Սահմանադրության նոր նախագիծը՝ ԱԺ-ում. Հանրայինը նիստերի ուղիղ հեռարձակում կապահովի15 սեպտեմբերի 2015 - 16:56 AMT PanARMENIAN.Net - Խորհրդարանական համակարգում պատահական անձանց իշխանության գալու վտանգը զգալիորեն մեղմվում է, քանի որ նման համակարգում միմյանց հետ մրցակցում են քաղաքական ուժերը՝ քաղաքական թիմերով, ի տարբերություն կիսանախագահական համակարգի, որտեղ, այսպես կոչված, «աութսայդերների» առկայությունը հնարավոր չէ բացառել: Այս մասին սեպտեմբերի 15-ին ԱԺ-ում Սահմանադրության փոփոխությունների նախագծի քննարկման ընթացքում հայտարարել է ՀՀ նախագահի ներկայացուցիչ, Սահմանադրական բարեփոխումների հանձնաժողովի անդամ Վարդան Պողոսյանը: Նախագահի ներկայացուցիչը նկատել է, որ պառլամենտական կառավարման համակարգում չի կարող լինել իշխանության երկկենտրոնացում վարչապետի ձեռքում, ով չի ունենա քաղաքական պատասխանատվություն խորհրդարանի առջև, գրում է Panorama.am-ը: «Կիսանախագահական համակարգում հանրապետության նախագահին կարելի է պաշտոնանկ անել միայն քրեական հանցագործությունների համար, քաղաքական պատասխանատվության նրան չի կարելի ենթարկել: Քաղաքական պատասխանատվության նախագահը կարող է կանչվել միայն իր լիազորությունների ժամկետի ավարտից հետո, եթե նա որոշի, որ նորից ցանկանում է իր թեկնածությունն առաջադրել նախագահական ընտրությունները, պառլամենտն իրավունք չունի քաղաքական դրդապատճառներով անվստահություն հայտնել նախագահին: Ի տարբերություն սրա, պառլամենտական կառավարման համակարգի էությունը կայանում է նրանում, որ ցանկացած կառավարություն կարող է գոյատևել և արդյունավետ աշխատել միայն պառլամենտական մեծամասնության վստահությունը վայելելու պայմաններում: Եթե այդ վստահությունը այլևս չկա, ապա խորհրդարանը կարող է անվստահություն հայտնել կառավարությանը և փոխարինել այն մեկ այլ կառավարությամբ», - պարզաբանել է Պողոսյանը: Նրա խոսքով՝ պառլամենտական կառավարման ձևի կարևորագույն առավելություններից մեկը կայանում է նրանում, որ կառավարումը ավելի կոլեգիալ է քան նախագահական ու կիսանախագահական համակարգերում: Ազգային ժողովը սեպտեմբերի 15-ին քվեարկությամբ հաստատել է և օրակարգ ներառել ՀՀ նախագահ Սերժ Սարգսյանի կողմից առաջարկված Սահմանադրական փոփոխությունների նախագիծը: Ըստ Պողոսյանի՝ 1995-ին հաստատված ՀՀ Սահմանադրությամբ երկրի իշխանության բոլոր ճյուղերում գերակա է եղել հանրապետության Նախագահը, որը հիմնովին փոփոխման է ենթարկվում: «Անկախության ձեռքբերումից տարիներ անց մենք, ցավոք, չենք կարող ասել, որ ժողովրդավարությունը հաստատման հիմքերի վրա է, չենք կարող ասել, որ դատարաններն անկախ ու անաչառ են: Երկրում կայուն ժողովրդավարական կարգի հաստատումը, իրավունքի գերակայության հաստատումը լինում է, երբ որ իշխանությունները սահմանափակվում են մարդու հիմնարար իրավունքներով», - ասել է Պողոսյանը, մեջբերում է Tert.am-ը: Անդրադառնալով Վենետիկի հանձնաժողովի գնահատականին նա նշել է, որ հանձնաժողովն ընդգծում է ՀՀ քաղաքական ուժերի և քաղաքացիական նախաձեռնությունների բաց և շարունակական երկխոսությունը, որպեսզի այս փոփոխություններն ընդունվեն խորհրդարանի կողմից, հետագայում հանրաքվեի միջոցով, ինչը հետագա կարևոր քայլ կհանդիսանա Հայաստանի դեպի ժողովրդավարություն անցման համար: «Չնայած նման բարձր գնահատականին, ցանկանում եմ ընդգծել, որ ո՛չ Սահմանադրական բարեփոխումների հանձնաժողովը, և ո՛չ էլ նախագահը այդ գնահատականը չեն դիտարկում որպես դոգմա և պատրաստ են քննարկել և էլ ավելի կատարելագործել Սահմանադրության նախագիծը», - շեշտել է Պողոսյանը: Նա անդրադարձել է նաև նախագծի հիմնական դրույթներին և նշել, որ դրանք ամբողջովին չեն վերանայում գործող Սահմանադրության տրամաբանությունը: Նիստին ԱԺ նախագահ Գալուստ Սահակյանը հայտարարել է, որ Հանրային հեռուստաընկերությունը հանձն է առել ԱԺ նիստերին ուղիղ հեռարձակում ապահովելը, որի ընթացքում քննարկվում է նախագահի կողմից առաջարկված սահմանադրական փոփոխությունների նախագիծը: Նա նկատել է, որ մինչ այդ ինքը չուներ նման լիազորություն, և ԱԺ կանոնակարգ օրենքը դա թույլ չէր տալիս: ՀԱԿ խմբակցության պատգամավորները Հանրային հեռուստաընկերությամբ ուղղիղ հեռարձակում էին պահանջել, քանի որ ԱԺ այս քառօրյայի հիմնական հարցը սահմանադրության նախագիծն է: Նիստին «Բարգավաճ Հայաստան» կուսակցության նախագահ, ԱԺ պատգամավոր Նաիրա Զոհրաբյանը հայտարարել է, որ կուսակցության տարածքային կառույցներում և խմբակցությունում սկսել են Սահմանադրության նախագծի բովանդակային քննարկումները: «ԲՀԿ-ի վերջնական դիրքորոշումը կախված կլինի, թե մեր բազմաթիվ առաջարկներից որքանը հանձնաժողովի համար ընդունելի կլինեն», - ասել է նա՝ ընդգծելով, որ Սահմանադրական բարեփոխումների մասնագիտական հանձնաժողովի անդամների հետ իրենք հանդիպել են և «կոնցեպտուալ հարցերի» վերաբերյալ քննարկում ունեցել: Վենետիկի հանձնաժողովը սեպտեմբերի 11-ին հրապարակել է Հայաստանում սահմանադրական փոփոխությունների նախագծի վերաբերյալ երկրորդ միջանկյալ կարծիքը: 16 էջից բաղկացած փաստաթղթում Հանձնաժողովի փորձագետները շարադրել են իրենց փորձաքննության արդյունքները սահմանադրական փոփոխությունների նախագծի 8, 9, 11 և 16-րդ գլուխների վերաբերյալ: «Հայաստանի սահմանադրական փոփոխությունների հանձնաժողովի կողմից կատարված աշխատանքը բարձրորակ է և աջակցության ու ողջույնի է արժանի: Վենետիկի հանձնաժողովի հետ անկեղծ երկխոսության ու բեղմնավոր փոխանակման մթնոլորտը նախկինի պես շարունակվել է և հնարավորություն է ընձեռել Սահմանադրական փոփոխությունների հանձնաժողովին՝ մշակել մի տեքստ, որն այժմ համապատասխանում է միջազգային չափորոշիչներին», - նշվում է Հանձնաժողովի հրապարակված փաստաթղթում: ՀՀ նախագահին առընթեր սահմանադրական բարեփոխումների մասնագիտական հանձնաժողովը օգոստոսի 20-ի ամփոփիչ նիստում հաստատել է Սահմանադրությունում փոփոխություններ կատարելու մասին նախագիծը՝ կից հիմնավորումներով, և այն ներկայացնել ՀՀ նախագահին: Նախագահը օգոստոսի 21-ին նախագիծը ՀՀ Ազգային ժողով է ուղարկել: Հրապարակված Սահամանդրության նախագծի 5-րդ գլուխը վերաբերում է Հանրապետության նախագահին: Ըստ դրա, Սահմանադրական փոփոխությունների ընդունման դեպքում նախագահն ընտրվում է 7 տարի ժամկետով (գործող Սահմանադրությամբ 5 տարով է): Նույն անձը նախագահ կարող է ընտրվել միայն մեկ անգամ (ներկայիս երկու անգամվա փոխարեն):Նախագահին ընտրում է ընտրիչների ժողովը, որի կազմում Ազգային ժողովի պատգամավորներ են և նրանց թվին հավասար տեղական ինքնակառավարման մարմինների ներկայացուցիչներից: Սահմանադրության 4-րդ գլուխը վերաբերում է Ազգային ժողովին: Ըստ փոփոխված տարբերակի՝ ԱԺ կազմված է լինելու առնվազն 101 պատգամավորից (գործող Սահմանադրությամբ 131 է): Ազգային ժողովում Ընտրական օրենսգրքով սահմանված կարգով տեղեր են հատկացվելու ազգային փոքրամասնություններին: Խորհրդարանն ընտրվում է համամասնական ընտրակարգով 5 տարի ժամկետով: (գործող Սահմանադրությամբ ընտրակարգերը երկուսն էին՝ համամասնական ու մեծամասնական): Ազգային ժողովի ընտրություններին մասնակցող կուսակցությունները և կուսակցությունների դաշինքները պարտավոր են ներկայացնել վարչապետի թեկնածություն և կառավարության ծրագրի հիմնադրույթներ: Հղումներ թեմայով. Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Ամերիաբանկի առևտրի ֆինանսավորման մրցանակների ցանկը համալրվել է ՎԶԵԲ-ի և ՄՖԿ-ի 4 հեղինակավոր մրցանակով Ամերիաբանկն առաջին հայկական բանկն է, որը 2013-ին ստացել է հաստատող բանկի կարգավիճակ ՎԶԵԲ-ի ծրագրի շրջանակում ԱՆ․ Կիրանցում կադաստրի կողմից գրանցումները կատարվել են ոչ ճշգրիտ տվյալների հիմքով Նշվում է, որ այդ գրանցումները չեն կարող իրավական հիմք հանդիսանալ |