«Նաիրիտ» գործարանի բաժնետոմսերը կվերադարձվեն պետությանը29 հոկտեմբերի 2015 - 12:39 AMT PanARMENIAN.Net - Առաջիկա շաբաթներին «Նաիրիտ գործարան» ՓԲԸ-ի բաժնետոմսերը կրկին կդառնան Հայաստանի Հանրապետության սեփականությունը: Ինչպես հայտնել է ԱՌԿԱ գործակալությունը, այդ մասին հոկտեմբերի 28-ին խորհրդարանում կառավարական ժամի ընթացքում հայտարարել է էներգետիկայի և բնական պաշարների նախարար Երվանդ Զախարյանը: Ըստ նրա, նախարարությունը սպասում է ԱՊՀ Միջպետական բանկի կողմից ընթացակարգերն ավարտելու մասին հայտարարությանը, որտեղ գրավ են դրված ձեռնարկության բաժնետոմսերը: «Նրանք հայտնել են, որ առաջիկա շաբաթներին վերջնական որոշում կկայացվի, որից հետո բաժնետոմսերը կվերադարձվեն պետությանը»,-ասել է Զախարյանը: Ինչպես նշել է նախարարը, դրանից հետո արդեն պետությունը կկարողանա հայտարարություն անել ձեռնարկության հետագա ճակատագրի մասին: «Կառավարությունը կողմ է, որ գործարանը վերսկսի աշխատանքը, եթե համապատասխան ներդրող գտնվի: Ժամանակը ցույց կտա`եթե կլինեն ներդրողներ, մենք պատրաստ ենք բանակցել «Նաիրիտի» վերագործարկման մասին: «Նաիրիտ» կաուչուկի գործարանի լուծարումը կամ սնանկացումը բոլորովին ձեռնատու չէ ՀՀ կառավարության համար, որովհետև կառույցի պահպանման, անվտանգության ապահովման, ապա՝ վնասազերծման հետ կապված ծախսվող գումարները բավականին մեծ են։ Ազգային ժողովի և կառավարության միջև հարց ու պատասխանի ընթացքում նման հայտարարությամբ հանդես եկավ ՀՀ էներգետիկայի և բնական պաշարների նախարար Երվանդ Զախարյանը՝ պատասխանելով ՀԱԿ խմբակցության ղեկավար Լևոն Զուրաբյանի հարցադրմանը։ Նախարարը նաև շեշտել է, որ որոշ անձանց առաջարկությունները, ըստ որոնց «Նաիրիտ»-ը հնարավոր է վերագործարկել 50-60 մլն դոլար ներդրումներով, բացարձակ չհիմնավորված են ու գործից անտեղյակ լինելու հետևանք։ Զախարյանի կարծիքով, $50-ից 60 մլն-ի ներդրումները չեն կարող ապահովել անգամ գործարանի 1-2 ամսվա շրջանառու միջոցները։ Համաշխարհային բանկի երևանյան գրասենյակի աշխատակազմը հունիսի 24-ին ՀՀ էներգետիկայի և բնական պաշարների նախարարություն է ներկայացրել «Նաիրիտ»-ի հետագա շահագործման, տեխնիկական և ֆինանսական կենսունակության վերաբերյալ վերջնական հաշվետվությունը և խորհուրդ տվել լուծարել գործարանը։ Ըստ ՀԲ-ն՝ «Նաիրիտը» շարունակում է վատնել կառավարության ռեսուրսները: «Նաիրիտ» գործարանի աշխատողների աշխատավարձի պարտքն օգոստոսի 4-ի դրությամբ ամբողջությամբ մարվել է: Մոտ 2400 աշխատողի պարտքը կազմում էր 5 մլրդ 310 մլն դրամ, որը կուտակվել էր վերջին 4 տարվա ընթացքում: Գործարանի աշխատակիցները մոտ 8 ամիս պայքարում էին՝ ցույցեր անցկացնելով կառավարության շենքի և նախագահական նստավայրի մոտ, փողոցներ փակելով: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ծիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվել Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Քոչարյանից պահանջում են բռնագանձել 25 անշարժ գույք, 5 տրանսպորտային միջոց, արժեթղթեր Պահանջն առնչվում է նրա հետ փոխկապակցված 7 անձի Միրզոյանը Կատարի իր պաշտոնակցին է ներկայացրել Ադրբեջանի հետ հարաբերությունների կարգավորման զարգացումները Հատուկ ուշադրություն է դարձվել տարածաշրջանային փոխկապակցվածության հարցերին |