Դիարբեքիրում հայկական եկեղեցիներ են վնասվել17 փետրվարի 2016 - 10:59 AMT PanARMENIAN.Net - Թուրք-քրդական բախումների ընթացքում վնասվել են հայկական եկեղեցիները Ավելի քան երկու ամիս Դիարբեքիրի Սուր վարչական շրջանում թուրքական իրավապահ մարմինների և քուրդ զինյալների միջև չդադարող բախումների հետևանքով մի շարք շենքերի, բնակելի տների թվում վնասվել են նաև այդ տարածքում տեղակայված հայկական եկեղեցիները: Օրերս համացանցում տարածվեցին Սուր վարչական շրջանում գտնվող հայկական եկեղեցիներից մեկի կիսաքանդ շենքի լուսանկարները, հաղորդում է «Ազատություն» ռադիոկայանը: Դիարբեքիրի Սբ. Կիրակոս հայկական եկեղեցու սպասավորներից Արմեն Դեմիրճյանը նշել է, որ պայթյունների հետևանքով վնասված եկեղեցինՍբ. Սարգիս հայկական կաթոլիկ եկեղեցին է. «Իրոք, հայկական կաթոլիկ եկեղեցին ավերակի է վերածվել․ քանդվել են պատերը, զանգակատունը: Տուժել է նաև Սուրբ Կիրակոսը, եկեղեցու պատերից մեկի վրա մեծ անցք է բացվել, ապակիները կոտրվել են: Չգիտենք, թե ինչ վիճակում է, քանի որ ոչ ոք չի կարողանում ներս մտնել»: Դիարբեքիրի քաղաքապետարանի աշխատակիցներից մեկը, ով չի ցանկացել ներկայանալ, հաստատել է, որ Սուր վարչական շրջան մտնել հնարավոր չէ․ տարածքը փակ է, ներս ու դուրս անելը` արգելված: Տեղի վիճակի և ավերածությունների մասին միայն լուրերից են տեղեկանում: Թեև Թուրքիայի ներքին գործերի նախարարությունը հայտարարել է, որ Դիարբեքիրի Սուր վարչական շրջանի 6 թաղամասում գործողությունները ավարտվել են, մարդիկ դեռ չեն կարողանում վերադառնալ իրենց տներ: Դիարբեքիրի նահանգապետարանի հաղորդմամբ` Սուր վարչական շրջանում բնակվող մոտ 24 հազար քաղաքացի հիմնականում տեղափոխվել են այլ շրջաններ: Տեղական իշխանությունները պնդում են, թե ամեն ինչ արվում է վիճակը կայունացնելու համար, չնայած ցայսօր այդ ուղղությամբ գործադրված բոլոր ջանքերը ապարդյուն են եղել: Դիարբեքիրի 4 թաղամասում հայտարարվել է պարետային ժամ: Թուրքական ԶՈՒ-ն պարետային ժամի ընթացքում իրականացրել է լայնածավալ գործողություններ` քուրդ գրոհայինների փորած խրամատները ծածկելու, բարիկադները հեռացնելու և ինքնաշեն ռումբերը հայտնաբերելու ուղղությամբ:: Թուրք ուժայինները արգելք են դրել փողոց դուրս գալու վրա: Ջիզրեում և Սուրում շարունակվում են փողոցային բախումները: Փետրվարի 1-ի առավոտյան Թուրքիայի Դիարբեքիր նահանգի Սուր շրջանում տեղի է ունեցել հերթական զինված բախումը քրդերի և թուրքերի միջև: Քուրդիստանի աշխատավորական կուսակցության (ՔԱԿ-PKK) գրոհայինները սպանել են 3 թուրք զինվորի: Եվս 2 ոստիկան վիրավորվել է:Հունվարի 31-ին էլ Թուրքիայի սահմանամերձ հարավարևելյան Շըրնաք նահանգի Ջիզրե շրջանում, ՔԱԿ-ականների և թուրքական ուժերիմիջև տեղի ունեցած բախումների ժամանակ սպանվել էր 1 թուրք զինվոր և 2 ոստիկան: Ըստ Թուրքիայի գլխավոր շտաբի տվյալների, դեկտեմբերի կեսից ոչնչացվել է ավելի քան 750 քուրդ գրոհային: Քուրդ ակտիվիստները պնդում են, որ զոհերի մեծ մասը խաղաղ բնակիչներ են: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |