ԵՏՄ-ն ու Սիրիան կքննարկեն գործակցության ուղիները. Առևտրի ազատ գոտու մասին խոսք դեռևս չկա12 հոկտեմբերի 2015 - 14:51 AMT PanARMENIAN.Net - Եվրասիական տնտեսական հանձնաժողովը (ԵՏՀ) չի բանակցում Սիրիայի հետ ԵՏՄ շրջանակում Առևտրի ազատ գոտու ստեղծման շուրջ: Այդ մասին պատմել է ԵՏՀ նախարար Անդրեյ Սլեպնյովը: Ընդ որում նախարարը նշել է, որ առաջիկայում երկկողմ բանակցություններ տեղի կունենան` քննարկելու համար առևտրային համագործակցության առկա կարգավիճակը: «Այժմ կայունացման մասին խոսելն, անշուշտ, ժամանակավրեպ է: Սակայն, այնուամենայնիվ, առաջիկայում մենք մի շարք հանդիպումներ ենք նախատեսում Սիրիայի ներկայացուցիչների հետ` քննարկելու համար նրանց հետ գործակցության հեռանկարները»,-հայտարարել է նա, գրում է Gazeta.ru-ն: Հուլիսին ԵՏՀ-ն հայտարարեց, որ ԵՏՄ անդամ բոլոր երկրները շատ դրական են վերաբերվում ԵՏՄ և Սիրիայի միջև առևտրի ազատ գոտու ստեղծման գաղափարին այդ երկրում քաղաքական կայունացումից հետո: «Խորհրդակցություններ են անցկացվել: ԵՏՄ բոլոր երկրները շատ դրական են վերաբերվում առաջարկին: Այժմ Անհամբեր սպասում ենք Սիրիայում քաղաքական իրավիճակի կայունացմանը, բանակցություններ սկսելու համար»,-այն ժամանակ հայտարարել էր ԵՏՀ ներկայացուցիչը: Ավելի վաղ Սիրիայի վարչապետ Վաիլ ալ Հալիկին հարցազրույցում հայտնել էր, որ ՌԴ և Սիրիայի իշխանությունները բանակցում են ԵՏՄ-ին Սիրիայի անդամակցության շուրջ: Հայաստանը ԵՏՄ-ին անդամակցելու համաձայնագիրը կնքել է 2014-ի հոկտեմբերի 10-ին և ԵՏՄ լիիրավ անդամ դարձել 2015-ի հունվարի 2-ին: Անդամակցության պայմանագրով նախատեսվում է 1-8 տարի Հայաստանի և ԵՏՄ մաքսային տոկոսադրույքների ներդաշնակեցման համար, 12-60 ամիս՝ Մաքսային միության տեխնիկական կանոնակարգերի ընդունման, 3 տարի՝ մտավոր սեփականության օբեյկտների իրավունքների պահպանության ու պաշտպանության հարցերի կարգավորման համար: Անցումային շրջանում ԵՏՄ-ն իրավունք ունի որոշելու Հայաստանի տարածք իր ապրանքների ներմուծման հատուկ կարգը: Պայմանագրով նախատեսվում են նաև ապրանքների տեղափոխման առանձնահատկությունները օտար պետությունների տարածքով: Հայաստանը կստանա ԵՏՄ մաքսային մուտքերի 1,13 տոկոսը: ԵՏՄ կենտրոնակայանը լինելու է Մոսկվայում, ֆինանսական կանոնակարգողը՝ Ալմաթիում, իսկ ԵՏՄ դատարանը՝ Մինսկում: Բելառուսը նաև իրավունք է ստացել նախագահելու միությունում 2015 թ.: 2015-ի օգոստոսին միությանը միացավ նաև Ղրղզստանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Օսկանյան. Արցախի հարցը փակված չէ Նա նշել է, որ Հայաստանն այսքան խոցելի է դարձել հիմնականում այն պատճառով, որ մենք կորցրել ենք Արցախը Ծիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվել Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Քոչարյանից պահանջում են բռնագանձել 25 անշարժ գույք, 5 տրանսպորտային միջոց, արժեթղթեր Պահանջն առնչվում է նրա հետ փոխկապակցված 7 անձի |