչդեռ, ԵԱՀԿ ամերիկացի համանախագահ Ջեյմս Ուորլիքը հայտարարել է, որ համանախագահների հետ Ադրբեջանի և Հայաստանի ԱԳ նախարարների հանդիպման օրակարգում էին ոչ միայն շփման գծում ուղղաթիռի խոցման ու լարվածության հարցերը, այլ նաև հակամարտության կարգավորմանն առնչվող խնդիրները: «Այժմ շատ կարևոր է միավորել կողմերին երկխոսության համար և զարգացնել այն»: «Ուղղաթիռի հետ կապված միջադեպն ողբերգական կարող է համարվել երկու կողմերի համար: Մենք աշխատում ենք կանխել նման միջադեպերն ու շարունակել երկխոսությունը: Պարբերաբար լարվածություն առաջացնող իրադարձություններ են տեղի ունենում և դա վնասում է բանակցային գործընթացին: Մենք կոչ ենք անում երկու կողմերին զուսպ լինել ու կենտրոնանալ կարգավորման գործընթացի վրա»,-ասել է նա, հայտնում է ԱՊԱ գործակալությունը: Պատասխանելով այն հարցին, թե արդյոք առաջիկայում նախատեսվում է նախագահների հանդիպում՝ դիվանագետն ասել է, որ իրազեկված չէ նման հանդիպման մասին: «Սակայն այդպիսի հանդիպում հնարավոր է: Մենք կբանակցենք այդ ուղղությամբ: Եթե նախագահները որոշում կայացնեն հանդիպման մասին, մենք պատրաստ ենք աջակցել նրանց»: Ավելի վաղ Բազելում ԵԱՀԿ Մինսկի խմբի համանախագահներ Իգոր Պոպովի, Ջեյմս Ուորլիքի, Պիեռ Անդրիեի և ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ հադիպում է տեղի ունեցել ՀՀ ԱԳ նախարար Էդվարդ Նալբանդյանի մասնակցությամբ: Հայաստանի արտգործնախարարը միջնորդների ուշադրությունը հրավիրել է վերջին շաբաթներին Ադրբեջանի կողմից ամենաբարձր մակարդակով սաստկացած ռազմատենչ հռետորաբանության, բանակցությունների էությունն ու բովանդակությունը խեղաթյուրող հայտարարությունների, մարդկային զոհերի պատճառ դարձած` Հայաստանի հետ սահմանին և Արցախի հետ շփման գծում հրադադարի ռեժիմի կոպտագույն խախտումների, ուսումնավարժական թռիչք իրականացնող` Արցախի ՊԲ ուղղաթիռի խոցման հետևանքով ստեղծված իրավիճակի վրա։ Հանդիպմանը շարունակել են քննարկել ղարաբաղյան հակամարտության խաղաղ կարգավորման գործընթացն առաջ մղելու հնարավորությունները: Էդվարդ Նալբանդյանը վերահաստատել է, որ Հայաստանը շարունակելու է եռանախագահների հետ համատեղ ջանքեր գործադրել՝ ուղղված ղարաբաղյան հիմնախնդրի բացառապես խաղաղ կարգավորմանը: Նոյեմբերի 12-ին ղարաբաղա-ադրբեջանական շփման գծի արևելյան հատվածի օդային տարածքում ուսումնավարժական թռիչքի ժամանակ ադրբեջանական ԶՈւ-ն հրադադարի ռեժիմի խախտմամբ խոցել էր ԼՂՀ ՌՕՈւ ՄԻ-24 ուղղաթիռը: Խոցման վայրը շփման գծին չափազանց մոտ է: Նոյեմբերի 22-ին պարզվել էր, որ ԼՂՀ զինված ուժերը ստիպված դիմել են խոցված ուղղաթիռի անձնակազմի ճակատագիրն անկման վայրում պարզելու և դրանից բխող խնդիրները լուծելու հատուկ նշանակության գործողության: Մարտական խնդրի կատարման արդյունքում դեպքի վայրից տարհանվել էին ուղղաթիռի անձնակազմից դիերն ու ուղղաթիռի որոշ անհրաժեշտ մասեր: Դեկտեմբերի 1-ին ԼՂՀ Ազգային ժողովի խոսնակ Աշոտ Ղուլյանը Վաշինգտոն աշխատանքային այցի շրջանակում հանդիպել է նաև ԵԱՀԿ Մինսկի խմբի ամերիկացի համանախագահ Ջեյմս Ուորլիքի հետ: Ինչպես հայտնում է ԼՂՀ խորհրդարանի մամուլի ծառայությունը, Ուորլիքի հետ Ղուլյանի հանդիպման ընթացքում քննարկվել են տարածաշրջանում վերջին զարգացումներին և ադրբեջանա - ղարաբաղյան հակամարտության խաղաղ կարգավորման գործընթացին առնչվող մի շարք հարցեր: Ուորլիքի հանդիպումը Ղուլյանի հետ, ինչպես և սպասելի էր, խիստ բացասական արձագանք ստացավ Բաքվում: Ինքը Ուորլիքն այսպես մեկնաբանեց իր հանդիպումը Ղուլյանի հետ. «Ես, որպես ԵԱՀԿ Մինսկի խմբի համանախագահ, կարևոր եմ համարում քննարկումներ անցկացնել բոլոր կողմերի հետ ղարաբաղյան հակամարտության խնդրի կարգավորման նպատակով: Մենք քննարկեցինք լարվածության նվազեցման կարևորությունը, որն առաջացել է նոյեմբերի 12-ին զորքերի շփման գծում տեղի ունեցած միջադեպի հետևանքով, և կարևորել ենք նաև բանակցություններում առաջընթացի հասնելու անհրաժեշտությունը»,-ասել է Ուորլիքը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Սիմոնյան․ ՀՀ-ում իշխանափոխություն հնարավոր է միայն ԱԺ ընտրություններով, որոնք կկայանան 2026-ին Նա նշել է, որ 2018-ին ՀՀ իշխանությունը ձևավորված չէր ընտրությունների միջոցով և ժողովուրդը վերականգնեց իր ընտրելու իրավունքը Բիզնես գաղափարներ` պատանիներից․ 6-րդ Fastex Meetup-ը կայացել է Fastex Meetup հանդիպումների շարքը շարունակական է Երևանում քամուց շինությունների տանիքներ, թիթեղյա ծածկեր են վնասվել, կոտրվել են ծառեր Փրկարարներն իրականացրել են կոտրված ծառերի մասնատման, թիթեղների ամրացման և ապամոնտաժման աշխատանքներ |