Mint Press News. Ի՞նչ պետք է լինի, որպեսզի բոլորս համաձայնության գանք «ցեղասպանություն» եզրույթի հարցում19 մայիսի 2015 - 14:33 AMT PanARMENIAN.Net - Կոտորածը մի երկրում կարող է բնորոշվել որպես «ցեղասպանություն», մյուսում` որպես «ոճրագործություն», իսկ 3-րդ երկրում այդ երևույթի մասին հիշատակելն անգամ կարևորություն չի ներկայացնում: Վերջիվերջո ինչ պետք է լինի, որպեսզի մենք բոլորս համաձայնության գանք «ցեղասպանություն» եզրույթի օգտագործման հարցում: Այս հարցի պատասխանը մեծամասամբ քաղաքական է։ Այսպես է սկսում Mint Press News պարբերականն իր ուշագրավ անդրադարձը Հայոց ցեղասպանության թեմային: Հոդվածագիր Ջեֆրի Քավանաֆը նշում է, որ «Հայոց ցեղասպանության վերջերս լրացած 100-ամյակը փաստում է, որ աշխարհը բոլոր ողբերգությունները միանման կերպով չի ընկալում», հայտնում է Tert.am-ը: «Քաղաքականությունը` և՛ ներսի, և՛ դրսի, իր ուզած ձևով է ուղղորդում մարդկանց կողմից պատմության հստակ փաստերի ընկալումը»,-գրում է Քավանաֆը` որպես ասվածի ապացույց բերելով այն, որ ժամանակակից Թուրքիայում Ցեղասպանության թեման շարունակում է արգելված մնալ: «ԱՄՆ-ն, որը սերտ կապի մեջ է թուրքական կառավարության հետ, Անկարայի խորհրդով ևս խուսափում է «ցեղասպանություն» եզրույթի օգտագործումից: Նախագահ Օբաման տեղի ունեցածն անվանում է «Մեծ եղեռն»` տպավորություն ստեղծելով, թե 1.5 մլն մարդ զուտ պատահականության պատճառով է զրկվել կյանքից: Կարծես թե նրանք ուղղակի հայտնվել են սխալ վայրում, սխալ ժամանակ»,-շարունակում է հեղինակը: Քավանաֆի խոսքով՝ «անգամ ՄԱԿ-ի գլխավոր քարտուղար Բան Կի Մունը, ով սովորաբար ավելի վճռական դիրքորոշում է ունենում նման հարցերում, Հայոց ցեղասպանությունն անվանել է «վայրագություն»: Նա նաև հիշատակում է Հոլոքոստի դառը փորձն ունեցող Իսրայելին, որը ևս իրերն իր անուններով չի կոչում և ամեն կերպ խուսափում է տվյալ թեման շահարկելուց: «Դե ինչ, ազգային շահերը գրեթե միշտ առավել են դասվել պատմական փաստերի ճանաչումից»,-նկատում է հեղինակը: Այնուհետև նա վերհիշում է Հայոց ցեղասպանությունից զատ մի շարք այլ ցեղասպանություններ, որոնք տեղի են ունեցել Ռուանդայում, Դարֆուրում, Բալկաններում, Կամբոջայում։ «Ինչպե՞ս է պատահում, որ դրանց մի մասն ԱՄՆ-ն ընդունում ու ճանաչում է որպես ցեղասպանություն, իսկ նմանատիպ այլ դեպքերը` ոչ: Այս միտումն արտացոլում է ժամանակակից աշխարհում վարվող քաղաքական ոչ պատշաճ լինելը: Դեպքերը կոչվում են իրենց անուններով կամ հերքվում` կախված նրանից, թե ովքեր են իրագործողները: Բոլոր երկրներն էլ այս սկզբունքով են առաջնորդվում, քանի որ դա մարդկային հոգեբանության մի մասն է: Կապ չունի, թե ոճրագործության պատճառով ինչքան մարդ է սպանվել, քաղաքականության մեջ նման բաները 2-րդական են: Ահա այսպիսի քաղաքական դրսևորումները հանգեցնում են նորանոր ոճրագործությունների իրագործման»,- եզրափակում է հոդվածագիրը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |