ԱԶԲ-ն $89,3 մլն կտրամադրի ՀՀ-ում սեյսմակայուն դպրոցների կառուցմանը24 սեպտեմբերի 2015 - 16:23 AMT PanARMENIAN.Net - Ասիական զարգացման բանկը (ԱԶԲ) $89,3 միլիոնի աջակցություն կցուցաբերի Հայաստանին՝ ուղղված սեյսմակայուն դպրոցների կառուցմանը և աշխարհի ամենաակտիվ սեյսմիկ տարածաշրջաններից մեկում բնական աղետներին արձագանքելու կարողության զարգացմանը: ԱԶԲ-ի տրամադրած վարկն ու դրամաշնորհը կաջակցեն առնվազն 46 առաջնահերթ դպրոցի: Տրամադրված միջոցները կօժանդակեն նաև համապատասխան դպրոցներում աղետներին նախապատրաստման և արձագանքման պլանների մշակմանը: Համայնքներում յուրաքանչյուր դպրոցի համար կկազմակերպվեն իրազեկման արշավներ սեյսմիկ իրավիճակներին արձագանքելու վերաբերյալ: Ներկայումս Հայաստանում գործող մոտ 1.400 դպրոցից մոտ 1000-ը սեյսմիկ ամրացման և վերակառուցման կարիք ունի: Աշխատանքների գնահատված ծախսերը կազմում են մոտ $1.2 միլիարդ: ԱԶԲ-ի օժանդակությունը կազմում է $88.5 միլիոնի վարկ ԱԶԲ-ի արտոնյալ ֆոնդից և 800.000-ի չափով տեխնիկական աջակցության դրամաշնորհ: Կառավարությունն իր կողմից կտրամադրի 18.5 միլիոն ԱՄՆ դոլարին համարժեք աջակցություն: Ծրագրի տևողությունը 5 տարի է, ակնկալվող ավարտը 2020-ի նոյեմբերն է: «1988-ի Սպիտակի ավերիչ երկրաշարժից ի վեր ՀՀ իշխանությունները բազում քայլեր են ձեռնարկել՝ ուղղված արտակարգ իրավիճակների կառավարման և արձագանքման համակարգերի մշակմանը, ինչպես նաև սեյսմակայուն ճարտարապետական նախագծման և շինարարության բարելավմանը», - նշել է ԱԶԲ-ի Կենտրոնական և Արևմտյան Ասիայի տարածաշրջանային վարչության քաղաքաշինության գլխավոր տնտեսագետ Յոնգ Յեն: Նրա խոսքով՝ Ծրագիրը կաջակցի Կառավարությանը դպրոցները վերակառուցելու և ամրացնելու գործում՝ համապատասխանեցնելով դրանք սեյսմակայունության ավելի բարձր չափանիշների: Այն կօժանդակի Կառավարությանը զարգացնելու սեյսմիկ ռիսկերը կառավարելու կարողությունն ու նախաձեռնությունները: Աջակցության այս ծրագրի համար հիմք է ծառայում ԱԶԲ-ի՝ աղետներին արձագանքման փորձը այլ երկրներում, այդ թվում 2015-ի Նեպալի երկրաշարժի ժամանակ: Ծրագրի շահառուներն են մոտ 58.700 աշակերտ, ուսուցիչ և դպրոցի անձնակազմը, ինչպես նաև ընտրված դպրոցների հարակից համայնքների ավելի քան 87.000 բնակիչ, ովքեր երկրաշարժի դեպքում կկարողանան օգտվել բարելավված ժամանակավոր ապաստաններից: Սա ԱԶԲ-ի արդյունքների վրա հիմնված առաջին վարկավորումն է Կենտրոնական և Արևմտյան Ասիայի տարածաշրջանում: Վարկավորման այս նոր ձևը հաստատվել է ԱԶԲ-ի խորհրդի կողմից 2013-ին՝ նպաստելու հաշվետվողականության բարելավմանը, արդյունքների և ծրագրերի շարունակականության ապահովմանը, ինչպես նաև բարելավելու պետական ոլորտային ծրագրերի արդյունավետությունը՝ դրանով խթանելով ինստիտուցիոնալ զարգացումն ու կառավարման արդյունավետությունը: ԱԶԲ-ն, որի կենտրոնակայանը գտնվում է Մանիլայում, նպատակ ունի նվազեցնելու աղքատությունը Ասիայում և Խաղաղօվկիանոսյան տարածաշրջանում՝ ներառական տնտեսական աճի, բնապահպանական կայուն աճի, ինչպես նաև տարածաշրջանային ինտեգրման միջոցով: ԱԶԲ-ն հիմնադրվել է 1966-ին և պատկանում է իր 67 անդամին, որոնցից 48-ը Ասիական տարածաշրջանից են: 2014-ին ԱԶԲ-ի աջակցությունը կազմել է $22.9 միլիարդ՝ ներառյալ $9.2 միլիարդի չափով համաֆինանսավորում: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |