Առցանց առևտրի կանոնները ԵՏՄ-ում դեռևս անփոփոխ կմնան 9 փետրվարի 2015 - 15:02 AMT PanARMENIAN.Net - Մոսկվայում Եվրասիական տնտեսական հանձնաժողովի Խորհրդի նիստում հավանության է արժանացել Եվրասիական միջկառավարական խորհրդի (ԵՄԽ) «Հաստոցաշինության եվրասիական ինժինիրինգային կենտրոնի ստեղծման հայեցակարգի մշակման մասին» կարգադրության նախագիծը: Նախատեսվում է, որ ԵՏՄ անդամ պետությունների կառավարությունները ԵՏՀ հետ համատեղ կմշակեն Հաստոցաշինության եվրասիական ինժինիրինգային կենտրոնի ստեղծման հայեցակարգի նախագիծն ու կներկայացնեն այն ԵՄԽ հերթական նիստի քննարկմանը: Բացի այդ, ինչպես հայտնել են ԵՏՀ-ում, Հանձնաժողովի Խորհրդի անդամները քննարկել են միջազգային փոստային ցանցով և փոխադրիչների կողմից առաքվող անձնական օգտագործման ապրանքների մաքսազերծ ներմուծման գնային և քաշային նորմերի միասնականացման հարցը: Որոշվեց պահպանել Միության անդամ երկրներում գործող նորմերը մինչ ԵՏՄ Մաքսային օրենսդրության ընդունումը: Այսպիսով, անդրսահմանային առցանց առևտրի կանոնները դեռևս կմնան անփոփոխ: Նիստում հավանության է արժանացել նաև 2015-ին Բելառուսի ներկայացուցիչ Վասիլի Մատյուշևսկու նշանակումը ԵՏՀ Խորհրդի նախագահի պաշտոնում: Օրակարգի հիմնական հարցերից էր նաև ԵՏՄ-ին Ղրղզստանի միանալու պայմանների մասին արձանագրությունների նախագծերի պատրաստման հարցը, հայտնում է Evrazesnews.ru-ն: Դեռ 2014-ի նոյեմբերին ՌԴ նախագահ Պուտինը հայտարարեց, որ առցանց առևտրի հարկման մակարդակը պետք է համաձայնեցված լինի Մաքսային միության ներսում, պահպանելով պետությունների ֆինանսական շահերը: «Առևտրի հարկադրման մակարդակը պետք է ներդաշնակեցված լինի Ղազախստանի հետ, քանի որ եթե Ղազախստանում մի թիվ լինի, Ռուսաստանում՝ այլ, Բելառուսում՝ մեկ ուրիշը, ապա ամբողջ բիզնեսը կտեղափոխվի կամ Ղազախստան, կամ ՌԴ, կամ էլ Բելառուս»,-ասել է ր Պուտինը: «Մենք դա կանենք հավասարակշիռ, չարդարացված ուժեղ հարվածներ չհասցնելով բիզնեսին, այլ, հակառակը, պահպանելով աշխատելու համար բարենպաստ մակարդակը, ապահովելով պետության ֆիսկալ շահերի պահպանումը»,-ասել է ՌԴ նախագահը: Հոկտեմբերի 17-ին ՌԴ վարչապետի առաջին տեղակալ Իգոր Շուվալովի մոտ տեղի ունեցավ խորհրդակցություն, որտեղ քննարկվեց անմաքս առցանց առևտրի շեմը 1000 եվրոյից մինչև 150 եվրո նվազեցնելու հարցը: Հոկտեմբերի վերջում ՌԴ տնտեսական զարգացման նախարար Ալեքսեյ Ուլյուկաևը հայտնեց, որ նախատեսվում է շեմը սահմանել 500 եվրոյի չափով, քանի որ այդ մակարդակից բարձր սկսվում է բիզնեսը, և «անհասկանալի է, թե ինչու այն պետք է ազատվի մաքսատուրքերից, եթե ապրանքները ստանում է արտասահմանից փոստով: Իսկ մինչև 500 եվրո արժողությամբ ծանրոցներով, որպես կանոն, մարդիկ ուղարկում են անձնական օգտագործման իրեր, դրանք լրացուցիչ հարկադրում չեն անցնի»,-ասել էր նա: Առաջարկվում է նաև սահմանափակել ծանրոցի քաշը 10 կգ և սահմանափակում մտցնել, որի համաձայն նման գործարք կարելի է կատարել ամիսը միայն մեկ անգամ: Ըստ գործող կարգի, ծանրոցի քաշը չպտեք է գերազանցի 31 կգ, իսկ հաճախականությունը սահմանափակված չէ: Ըստ Հայաստանի մաքսային օրենսդրության, ֆիզիկական անձինք առանց մաքսատուրքի կարող են ստանալ ծանրոց, որի արժեքը չի գերազանցում 150 հազար դրամը, իսկ քաշը՝ 20 կգ: Հայաստանը ԵՏՄ լիիրավ անդամ դարձավ 2015-ի հունվարի 2-ից: Պայմանագրով նախատեսվում է 1-8 տարի տարի Հայատանի և ԵՏՄ մաքսային տոկոսադրույքների ներդաշնակեցման համար, 12-60 ամիս՝ Մաքսային միության տեխնիկական կանոնակարգերի ընդունման, 3 տարի՝ մտավոր սեփականության օբեյկտենրի իրավունքների պահպանության ու պաշտպանության հարցերի կարգավորման համար: Անցումային շրջանում ԵՏՄճ-ն իրավունք ունի որոշելու Հայաստանի տարածք իր ապրանքների ներմուծման հատուկ կարգը: Պայմանագրով նախատեսվում են նաև աօրանքների տեղափոխման առանձնահատկությունները օտար պետությունների տարածքով: Հայաստանը կստանա ԵՏՄ մաքսային մուտքերի 1,13 տոկոսը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ Ադրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը» |