 2016-ի ՀՀ տնտեսության զարգացման թույլ հեռանկարները. Կանխատեսվում է ՀՆԱ 2.2% աճ 11 դեկտեմբերի 2015 - 17:29 AMT PanARMENIAN.Net - Համաշխարհային բանկը Հայաստանում 2016 թվականին 2.2% աճ է կանխատեսում, դեկտեմբերի 11-ին լրագրողներին է հայտնել ՀԲ երևանյան գրասենյակի ղեկավար Լորա Բեյլին, հայտնում է ԱՌԿԱ գործակալությունը։ «Հետաքրքիր է, որ այս անգամ մեր կանխատեսումը համընկնում է կառավարության կանխատեսման հետ։ Այս տարի դա այդպես չէր»,– ասաց Բեյլին։ Ըստ նրա, երբ Համաշխարհային բանկը գնահատականներ է տալիս, այն կենտրոնանում է ոչ միայն Հայաստանի տնտեսության վրա, այլ նաև դիտարկում է տարածաշրջանում ընդհանուր տնտեսական գործընթացները։ «Տվյալ դեպքում մեզ համար հիմնական գործոնները Եվրոպայի տնտեսության դանդաղ աճն է, Ռուսաստանում շարունակվող տնտեսական անկումը և նավթի գների մակարդակը»,- նշել է Բեյլին։ Վարկանիշային Moody’s գործակալությունը նույնպես Հայաստանում 2016 թվականին ՀՆԱ 2.2% աճ է կանխատեսում, ինչը պայմանավորված է տնտեսության ցածր դիվերսիֆիկացիայով, առևտրի ցուցանիշների վատթարացմամբ և Ռուսաստանի գծով ֆինանսական ռիսկերի առկայությամբ: Ինչպես կարծում են գործակալության վերլուծաբանները, 2016-ի աճի վրա կանդրադառնա ներքին սպառման ցածր մակարդակն ու արտաքին խոցելիությունը: «Պահանջարկի ցածր մակարդակը Հայաստանում զսպում է սպառումն ու ներդրումները, իսկ տնտեսական կլիմայի վատթարացումը Ռուսաստանում հանգեցրել է դրամական փոխանցումների կտրուկ նվազման: Հաշվի առնելով, որ դրամական փոխանցումները Հայաստան կազմում են ՀՆԱ 15 տոկոսը, Հայաստանը զտնվում է ՌԴ տնտեսության ցիկլիկ փոփոխություների ազդեցության տակ»,-գտնում են նրանք, հայտնում է ԱՌԿԱ-ն: Fitch Ratings միջազգային վարկային գործակալությունը տեսնում է ՀՀ տնտեսության աճի թույլ հեռանկարներ: Նման կանխատեսում կա Fitch-ի «ԱՊՀ և Վրաստանի բանկերի կանխատեսումը 2016 թ. համար» զեկույցում: «Մենք ակնկալում ենք, որ ավելի թույլ տնտեսական գործունեությունը, արտաքին ճնշումն ու թույլ ներքին սպառումը կազդեն 2016-ի վարկային պահանջարկի վրա»,-ասվում է զեկույցում: Դեկտեմբերի 10-ին խորհրդարանի ընդունած պետբյուջեի համաձայն, Հայաստանում ՀՆԱ իրական աճը 2016 թվականին նախատեսված է 2.2 տոկոսի չափով, ՀՆԱ դեֆլյատոր ցուցիչը` 4 տոկոս, 12–ամսյա գնաճը` 4% (±1,5%), իսկ պետբյուջեի պակասուրդը` ՀՆԱ–ի 3.5 տոկոսը։ Հայաստանի ԿԲ–ն հոկտեմբերի վերջին բարձրացրել է 2015 թվականի տնտեսական աճի կանխատեսումը 3.2-3.6 տոկոսի սահմանում։ Համաշխարհային բանկն իր վերջին կանխատեսումներում 2015 թվականին ակնկալում է 0.8 տոկոսի աճ, Վերակառուցման և զարգացման եվրոպական բանկը` 2.3 տոկոս, ԵԶԲ–ն` 2.0-2.5 տոկոսի աճ, ԱՄՀ–ն` 2.5 տոկոսի աճ, Ասիական զագացման բանկը` 1.2 տոկոս։   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Կոլումբիան խզում է հարաբերություններն Իսրայելի հետ  Գազայի հատվածի շրջափակումը այդ երկրի նախագահը «ցեղասպանություն» է անվանելՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունըԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |
