ԱՄՆ Կոնգրեսում կքննարկեն ՀՀ-ին ու ԼՂՀ-ին ֆինանսական աջակցություն հատկացնելու հարցը 2 հունիսի 2015 - 10:38 AMT PanARMENIAN.Net - ԱՄՆ-ի Կոնգրեսի Ներկայացուցիչների պալատի Օտարերկրյա հատկացումների ենթահանձնաժողովն այս շաբաթ կքննարկի 2016թ. ֆիսկալ տարվա բանաձևը, որն իր մեջ ներառում է նաև Հայաստանի Հանրապետությանն ու Լեռնային Ղարաբաղի Հանրապետությանն օգնության տրամադրման հարցը: Ինչպես նշում է asbarez.com-ը՝ ԱՄՆ-ի Հայ դատի հանձնախմբին (ANCA) հղումով, նախքան չորեքշաբթի կայանալիք քվեարկության ավարտը հնարավոր չէ պարզել, թե Հայաստանին ու ԼՂ-ին ֆինանսական օգնության ինչ չափ է հատկացված: Սակայն ANCA-ն փորձում է հայամետ օրենսդիրների միջոցով այնպես անել, որ ԱՄՆ-ի իշխանությունները ԼՂ-ի զարգացման համար հատկացնեն առնվազն 5 մլն դոլար, իսկ Հայաստանի տնտեսության զարգացման համար` առնվազն 40 մլն դոլար, հայտնում է Tert.am-ը: ANCA-ն ցանկանում է, որ ԱՄՆ-ն ձեռք մեկնի Հայաստանին հազարավոր սիրիահայերի ու պատերազմական վիճակում գտնվող Սիրիայից արտագաղթած այլ ազգային փոքրամասնությունների ներկայացուցիչներին օգնելու հարցում: Նրանք նաև պահանջում են, որ Միացյալ Նահանգները զրոյական օգնություն ցուցաբերի Ադրբեջանին, քանի դեռ այդ երկիրը վերջ չի տվել իր տարածաշրջանային ագրեսիային: Ինչ վերաբերում է Վրաստանին տրամադրվելիք օգնությանը, ապա ANCA-ն պահանջում է, որ դրա առնվազն 10 տոկոսը հատկացվի հայաբնակ Սամցխե-Ջավախքի շրջանում աշխատատեղերի ստեղծման ծրագրին: Ավելի վաղ հայտնի դարձավ, որ ԱՄՆ նախագահ Բարաք Օբամայի վարչակազմը մտադիր է 2016-ի բյուջեի շրջանակում ռեկորդային չափով նվազեցնել Հայաստանին, ինչպես նաև Ադրբեջանին տրամադրվելիք ֆինանսական օգնության չափը: Օբաման առաջարկել է 2016-ի համար $18.360.000 հատկացնել Հայաստանի տնտեսության աջակցության հիմնադրամին: Եվ եթե Կոնգրեսն այս առաջարկը հավանության արժանացնի, ապա դա կլինի ՀՀ անկախության տարիներից ի վեր նվազագույն տնտեսական օգնությունը: Աղբյուրը մանրամասնում է, որ Օբամայի առաջարկած գումարի չափը $2 մլն-ով պակաս է նախորդ անգամ հատկացված գումարից: ANCA-ի գործադիր տնօրեն Արամ Համբարյանը քննադատել է Նահանգների նախագահի վարչակազմի այս քայլը, բայց միևնույն ժամանակ ողջունել է, որ Հայաստանին ու Ադրբեջանին տրամադրվող ռազմական օգնության չափը հավասար է: Ինչ վերաբերում է Լեռնային Ղարաբաղին, ապա ամերիկյան կողմը որևէ ֆինանսական օգնություն չի նախատեսել: 2016 թվականի բյուջեի նախագիծը Բարաք Օբաման Կոնգրես է ուղարկել փետրվարի 2-ին: 2013-ին Հայաստանին հատկացվել էր 35, 7 մլն դոլար, 2014-ի տվյալները դեռ չեն հրապարակվել: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |