Էներգետիկայի ծրագիրը կբացառի ՀԷՑ-ում վնասները. Էլէներգիայի սակագնի փոխհատուցման աղբյուրը շուտով հայտնի կդառնա22 հուլիսի 2015 - 18:57 AMT PanARMENIAN.Net - Արդեն իսկ մշակված էլեկտրաէներգետիկական համակարգի էլէներգիայի արտադրության, ներկրման, արտահանման և բաշխողի էլցանցեր առաքման կանխատեսվող հաշվեկշռի կազմման կարգը, որը 2015-ի օգոստոսի 1-ից հաստատված էլեկտրաէներգիայի սակագների հիմքում է, բացառելու է «Հայաստանի էլեկտրական ցանցեր»-ում ֆինանսական վնասները: Այս մասին հայտարարել է ՀՀ էներգետիկայի և բնական պաշարների նախարար Երվանդ Զախարյանը «Հայաստանի էներգետիկ համակարգի երկարաժամկետ (մինչև 2036-ը) զարգացման ուղիները» խորագրով ծրագրի շնորհանդեսին: Այն մշակվել է ԱՄՆ ՄԶԳ (USAID) աջակցությամբ և ֆինանսավորմամբ, ամերիկյան փորձագետների, նախարարության և էներգետիկայի ինստիտուտների մասնագետների մասնակցությամբ: Ծրագրի արդյունքները հիմնված են ամբողջ էներգահամակարգի օպտիմիզացիոն հաշվարկների վրա, հաշվի առած բոլոր էներգապաշարները (նավթամթերքներ, միջուկային, հիդրո, վերականգնվող, կենսազանգված, փայտ, ածուխ և այլն), արտադրող և փոխանցող ենթակառուցվածքները, սպառման բոլոր ոլորտներում (արդյունաբերություն, տրանսպորտ, բնակչություն, ծառայություններ, գյուղատնտեսություն) տեխնոլոգիաները: Զախարյանի խոսքով՝ կառավարման համակարգում ներդրվել է վերահսկողության այնպիսի մեխանիզմ, որն անմիջապես կարձագանքի չնչին շեղումներին: Մշակվել են նաև էլեկտրաէներգետիկ համակարգի բարելավմանը, ներդրումների արդյունավետությանը, սպառողներին մատուցվող ծառայությունների որակի բարձրացմանը, էլեկտրաէներգիայի հաշվառման համակարգի արդիականացմանը և կորուստների նվազեցմանն ուղղված առաջարկություններ, որոնց իրականացումը առաջիկա 1-2 տարվա ընթացքում` նախնական գնահատմամբ կբերի բաշխիչ ցանցերում փաստացի կորուստների նվազմանը` 1,5-2%-ով: «Այս ծրագրերի իրականացմամբ կունենանք անվտանգ, հուսալի և կայուն էներգետիկ համակարգ, անհրաժեշտ էլեկտրաէներգիայի արտադրություն ներքին շուկայի և արտահանման համար, կայուն ֆինանսական վիճակ, կանխատեսելի սակագներ և կորուստների կրճատում, սպառողներին մատարակարարվող էլեկտրաէներգիայի որակի բարձրացում, ինչը կխթանի բնակչության սոցիալական վիճակի բարելավմանը և բիզնեսի զարգացմանը», - ասել է նախարարը: Նա նաև ներկայացրել է էներգետիկայի զարգացման ռազմավարական ուղղություններով վերջին մեկ ու կես տարվա ընթացքում կատարված աշխատանքները՝ ատոմային էներգետիկայի, ենթակառուցվածքների, վերականգնվող էներգետիկայի և էներգախնայողության, ինչպես նաև տարածաշրջանային գործակցություն մասով: «Այսքանով հանդերձ՝ դեռևս կան բազմաթիվ խնդիրներ, որոնց լուծման ուղղությամբ շարունակում ենք աշխատանքները: Մենք պատրաստ ենք լսել ձեր կարծիքները և առաջարկները, ստանալ այն հաջող արդյունքը, որը թույլ կտա ունենալ կայուն և հուսալի էներգահամակարգ»,- նշել է Զախարյանը: Լրագրողների հետ զրույցում նախարարն անդրադարձել է էլեկտրաէներգիայի սակագնի բարձրացման հետևանքով առաջացած ամբողջ բեռը ՀՀ կառավարության կողմից փոխհատուցելու խնդրին՝ տեղեկացնելով, որ երկու օրից հայտնի կլինի, թե ինչ միջոցներով են այն փոխհատուցելու: «Կարծում եմ՝ այսօր կամ վաղը հայտնի կդառնա», - ասել է Զախարյանը: Ըստ նախարարի՝ որպես փոխհատուցման աղբյուրի տարբերակ դիտարկվում է նաև «Որոտան»-ի վաճառքից ստացված միջոցները: Ինչ վերաբերում է ՀԵՑ-ում անցկացվելիք աուդիտին, Զախարյանը նշել է, որ հայկական և ռուսական կողմերը մոտակա 2-3 օրերի ընթացքում վերջնական որոշում կկայացնեն, թե ինչ պայմաններով, ինչ տեխնիկական խնդիրներով աուդիտ պետք է իրականացվի ՀԷՑ-ում: «Այժմ ճշտվում է տեխնիկական առաջադրանքը, թե ի՞նչ խնդիրներ կդրվեն աուդիտի առջև՝ սակագնի հիմնավորվածությունը, և եթե սակագները չբարձրացվեն, ընդհանուր էներգետիկ համակարգի վրա դրա ազդեցությունը: Բացի այդ, ՀԷՑ-ում նաև ընդհանուր ֆինանսական հարցերով աուդիտ կիրականացվի: Այս հարցերն են ընդգրկվելու ընդհանուր տեխնիկական առաջադրանքի մեջ»,- պարզաբանել է Զախարյանը, մեջբերում է Panorama.am-ը: «Ինտեր ՌԱՕ»-ն և ՀՀ կառավարությունը տենդերի արդյունքով կընտրեն ՀԷՑ-ում աուդիտ անցկացնող ընկերությունը, որն անկախ աուդիտ կանցկացնի: Աուդիտը կարող է տևել մոտավորապես 3 ամիս։ Հետագայում ընկերությունը չի բացառում ակտիվի վաճառքը։ Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՀՀ-ն կողմ է քվեարկել է ՄԱԿ-ում Պաղեստինի իրավունքների ընդլայնման բանաձևին Բանաձևին կողմ են քվեարկել նաև Ռուսաստանը, Իրանը, Ադրբեջանը, Թուրքիան ԵՄ դեսպան․ Խաղաղության եվրոպական հիմնադրամից ՀՀ-ին միջոցների տրամադրման քննարկումները շարունակվում են ԵՄ դեսպանի խոսքով՝ դեռ չափազանց վաղ է այս փուլում մանրամասների վերաբերյալ խոսելը Էջմիածնից 6 բերման ենթարկված կա զենք–զինամթերք պահելու կասկածանքով Ըստ շարժման, բերման են ենթարկվել «Էջմիածին» դաշինքի ավագանու անդամները, որոնք պատրաստվում էին դիմավորել Փաշինյանին Հունահայոց կազմակերպությունները զորակցություն են հայտնել «Տավուշը հանուն հայրենիքի» շարժմանը «Թափ առած շարժումը ուղղակի մերժումն է ժողովուրդին կողմից՝ իր հաշվին կայացվող որոշումների»,–ասվում է հայտարարության մեջ |