Եվս մեկ դատավճիռ Սևան Նիշանյանի դեմ. Պատժաչափը դարձավ 11 տարի 8 ամիս 5 դեկտեմբերի 2014 - 13:34 AMT PanARMENIAN.Net - Թուրքիայում արդեն իսկ ազատազրկված հայազգի լրագրող, լեզվաբան, գրող ու գործարար Սևան Նիշանյանի գործով շարունակվող մեկ այլ դատավարության շրջանակներում կայացրած որոշման համաձայն վերջինս դատապարտվել է ևս 5 տարի 2 ամիս և 15 օր ազատազրկման ու 12.600 լիրա դրամական տույժի: Այս անգամ Նիշանյանին մեղավոր են ճանաչել Մշակութային և բնական արժեքների պահպանման մասին օրենքը «խախտելու» համար: Այսպիսով Նիշանյանի ընդհանուր պատժաչափը հասավ 11 տարի 8 ամսի՝ հաշվի առնելով, որ նա արդեն իսկ դատապարտված է, «Ակոս»-ին հղումով գրում է Ermenihaber-ը: Նիշանյանի փաստաբան Մուրաթ Աքչըն հայտարարել է, որ այդ դատավճիռը ևս կբողոքարկվի: Մարտ ամսին Նիշանյանի դեմ կայացված դատավճիռը բողոքարկվել էր Թուրքիայի սահմանադրական դատարանում, որն էլ բավարարելով բողոքը, չեղյալ էր հայտարարել պատժաչափը: Սակայն այս անգամ արդեն դատարանը նրա դեմ գործ է հարուցել նույն հոդվածի այլ կետով և նոր պատժաչափի որոշում կայացրել: Նիշանյանի փաստաբանի խոսքերով վերոնշյալ պրակտիկայի կիրառման հետևանքով իր պաշտպանյալի վրա այնքան գործեր են հարուցվել, որ իրենք նույնիսկ կորցրել են դրանց հաշիվը: Աքչըն տեղեկացրել է, որ Թուրքիայում Նիշանյանից բացի չկա մեկ այլ անձնավորություն, ով նշյալ հոդվածներով պատիժ կրի փակ ռեժիմի կալանավայրում: Փաստաբանն ավելացրել է նաև, որ Սահմանադրական դատարանի կողմից այս հարցին վեջնական լուծում չտրվի ապա Սևան Նիշանյանը կարող է միևնույն օրենքի խախտման պատրվակով բազմաթիվ տարիներ փակ ռեժիմի բանտում անցկացնել: 2014-ի հունվարի 2-ից հայ լրագրող ու լեզվաբան Սևան Նիշանյանը գտնվում է թուրքական բանտում: Պատժի դաժանությունն անգամ դրդել էր քաղաքացիական հասարակության կազմակերպությունների ակտիվիստներին ու ներկայացուցիչներին հավաքվել ու կազմավորել Սևան Նիշանյանի ազատության ու արդարության միջազգային կոմիտե: 2011-ի մարտի 9-ին Սևան Նիշանյանը դատապարտվեց 3 տարի և 4 ամիս ազատազրկման «ապօրինի շինարարության» համար: Դատարանի վճիռը պայմանավորված էր նրանով, որ լրագրողն անշարժ գույք ուներ, որը Թուրքիայում հայտնի է որպես «Նիշանյանի տներ», իսկ Իզմիրի վարչակազմը ցանկանում է քանդել դրանք որպես ապօրինի շինություններ: Դատարանը նաև տուգանել է Նիշանյանին 160 լիրով և զրկել է նրան որոշ արտոնություններից: Իզմիրի վարչակազմը որոշել է քանդել «Նիշանյանի տները», որոնք բաղկացած են գյուղական կոլորիտով 16 շինություններից որպես ապօրինի կառույցներ: Ինքը Նիշանյանն ընկալում է այդ որոշումը որպես ակցիա` ուղղված իր դեմ: Նա հայտարարել է, որ թուրքական իշխանությունները չեն կարող իրագործել իրենց որոշումը, քանի դեռ ինքը ողջ է: Նիշանյանն իր շինությունները փոխանցել է Ազիզ Նեսինի հիմնադրամին: 2013-ի մայիսին Սևան Նիշանյանը դատապարտվեց 13,5 ամսվա ազատազրկման Մուհամմեդ մարգարեի հասցեին հնչեցրած խոսքերի համար: Նրա գրառումը բլոգում դատարանը համարեց «աստվածապղծություն»: 2010-ին Նիշանյանի մեկնաբանությունները Հայոց ցեղասպանության վերաբերյալ թուրքական հեռուստաեթերում հանգեցրին հեռուստաալիքի դեմ ուղղված պատժամիջոցների: Թուրքիայի Ռադիոյի և հեռուստատեսության գերագույն խորհուրդը հայտարարեց, որ Նիշանյանի մեկնաբանությունները «ստորացնում են Թուրքիայի Հանրապետությանը»: 2012-ին «Թղթակիցներ առանց սահմանների» կազմակերպությունը Թուրքիային անվանեց «լրագրողների ամենամեծ բանտը»: Նիշանյանը կրում է պատիժը 2014-ի հունվարի 2-ից: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |