  Սարիկ Անդրեասյանի «Երկրաշարժ» ֆիլմը Հայաստանից «Օսկար»-ի կներկայացվի  31 հոկտեմբերի 2015 - 10:52 AMTPanARMENIAN.Net - 1988-ի Սպիտակի ողբերգության մասին ռուսաստանաբնակ հայազգի ռեժիսոր Սարիկ Անդրեասյանի «Երկրաշարժ» ֆիլմըՀայաստանից «Օսկար»-ի կներկայացվի: Սարիկ Անդրեասյանը պատմել է, որ ֆիլմով հուսով է ոչ միայն հարգանքի տուրք մատուցել զոհվածների հիշատակին, այլև հիշեցնել ժողովրդների բարեկամության մասին, գրում է Metro-ն: Երկրաշարժը վերջին իրադարձությունն էր, որը միավորեց ոչ միայն ԽՍՀՄ, այլև ամբողջ աշխարհի ժողովրդներին: «Ինձ միշտ հետաքրքրել է այս պատմությունը, քանի որ այստեղ քաղաքականություն չկա: Այն ժամանակ մարդիկ օգնության եկան ոչ միայն Միության տարբեր մասերից, այլև այլ երկրներից` ԳԴՀ-ից, Ֆրանսիայից, Շվեյցարիայից, Մեծ Բրիտանիայից, Ամերիկայից: Մեր ֆիլմում իրական պատմություն կա, թե ինչպես է կռունկավարը Ռոստովից իր տեխնիկայով գալիս փլատակները մաքրելու: Չեմ կարող պատկերացնել, որ այսօր ինչ-որ մեկը կարող է այդպես վարվել»,- ասել է Անդրեասյանը: Թիմից շատերը, ինչպես նաև ինքը՝ ռեժիսորը, հիշում են այդ օրը: «Մեր պրոդյուսեր Ռուբեն Դիշդիշյանն ինքն անձամբ է երկրաշարժի երկրորդ օրը մեկնել Լենինական՝ փլատակները մաքրելու: Ես ընդամենը 4 տարեկան էի, Երևանում մանկապարտեզում էի, բայց հիշում եմ, ինչպես էին ճոճվում պատերը, զրնգում ապակեղենը, ճոճվում ջահերը: Դաստիարակներն ու երեխաները դուրս վազեցին: Ոմանք խուճապահար ընկան, մյուսները քերծվածքներ ստացան»,- ասել է Անդրեասյանը: Սկզբից ֆիլմը մտադիր էին նկարահանել Հայաստանում, հետո հասկացան, որ ավերման տեսարաններն ավելի լավ է Մոսկվայում նկարահանել, իսկ Գյումրիում` խաղաղ կյանքի պատկերները: Անդրեասյանը բացատրել է դա նրանով, որ յուրաքանչյուր գյումրեցու համար այդ հիշողությունները ցավոտ են, բոլորը հիշում են այդ ողբերգությունը, բոլորն էլ հարազատ են կորցրել: «Երբ խոսում ես այդ մասին, մարդկանց աչքերը լցվում են: Բոլորն աշխատում են մոռանալ այդ դաժան իրադարձությունները: Եվ պարզ դարձավ, որ եթե քաղաքում այդպիսի դեկորացիա կառուցենք, դա մեծ սթրես կլինի մարդկանց համար»,- ասել է նա: Մոսկվայի արվարձանում ֆիլմի նկարահանումների համար երկրաշարժից ավերված քաղաքի դեկորացիաներ են ստեղծվել: Բեմադրող նկարիչ Դավիթ Դաթունաշվիլին, օգտվելով վավերագրերից, ստեղծել է ավերված Լենինականի 50 քմ դեկորացիաներ` փողոցներ և քանդված տներ: «Դեկորացիաների ստեղծմանը մասնացել է ավելի քան 50 մարդ: Միայն աղբից հարթակը մաքրելու համար մոտ 1 ամիս պահանջվեց: Ծանր էր և ֆիզիկապես, և հոգեպես»,- ասել է Դաթունաշվիլիլն: Նա նաև խոստովանել է, որ թեև վաղուց է աշխատում, առաջին անգամ է նման ծավալի նկարահանումների մասնակցում: Պրոդյուսերները մտադիր են ֆիլմը ներկայացնել «Օսկարի» Հայաստանից: Եթե Հայաստանը տա իր համաձայնությունը, դա կլինի «Օսկարի» երրորդ նոմինացիան Հայաստանից: 2001 թ. հայ ռեժիսոր Վիգեն Չալդրանյանի «Լռության սիմֆոնիա» ֆիլմը ներկայացվել էր «Օսկարի» Հայաստանից: 2012-ին Նատալյա Բելյաուսկենեի «Եթե բոլորը…» ֆիլմը նույնպես հայտնվեց մրցանակի ներկայացված ֆիլմերի ցանկում, սակայն չանցավ «շորթ-լիսթ»:   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Բաժիններ թեմայով Վերջին լուրեր Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է  Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացինԱբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |
