  Ադամ Շիֆն ԱՄՆ Կոնգրեսում 1 ժամ շարունակ կարդացել է Ցեղասպանության զոհերից 1.000-ի անունը (վիդեո)  23 ապրիլի 2015 - 10:32 AMTPanARMENIAN.Net - ԱՄՆ-ի Կոնգրեսի Ներկայացուցիչների պալատի անդամ Ադամ Շիֆն ապրիլի 22-ին մի ամբողջ ժամ է հատկացրել Հայոց ցեղասպանության 1.5 մլն զոհերից 1.000-ի անունն ընթերցելու համար: Հայանպաստ գործունեությամբ հայտնի կոնգրեսականն ընթերցել է այն նահատակների անունները, որոնց մասին տվյալները նախապես գրանցված են եղել պաշտոնյայի առաջարկած առցանց հասցեում, asbarez.com-ին հղումով գրում է Tert.am-ը: «Մեկ ժամում ես ի վիճակի եղա ընթերցել Հայոց ցեղասպանության զոհերի միայն չնչին մասի անունները: Բոլորի անուններն ընթերցելու համար կպահանջվեին շաբաթներ: Սակայն ես լիահույս եմ, որ այս քայլով կնպաստեմ հասարակության ուշադրությունն այդ սոսկալի հանցանքի կողմը հրավիրելուն»,- ասել է Շիֆը: Աղբյուրը հիշեցնում է, որ երեկ հայտնի է դարձել, որ ԱՄՆ-ի նախագահ Բարաք Օբաման հայերի համար խորհրդանշական այս տարում ևս 1915թ. տեղի ունեցած դեպքերը չի բնորոշի որպես «ցեղասպանություն»: Ավելի վաղ Ֆեյսբուքի իր պաշտոնական էջում կոնգրեսական տեղեկացրել էր, որ այսպիսի նախաձեռնության է պատրաստվում. «Ի հիշատակ Հայոց ցեղասպանության 100-րդ տարելիցի ապրիլի 22-ին Ներկայացուցիչների պալատում մեկ ժամ կարդալու եմ զոհերի անունները և գրանցելու եմ այդ անունները Կոնգրեսական արձանագրություններում: Ես հրավիրում եմ ձեզ գրանցել ձեր սիրելիների անունները, ովքեր դարձել են ցեղասպանության զոհ, և հարգել նրանց հիշատակը»: Ապրիլի 22-ին ԱՄՆ նախագահի աշխատակազմի ղեկավար Դենիս Մակդոնոուն և ազգային անվտանգության խորհրդականի տեղակալ Բեն Ռոդսը Սպիտակ տանը հայ համայնքի ներկայացուցիչների հետ հանդիպմանը հայտարարեցին, որ Բարաք Օբաման որոշել է չճանաչել Հայոց ցեղասպանությունն ապրիլի 24-ի իր ամենամյա ուղերձում: Կոնգրեսական Ադամ Շիֆը հայտարարեց, որ խորապես հիասթափված է ԱՄՆ նախագահի որոշումից. «Խորապես հիասթափված եմ նրանից, որ նախագահը հերթական անգամ չի կարողանում ճիշտ գնահատել 1,5 մլն հայերի բնաջնջումը 1915-23 թթ. և ճանաչել, որ դա ցեղասպանություն էր: Որքա՞ն պետք է սպասեն զոհերն ու նրանց ժառանգները, մինչև որ մեր երկիրն այնքան համարձակություն ունենա, որ դիմակայի Թուրքիային` ճշմարտությունն ասելով Օսմանյան կայսրության հանցավոր անցյալի մասին: Եթե նախագահը չասի անցյալը ճանաչելու մասին, ապա ո՞վ պետք է դա անի: Եթե՞ ոչ 100 տարի անց, ապա ե՞րբ: ԱՄՆ-ն տարիներ շարունակ հպարատցել է, որ փարոս է հանդիսանում մարդու իրավունքների պաշտպանության, վայրագությունների դեմ պայքարի, սեփական և այլ երկրների անցյալի ցավոտ էջերի ճանաչման գործում: Դա չի կարող լինել, եթե նախագահը կամ Կոնգրեսը մեղսակից են դառնոմ Հայոց ցեղասպանության ժխտման քաղաքականությանը: Անցած շաբաթ Հռոմի պապ Ֆրանցիսկոսը հայտարարեց վերքն ամոքելու անհրաժեշտության մասին, որը շարունակում է արյունահոսել ճանաչման բացակայության պատճառով: Ես միայն ուզում եմ, որ Վաշինգտոնում դա լսեն»:    Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Սյուժե Վերջին լուրեր Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է  Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացինԱբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |
