Թուրքիան պետք է բարեփոխումներ անցկացնի մինչ Եվրամիությանն անդամակցելու շուրջ բանակցությունների մեկնարկը: Այդ մասին Երեւանում հայտարարել է Հայ Դատի գրասենյակի ղեկավար Կիրո Մանոյանը: Նրա խոսքերով, Թուրքիան եւս պետք է ճանաչի Հայոց ցեղասպանությունը: «Հայոց ցեղասպանությունը ճանաչելու պահանջը ներկայացնում է ոչ թե պաշտոնական Երեւանը, այլ Եվրոպայի հայկական սփյուռքը: Դրանք տարբեր բաներ են: Եվրոպան որպես խոչընդոտ Թուրքիայի անդամակցության համար սկզբից օգտագործեց Հունաստանին եւ Կիպրոսին, այնուհետեւ կգա Հայաստանի հերթը եւ մենք պետք է պատրաստ լինենք դրան»,-ընդգծել է Մանոյանը: