«Հայոց ցեղասպանություն. հաշվետվություն և պատասխանատվություն» գիտաժողովը՝ Կալիֆորնիայի համալսարանում17 հունվարի 2015 - 17:05 AMT PanARMENIAN.Net - Կալիֆորնիայի համալսարանի հայագիտության ծրագիրը շաբաթ օրը՝ հունվարի 31-ին, մեկօրյա խորհրդաժողով կանցկացնի «Հայոց ցեղասպանություն. հաշվետվություն և պատասխանատվություն» խորագրով։ Այն նվիրված է 1915-ի և 2015-ի սերունդներին, և կլինի Հայոց ցեղասպանության հարյուրամյակին նվիրված Լոս Անջելեսի Միացյալ հայկական խորհրդի միջոցառումներից մեկը, տեղեկացնում է SCV News-ը: «Կոնֆերանսի կազմակերպումը Կալիֆորնիայի համալսարանում երեք նշանակություն ունի՝ այս համալսարանում սովորում են հայազգի բազմաթիվ ուսանողներ, Լոս Անջելեսում է հայկական սփյուռքի երկրորդ ամենամեծ համայնքը, և, վերջապես, դրա նպատակն է կառույցը բացահայտել հայ համայնքի համար, որն էլ իր հերթին կգրավի ավելի շատ ընկերներ և աջակիցներ»,- նշել է համալսարանի հայագիտության ծրագրի ղեկավար Վահրամ Շեմասյանը: Առավոտյան նիստին կներկայանա բանախոսների 2 խումբ: Առաջինը՝ «Լեզուն՝ որպես զոհ», կվարի Հակոբ Գուլուջյանը: Ելույթ կունենան Վարդան Մարտիոսյանը («Առանց համատեքստi․ Եղեռն բառի օգտագործումն ու չարաշահումը»), պրոֆեսոր Բարլոու Տեր Մուգրդեչյանը («Արևմտահայերենը և գրականությունն աքսորեցին․ Ցեղասպանությունը և դրա հետևանքները»), և Շուշան Կարապետյանը («Լեզվի բեռը՝ որպես բարոյական պարտականություն»): Բանախոսների երկրորդ խմբի զեկույցը՝ «Սովորեցնոլով ցեղասպանության մասին» խորագրով, կվարի Ռուբինա Փիրումյանը: Հասմիկ Բարանը կխոսի «Հայոց ցեղասպանության բովանդակությունը և մանկավարժությունը 21-րդ դարում․ Հայկական գործը» թեմայով, Ռոկսաննա Մակասջյանը՝ « Հայոց ցողասպանության դասավանդումը դպրոցներում», և Կորի Սթրիթը՝ «Սովորեցնել փոփոխության համար․ Օգտագործելով վկայությունները ցեղասպանության մասին սովորեցնելիս» թեմաներով: Լևոն Մարաշլյանը հանդես կգա երրորդ զեկույցով՝ «Ստիպողաբար նույնացվածները», հետևյալ ելույթներով. Խաչիկ Մուրադյան՝ «Բացահայտելով անցյալը: Առասպելաբանությունը և Թուրքիայի «թաքնված հայերը», Էլիզ Սեմերջյանը՝ «Խաչի դավածքով աղջիկը․ Նշումներ ծպտյալ հայերի մասին», Վահրամ Շեմասյանը՝ «Հայոց ցեղասմանությունը վերապրած պատանդների ճակատագիրը Սիրիայում»: Չորրորդ զեկույցը կներկայացնի Հայ իրավաբանների ասոցիացիան՝ «Հայոց ցեղասպանությանն առնչվող պարտականությունների իրավական պատասխանները» խորագրով: Գարո Ղազարյանը կներկայացնի բանախողներին, որոնց թվում են Սարո Կերկոնյանը («Արդարություն հանուն ցեղասպանության. Հնարավրություններն ու մարտահրավերները ԱՄՆ դատարաններում»), Էդվին Մինասյանը («Արդարություն հանուն ցեղասպանության. Հնարավրություններն ու մարտահրավերները Թուրքիայի դատարաններում») և Գառնիկ Կերկոնյանը («Արդարություն հանուն ցեղասպանության. Հնարավրություններն ու մարտահրավերները միջազգային դատարաններում») թեմաներով: Կոնֆերանսը կեզրափակի Ռիչարդ Գ. Հովհաննիսյանը: Երրորդ և չորրորդ խմբերը կներկայանան կեսօրի նիստին: Միջոցառումը հովանավորում են Կալիֆորնիայի համալսարանի Ժամանակակից և դասական լեզուների և գրականության ամբիոնը, Լոս Անջելեսի Միացյալ հայկական խորհուրդը, Հայագիտության ազգային ասոցիացիան, Վարդանանց ասպետները, Հայ իրավաբանների ասոցիացիան և Հայկական ընդհանուր բարեգործական միությունը: Հղումներ թեմայով. Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |