Քերին հավանություն է տվել սիրիական կարգավորման վերաբերյալ ՌԴ խաղաղ նախաձեռնությանը15 հունվարի 2015 - 10:31 AMT PanARMENIAN.Net - ԱՄՆ պետքարտուղար Ջոն Քերին հավանություն է տվել Սիրիայում ճգնաժամի կարգավորմանն ուղղված Ռուսաստանի խաղաղ նախաձեռնությանը, հայտնում է Lenta.ru-ն Associated Press-ի վրա հղումով: «Ռուսաստանի ջանքերը կարող են օգուտ բերել»,-հույս է հայտնել Քերին ՄԱԿ և ԱՊԼ Սիրիայի գծով ներկայացուցիչ Ստեֆան դը Միստուրայի հետ հանդիպմանը Ժնևում: Ամերիկացի դիվանագետը հաջողություն է մաղթել նրան սիրիական քաղաքներում հրադադարի ռեժիմի հաստատման գործում: Ռուսական կողմը հարթակ է տրամադրում սիրիական ընդդիմության և կառավարության միջև բանակցությունների համար: Միջսիրիական բանակցությունները Մոսկվայում կկայանան հունվարի 26-29-ը: Ավելի վաղ սիրիական ընդդիմության առաջնորդներից Մուազ ալ Հատիբը մերժեց Մոսկվա մեկնելու հրավերը, պատճառաբանելով, որ չեն կատարվում դրական արդյունքների հասնելու համար անհրաժեշտ պայմանները: ՌԴ ԱԳ փոխնախարար Միխայիլ Բոգդանովն իր հերթին հայտնել է, որ «հունվարի 26-ին պատվիրակությունները կժամանեն, 27-ին շփումներ կլինեն սիրիացի ընդդիմադիրների միջև, 28-ին՝ կհանդիպեն Սիրիայի ընդդիմադիրներն ու կառավարության ներկայացուցիչները, 29-ին հանդիպումները կավարտվեն և պատվիրակությունները կմեկնեն Մոսկվայից», հայտնում է ՌԻԱ Նովոստի գործակալությունը: Նախորդ տարվա դեկտեմբերին Բոգդանովը հայտարարել էր, որ Ռուսաստանը պատրաստ է հարթակ տրամադրել Մոսկվայում սիրիական հակամարտության կողմերի հանդիպումների համար: Նա ենթադրում էր, որ հանդիպումները կկայանան հունվարի վերջում: Սիրիայի Ընդդիմադիր և հեղափոխական ուժերի ազգային կոալիցիայի ներկայացուցիչն այն ժամանակ հայտարարեց, որ ընդդիմադիր խմբերը քննարկումներ են սկսել Ռուսաստանում: Սիրիայի կառավարությունը նախկինում պաշտոնապես հաստատել էր Մոսկվայում նախնական բանակցություններին մասնակցելու իր պատրաստակամությունը՝ նպատակ ունենալով պայմանավորվել սիրիացիների միջև խորհրդաժողովի անցկացման մասին առանց արտաքին միջամտության: Հունվարի 14-ին Բոգդանովը հայտնեց, որ ՌԴ-ն շուրջ 30 հրավեր է ուղարկել սիրիական ընդդիմությանը մոսկովյան հանդիպմանը մասնակցելու առաջարկով: «Մենք ակնկալում ենք, որ նրանք այնուամենայնիվ կժամանեն, նրանց համար օգտակար կլինի շփվելը իրար հետ, պաշտոնական իշխանությունների ներկայացուցիչների հետ, որպեսզի գոնե ինչ-որ քաղաքական երկխոսություն սկսվի, որպեսզի հնարավոր լինի ուժային առճակատումը տեղափոխել քաղաքական դաշտ»,-ասել է Բոգդանովը: 2011 թ. մարտին սկսված հակամարտության ընթացքում Սիրիայում զոհվել է շուրջ 125 հազար մարդ, մոտ 4,2 միլիոնը փախստական են դարձել սիրիական տարածքում, երկու միլիոն մարդ փախել է հարևան երկրներ: Փախստականների ընդունման հիմնական բեռն ընկել է Հորդանանի, Իրաքի, Լիբանանի ու Թուրքիայի վրա: Սիրիայի բնակչության ընդհանուր քանակը մինչ պատերազմը կազմում էր 20 միլիոն: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |