Ադրբեջանում հույսեր են կապում հունգարական արդարադատության ներողամտության հետ

PanARMENIAN.Net - Հունգարական իշխանությունները կարող են դիտարկել Ռամիլ Սաֆարովի արդարացման կամ էքստրադիցիայի հարցը դատական գործընթացի լրիվ ավարտից հետո: Ադրբեջանի կառավարությունը կարող է դիմել հունգարական կողմին նրա հանձնման խնդրանքով, եւ Հունգարիայի իշխանությունները կարող են դիտարկել Սաֆարովի արդարացման կամ էքստրադիցիայի հարցը; Այդ մասին Բաքվում լրագորաղների հետ զրույցի ժամանակ հայտարարել է Հունգարիայի Սահամանդրական դատարանի դատավոր Անդրոշ Բրագյովը: Նրա խոսքերով, հունգարական դատարանը Սաֆարովին քննել է` որպես ՆԱՏՕ-ի սպայի` Բուդապեշտի եւ ՆԱՏՕ-ի միջեւ համաձայնությունների համապատասխան:



Հիշեցնենք, որ 2006 թվականի ապրիլի 13-ին ադրբեջանցի սպա Ռամիլ Սաֆարովը Բուդապեշտի դատարանի կողմից դատապարտվել է ցմահ բանտարկության 2004 թվականի փետրվարի 19-ին հայ սպա Գուրգեն Մարգարյանի սպանության համար Բուդապեշտում: Երկուսն էլ գտնվել են Հունգարիայում ՆԱՏՕ-ի դասընթացներին մասնակցելու համար: Սաֆարովի պաշտպանությունը բողոքարկել է որոշումը Հունգարիայի վերադաս դատական կառույցներին, հայտնում է Mediaforum-ը: