Ռուսաստանի ՊՆ ղեկավարությունը մտադիր է խստորեն պատժել ռազմակայանի հրամանատար կազմին14 հունվարի 2015 - 17:22 AMT PanARMENIAN.Net - ՌԴ պաշտպանության փոխնախարար Արկադի Բախինը, որը Հայաստանում է գտնվում Գյումրիում Ավետիսյանների ընտանիքի սպանության հետաքննության շրջանակում, քանի որ սպանության համար մեղադրվում է ռուսական ռազմակայանի ժամկետային զինծառայող Վալերի Պերմյակովը, տեղեկացրել է ՀՀ ՊՆ ղեկավար Սեյրան Օհանյանին 102-րդ ռազմակայանում ծառայողական հետաքննություն սկսելու մասին: Ինչպես հայտնում է ռուսական «Կոմերսանտը» ՌԴ պաշտպանական գերատեսչությունում աղբյուրի վրա հղումով, ՌԴ պաշտպանության նախարարության ղեկավարությունը մտադիր է խստորեն պատժել բոլոր նրանց, ով մեղսակից է եղել պատահարին: Ըստ աղբյուրի, նկատողություններ կհայտարարվեն և զգուշացումներ կարվեն ռազմակայանի ղեկավար կազմին: Ստուգման արդյունքների մասին նյութերը կուղարկվեն քննչական մարմիններին քրեական գործ հարուցելու համար ըստ ՌԴ ՔՕ 293 հոդվածի: Հունվարի 12-ին Գյումրի քաղաքի Մյասնիկյան փողոցի թիվ 188 տանը ընտանիքի վեց անդամին գտնել են սպանված, իսկ 6 ամսական երեխան տարբեր վնասվածքներով տեղափոխվել է հիվանդանոց: Հունվարի 12-ին Գյումրիում Ավետիսյանների ընտանիքի սպանությանմեջ կասկածվող 102-րդ ռազմաբազայի զինծառայով Վալերի Պերմյակովին հայտնաբերեցին ռուս սահմանապահները: Պերմյակովը Հայաստանին չի հանձնվելու: Նրա գործը քննելու է երկու երկրների իրավապահներից բաղկացած մարմինը: Մինչդեռ, ինչպես հայտնում է «Մոսկովսկի կոմսոմոլեցը», 2013-ի վերջից Հայաստանում տեղակայված ռուսական ռազմակայանից բավական հաճախակի են դարձել բողոքները: Այդ մասին հայտարարել է Ռուսաստանի Զինվորների մայրերի կոմիտեի պատասխանատու քարտուղար, ՊՆ-ին կից Հանրային խորհրդի անդամ Վալենտինա Մելնիկովան: «Նախկինում, 2009-2013 թթ. այնտեղ խաղաղ էր, ոչ մի բողոք զինվորներից կամ նրանց մայրերից մենք չենք լսել: Բայց, ինչպես հասկանում եք, ծառայողական մթնոլորտը շատ անգամ կախված է հրամանատարությունից: Եվ ահա 2013-ի վերջում այդ զորամասից ստացվող բողոքները բավականին հաճախակի դարձան: Չեմ կարող ասել, որ դրանք մասսայական են, բայց եղել են: Բողոքում էին հիմնականում այն բանից, որ զինծառայողներից փող են առգրավում, նվաստացնում են, ժամանակին հոսպիտալ չեն ուղարկում բուժման: Ընդ որում օգնության համար դիմող զինվորները դրանում մեղադրում էին ծառայակիցներին կամ զորամասի հրամանատարությանը, ավելի ճիշտ կրտսեր սպաներին: Որոշ դեպքերում մենք դիմել ենք զինդատախազին: մասնավորապես, դա վերաբերում էր դրամական միջոցների շորթմանը, որից հետո նման խախտումները կասեցվեցին»,-ասել է Մելնիկովան: Ըստ աղբյուրի, պարզվել է նաև, որ Պերմյակովն իր մասին տեղեկությունները քողարկելու հակում ունի: Օրինակ, սոցցանցի իր էջում նա նշել է, թե սովորել է Չիտայի երեկոյան դպրոցում, սակայն այդ հաստատության տնօրենը հերքել է դա: Ավելի ուշ պարզվել է, որ Պերմյակովը ծնունդով Զաբայկալյեի երկրամասի Դուլդուրգ գյուղից է, իսկ բանակ է զորակոչվել Չիտայի շրջանի Բալեյ քաղաքից: Այնտեղ էլ երեկոյան դպրոց կա: Ընթերցեք նաև. Գյումրիի ռուսական ռազմակայանը կարող է հրաժարվել ժամկետային զինծառայողներից Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |