Պուտին. Սու-24-ի խոցումը սատարում է ահաբեկիչներին, հետևանքները ռուս-թուրքական հարաբերությունների համար լուրջ կլինեն24 նոյեմբերի 2015 - 17:17 AMT PanARMENIAN.Net - Սու-24 ռուսական ռազմական ինքնաթիռը խոցվել է Սիրիայի տարածքում «օդ-օդ» հրիթռով, հայտարարել է Ռուսաստանի նախագահ Վլադիմիր Պուտինը Սոչիում, որտեղ նա հանդիպում էր Հորդանանի թագավոր Աբդալլա Երկրորդի հետ: Ըստ ՌԴ նախագահի, ռուս օդաչուներն ու ռուսական ինքնաթիռը չէին սպառնում Թուրքիային: «Սու-24 ռուսական ռազմական ինքնաթիռի խոցումը հարված է թիկունքից, որ հասցրեցին ահաբեկիչներին աջակցողները»,-ասել է նա: Միաժամանակ ՌԴ նախագահը հայտարարել է, որ ՌԴ-ն վաղուց է ֆիքսել, որ Թուրքիայի տարածքում շատ նավթ կա, որը ստացվում է ԻՊ կողմից վերահսկվող հանքերից: «Այս իրադարձությունը դուրս է գալիս ահաբեկչության դեմ պայքարի շրջանակներից: Անշուշտ, մեր զինվորականները հերոսական պայքար են մղում ահաբեկչության դեմ, կյանքը չխնայելով: Սակայն այսօրվա կորուստը կապված է հարվածի հետ, որը մեզ հասցրեցին թիկունքից ահաբեկիչներին սատարողները»,-ասել է ՌԴ նախագահը: Պուտինը հավելել է, որ Սու-24-ը գրոհի է ենթարկվել Թուրքիայի սահմանից 1 կմ հեռավորության վրա, իսկ կործանվել է 4 կմ հեռավորության վրա: Վլադիմիր Պուտինը հայտարարել է, որ ռուսական ինքնաթիռի ողբերգությունը ամենալուրջ հետևանքները կունենա Մոսկվայի և Անկարայի հարաբերությունների համար: «Մեզ հետ անմիջական շփում հաստատելու փոխարեն թուրքական կողմը, որքանով մեզ հայտնի է, դիմել է ՆԱՏՕ-ի իր գործընկերներին այս հարցի քննարկման համար, կարծես այդ մենք ենք խոցել իրենց ինքնաթիռը, ոչ թե իրենք` մերը»,-ասել է Պուտինը: Ռուսական Սու-24 ռազմական ինքնաթիռի խոցման մասին կարևորագույն նորությունները ընթերցեք PAN-ի թարմացվող լուրերում: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |