Համակարգիչը լուծել է գիտական խնդիրը, որի վրա գիտնականները տանջվում էին 120 տարի11 հունիսի 2015 - 11:49 AMT PanARMENIAN.Net - Մտավոր ինտելեկտի մշակման ոլորտում իսկական բեկում է տեղի ունեցել: Հատուկ ծրագիրը կարողացել է մշակել և ապացուցել սեփական գիտական տեսությունը առանց որևէ օգնության մարդկանց կողմից` խոսքը կենսաբանության ոլորտում գիտական խնդրի մասին է, որի լուծման վրա գիտնականները տանջվում են արդեն 120 տարի: Վերաբերվում է այն Planarian տեսակի տափակ որդերի զարմանալի հատկություններին: Այդ օրգանիզմները վերականգնվելու զարմանալի հատկություններ ունեն: Վնասվածք ստանալով Planarian որդերը կարող են լիովին վերականգնել սեփական մարմնի բավականին մեծ հատվածներ: Երկար ժամանակ գիտնականների համար հանելուկ էր մնում` ինչպես և ինչի հաշվին են այդ որդերը նման «ֆոկուսներ» ցուցադրում: Տեղեկատվական տեխնոլոգիաների մասնագետները, ծրագրավորողներն ու կենսաբան գիտնականները Տաֆթսի համալսարանից ստեղծել են համակարգչային արհեստական ինտելեկտի հատուկ մասնագիտացած համակարգ, որը վերլուծել է բոլոր առկա տվյալները, որոնք ստացվել են այդ որդերի բազում ուսումնասիրությունների արդյունքում: Վերլուծելով` համակարգիչը սկսել է լուծումներ մշակել, որոնք բացատրում են Planarian վերականգնման մեխանիզմը: Ծրագիրն ինքնուրույն մոդելավորել է որդի օրգանիզմի գեներից ու սպիտակուցներից բաղկացած ցանցերի տարբեր վարկածներ: Դա արվել է այնքան ժամանակ մինչև որ սպիտակուցների և գեների փոխազդեցության վրա հիմնված այդ ցանցերը չեն սկսել ինչ-որ առումով համապատասխանել գործնական հետազոտությունների արդյունքներին: Ամեն անգամ, երբ համակարգչին հաջողվել է մասնակի համապատասխանության հասնել, նա պատահական փոփոխություններ է մտցրել գենետիկ ցանց և նորից է սկսել օպտիմալացման գործընթացը: Բազում նման ինտերացիաների արդյունքում ձևավորվել է գենետիկ փոխազդեցությունների ցանցը, որը լիովին համապատասխանում է գործնական հետազոտությունների արդյունքներին: Ինչպես պարզվել է, արագացված վերականգնման գործընթացի հիմքում սպիտակուցների 2 մոլեկուլ է, որոնց ֆունկցիաների մասին գիտնականները ավելի վաղ գիտեին, և գիտնականների համար միանգամայն նոր 2 մոլեկուլ: Համակարգչի մշակած տեսությունն աշխարհում առաջին գրանցված գիտական տեսությունն է` մշակված արհեստական ինտելեկտի մակարդակով: Արհեստական ինտելեկտի բացահայտումն այսօրվա դրությամբ օրգանիզմի վերականգնման պրոցեսի ամենաճշգրիտ և համակողմանի մոդելն է Planarian տափակ որդի օրինակով: Այդ մոդելը հսկայական նշանակություն ունի վերականգնողական բժշկության հետագա զարգացման համար, բացի այդ, այս ամենը վկայում է համակարգչային արհեստական ինտելեկտի հսկայական պոտենցիալի մասին, որն ապագայում կկարողանա լուծել բազում նման խնդիրներ, որոնք մարդու ուժերից վեր են աշխատանքների ծավալի և մշակվող ինֆորմացիայի քանակով: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |