Ուորլիք. Անկախ ամեն ինչից ԱՄՆ-ն կշարունակի գործակցել ՌԴ հետ ԵԱՀԿ ՄԽ շրջանակում 5 փետրվարի 2015 - 11:50 AMT PanARMENIAN.Net - Չնայած Մոսկվայի հետ տարաձայնություններին, ԱՄՆ-ն կշարունակի համագործակցել Ռուսաստանի հետ ԵԱՀԿ ՄԽ շրջանակում: Այդ մասին հայտարարել է Մինսկի խմբի ամերիկացի համանախագահ Ջեյմս Ուորլիքը: Նա նշել է, որ Մինսկի խումբը կարգավորման մի ձևաչափ է, որն ընդունելի է բոլոր կողմերի համար, ուստի աշխատանքն այդ ձևաչափով կշարունակվի, անկախ Արևմուտքի և Մոսկվայի միջև տարաձայնություններից: Ամերիկացի համանախագահը նշել է, որ ՄԽ-ն շարունակում է լինել ռուս-ամերիկյան գործակցության ոլորտ: Նշելով, որ համանախագահները հանդիպում են և սերտորեն գործակցում են ղարաբաղյան հակամարտության կարգավորման հարցում, Ուորլիքը հույս է հայտնել, որ համատեղ աշխատանքը կշարունակվի: «Մենք, բնականաբար, ձգտում ենք կարգավորել տասնամյակներ տևող հակամարտությունը»,-եզրակացրել է Ուորլիքը, հայտնում է Armenia Today-ը: Ավելի վաղ այդ մասին հայտարարությամբ հանդես եկավ Գերմանիայի ԱԳՆ մամուլի ծառայությունը, նշելով, որ Գերմանիան խորապես մտահոգված է վերջին շրջանում կանոնավոր դարձած հրադադարի ռեժիմի խախտումներով ղարաբաղյան հակամարտության գոտում, «Գերմանիան կշարունակի գործակցությունը ղարաբաղյան հակամարտության կարգավորման ուղղությամբ և ընթացիկ տարում, երբ վերջինս նախագահելու է ԵԱՀԿ-ում: Որպես ՄԽ անդամ Գերմանիան հետևողականորեն սատարում է համանախագահների ջանքերին: Մենք լիովին հավատարիմ ենք հակամարտության կարգավորմանը տարածքային ամբողջականության, վիճահարույց հարցերի խաղաղ հանգուցալուծման և ինքնորոշման սկզբունքների հիման վրա»,-ասվում է հայտարարության մեջ: Գերմանիայի ԱԳՆ-ն շեշտում է, որ Բեռլինն այս պահին այլընտրանք չի տեսնում «ԵԱՀԿ Մինսկի խմբի ձևաչափին, որին սատարում են նաև հակամարտության կողմերը: Միևնույն ժամանակ, սատարելու համար ՄԽ ջանքերին Եվրամիությունը պետք է առավել արդյունավետ ներգրավվածություն ունենա այս հարցում: Օրինակ, ԵՄ-ն վստահություն առաջացնող միջոցների օգնությամբ կարող է մասնակցել կարգավորման գործընթացին», հայտնում է ԱՊԱ գործակալությունը: Մտահոգություն հայտնելով շփման գծում վերջին սրացումների վերաբերյալ՝ Գերմանիայի ԱԳՆ-ն նշում է. «Մենք կոչ ենք անում կողմերին վերլուծել դիտարկումների մեխանիզմի խախտումները: Մինսկի գործընթացի շարունակման հիմնական պայմաններից է հրադադարի ռեժիմն ու նրա պահպանումը»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում Զբոսաշրջության կոմիտեի նախագահն ազատվել է պաշտոնից Պօղոսեանը նշանակվել էր պաշտոնում 2022–ի հունվարին Բագրատ սրբազանը՝ առաջնորդությունը քաղուժերին փոխանցելու մասին․ Թող գան, վերցնեն, ով ցանկանում է «Ես բոլորի հետ խոսում եմ»,–ասել է նա |