Թուրքիայում հայկական եկեղեցին վերանորոգումից հետո վերածվել է պահեստի21 նոյեմբերի 2015 - 12:14 AMT PanARMENIAN.Net - Թուրքիայի Իզմիր նահանգի Բայընդըր շրջանում գտնվող հայկական եկեղեցին վերանորոգումից հետո վերածվել է պահեստի։ Թուրքական Yeniasir լրատվական կայքի տեղեկացմամբ՝ իշխող «Արդարություն և արգացում» կուսակցության (AKP-ԱԶԿ) Բայընդըրի շրջանային կառույցի նախագահ Ուղուր Դեմիրեզենը պնդում է, որ հայկական եկեղեցին պահեստի է վերածել հենց շրջանային իշխանությունը, գրում է Ermenihaber.am-ը: Իսկ այդ շրջանային իշխանության ղեկավարն ընդդիմադիր ճամբարը ներկայացնող «Ժողովրդահանրապետական կուսակցության» անդամ Ուֆուք Սելսին է: «Նա շրջկենտրոնը մշակույթի կենտրոն բացելու փոխարեն եկեղեցին դարձրել են ստվարաթղթի պահեստ»,- ընդգծել է Դեմիրեզենը: Վերջինս նաև հավելել է, որ 1857-ին կառուցված այդ եկեղեցին հանրապետության հռչակումից հետո վերածվել է կինոթատրոնի։ 2010-ին Իզմիրի նահանգապետարանը և Թուրքիայի մշակույթի և զբոսաշրջության նախարարությունը վերանորոգել են եկեղեցին որպես մշակույթի կենտրոն օգտագործելու նպատակով։ Եկեղեցու վերանորոգման համար ծախսվել է 1 միլիոն թուրքական լիրա (մոտ $350.000), իսկ վերանորգման աշխատանքներն իրականացվել են Բայընդըրի գավառ նախկին նախագահ Մեհմեթ Քերթիշի ջանքերով, որն իշխող կուսակցության ներկայացուցիչ է։ 2015-ի օգոստոսի 18-ին հայտնի է դարձել, որ Թուրքիայի Բաթման նահանգի Սասուն գավառում գտնվող հայկական Սբ Պետրոս Առաքյալի վանքն ու հարակից հայկական գերեզմանոցը հրկիզվել են անհայտ անձանց կողմից: 015-ի ապրիլի տեղեկություններով, Թուրքիայի մայրաքաղաք Անկարայում հայերից մնացած հին գերեզմանատունն ավերում են գանձ որոնողները: Գերեզմանները նրանց կողմից պղծվել են: 2008-ին վանդալիզմի հերթական դեպքն է արձանագրվել Էդիրնեգաբուի հայկական գերեզմանատանը՝ անհայտ անձինք ջարդել են մի դամբանաքար և տապալել 8 գերեզմանաքար: Նույնանման դեպք Էդիրնեգաբուի գերեզմանատանը տեղի էր ունեցել 2008-ի հոկտեմբերի վերջին, երբ անհայտ անձինք ջարդել էին 12 դամբանաքար: 2012-ին հայտնի դարձավ Էրուհ շրջանում ավտոճանապարհի շինարարության ժամանակ հայկական գերեզմանատունը քանդելու և մարդկային ոսկորները հողի վրա թողնելու դեպքի մասին։ 2014-ի հուլիսին «Ակոս»-ը գրեց, որ Սիվասի (հայկական Սեբաստիա) շրջանի Զարա գավառում գտնվող հայկական գերեզմանատնից մնացել է միայն մեկ տապանաքար: Տեղեկություններ են տարածվել նաև թուրքական Թունջելի շրջանի Մազկերտ թաղամասի հայկական գերեզմանատանը փոսեր փորելու մասին: 1914-ին Արևմտյան Հայաստանում և Օսմանյան կայսրությունում հայկական եկեղեցական հաստատությունների ընդհանուր թիվը 2549 Էր։ Ըստ ՅՈւՆԵՍԿՕ-ի 1974-ի տվյալների, 1923-ից հետո մնացած 913 կառույցից 464-ն ամբողջովին անհետացել է, 252-ն ավերակ են, 197-ն ամբողջովին նորոգման կարիք ունեն։ Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |