 Deutsche Welle. ԼՂՀ նախագահի փարիզյան այցը զայրացրել է Բաքվին 21 մայիսի 2015 - 20:14 AMT PanARMENIAN.Net - Ադրբեջանական իշխանություններին զայրացրել է մայիսի 17-19-ը ԼՂՀ նախագահ Բակո Սահակյանի այցը Փարիզ: Ադրբեջանում ֆրանսիայի դեսպան Պասկալ Մոնյեն կանչվել է ադրբեջանական արտգործնախարարություն, որտեղ ֆրանսիական դիվանագետին պաշտոնական Բաքվի բացասական վերաբերմունքն արտահայտող նոտա է ներկայացվել, Deutsche Welle-ին հղումով գրում է Panorama.am-ը: «Սահակյանի այցը Փարիզ վտանգում է ֆրանս-ադրբեջանական բարեկամական հարաբերությունները»,- նշվում է Բաքվի պաշտոնական արձագանքում: Մայիսի 17-ին Արցախի Հանրապետության Նախագահի գլխավորած պատվիրակությունն աշխատանքային այցով մեկնել է Ֆրանսիա: ԼՂՀ պատվիրակության կազմում էին արտգործնախարար Կարեն Միրզոյանը, առողջապահության նախարար Հարություն Քուշկյանը, նախագահի աշխատակազմի ղեկավարի տեղակալ Դավիթ Բաբայանն ու Ֆրանսիայում ԼՂՀ մշտական ներկայացուցիչ Հովհաննես Գևորգյանը: Մայիսի 18-ին նախագահ Սահակյանն Վալանսում հանդիպել է շրջանային խորհրդի անդամներին՝ խորհրդի նախագահ Պատրիկ Լաբոնի գլխավորությամբ, քննարկել Դրոմի շրջանի ու Արցախի միջև կապերի խորացմանը վերաբերող հարցեր:Հանդիպմանը գործակցության պայմանագրեր են ստորագրվել Դրոմի շրջանի և Արցախի, ինչպես նաև Վալանս ու Ստեփանակերտ քաղաքների միջև: Նախագահ Սահակյանը կարևորել է Դրոմի շրջանի ու շրջկենտրոնի հետ փոխգործակցությունը՝ նշելով, որ այն նոր որակ կհաղորդի երկկողմ հարաբերություններին եւ շոշափելի ազդեցություն կունենա դրանց ամրապնդման վրա: Մայիսի 20-ին Բակո Սահակյանն այցելել է Սարսել քաղաք, հանդիպել քաղաքային իշխանությունների հետ՝ քաղաքապետ Ֆրանսուա Պուպոնիի գլխավորությամբ: Հանդիպմանը Սարսելի և Մարտակերտի միջև գործակցության պայմանագիր է ստորագրվել: Նմանատիպ համաձայնագիր է ստորագրվել նաև երկրի արևելյան հատվածում գտնվողՎիլյորբան և ԼՂՀ Շուշի քաղաքների միջև: Բացի այդ, ԼՂՀ ղեկավարը հանդիպել է Ֆրանսիայի մի խումբ սենատորների,ներկայացրել Արցախի պետականաշինությանը, ներքին ու արտաքին քաղաքականությանը, ադրբեջանա-ղարաբաղյան հակամարտության կարգավորմանը, տարածաշրջանային գործընթացներին վերաբերող տեղեկություններ և պատասխանել ներկաների հարցերին: Ադրբեջանական արտգործնախարարության ներկայացուցիչ Ահմետա Գաջիեվան նշել է, որ «Լեռնային Ղարաբաղի չճանաչված հանրապետության նախագահի և նրան ուղեկցող այրերի այցելությունը Փարիզ» հակասում է Ֆրանսիայի` որպես Մինսկի խմբի մշտական համանախագահող երկրի մանդատի բովանդակությանը: Բաքվի հղած նոտայում, ըստ պարբերականի, նշված է, թե ֆրանս-ադրբեջանական բարեկամական հարաբերություններին վնասել է նաև Ղարաբաղի Ազգային ժողովի մայիսի 4-ին կայացած ընտրություններին ֆրանսիացի պատգամավորների`որպես դիտորդների ներկայությունը Ստեփանակերտում: Մայիսի 3-ին Լեռնային Ղարաբաղի քաղաքացիները խորհրդարանի նոր կազմ էին ընտրել: Ընտրողների ընդհանուր թիվը 101.653 էր, որոնցիցմասնակցել էր 72.039 մարդ՝ ընտրողների ընդհանուր թվի 70․6%-ը:Ավելի ուշ արդյունքներով պարզվեց, որԱրցախի խորհրդարանում ներկայացված կլինի հինգ քաղաքական ուժ՝«Ազատ Հայրենիք» կուսակցությունը ստացել էր քվեների 47․3%-ը, Արցախի ժողովրդավարական կուսակցությունը՝ 19․1%-ը, ՀՅ Դ-ն՝ 18․81%-ը, «Շարժում 88» կուսակցությունը՝ 6․93%-ը և «Ազգային վերածնունդ» կուսակցությունը՝ 5․38%-ը:    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:  Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Սյուժե Վերջին լուրեր Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է  Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացինԱբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |
