Ընդդիմադիր վեց ուժ հավաք ու երթ անցկացրին Մարտի 1-ի զոհերի հիշատակին 1 մարտի 2016 - 18:24 AMT PanARMENIAN.Net - 2008-ի մարտի 1-ի իրադարձությունների տարելիցին ընդդիմադիր վեց ուժ Ազատության հրապարակում միասնական հավաք-երթ անցկացրին՝ «Ընդդեմ պետական ահաբեկչության» կարգախոսով: Հավաքին մասնակցեցին ՀԱԿ, ՀԺԿ, «Քաղաքացիական պայմանագիր» կուսակցությունները, Րաֆֆի Հովհաննիսյանի ու Ժիրայր Սեֆիլյանի նախաձեռնած «Նոր Հայաստան» շարժումը, Պարույր Հայրիկյանի ղեկավարած «Ազգային ինքնորոշում միավորումը», Աշոտ Մանուչարյանի «Հայաստան» նախաձեռնությունը: ՀԱԿ խմբակցության ղեկավար Լևոն Զուրաբյանը հայտարարեց, որ մարտի 1-ի իրադարձությունների հերթական տարելիցին գործի բացահայտումը նույն տեղում է, ինչ ութ տարի առաջ, չնայած քննությանը թափ հաղորդելու մասին նախագահ Սերժ Սարգսյանի կամ սայլը տեղից շարժելու՝ գլխավոր դատախազ Գևորգ Կոստանյանի խոստումներին, հաղորդում է «Ազատություն» ռադիոկայանը։ «Երբ որ գործը պետք է բացահայտի նա, ով դա արել է, ի՞նչ եք կարծում, դա հե՞շտ բացահայտվող գործ է։ Շատ հեշտ բացահայտվող գործ է իրականում, և դրա մասին ԵԽԽՎ-ն իր բանաձևերից մեկում գրել է՝ ընդամենը պետք է հետազոտել հրամանի շղթան։ Էդ մարդիկ հրամաններ են ստացել ոստիկաններից, էդ կրակողներից ոչ ոք չի գործել առանց հրամանների, և հասկանալի է՝ երբ որ իշխանության են այն մարդիկ, ովքեր կանգնած են այդ հրամանների շղթայի վերջում, նրանք թույլ չեն տա, որ քննությունը գոնե մեկ քայլ առաջ կատարի դեպի այդ ոճրագործության բացահայտումը» , - ասել է Զուրաբյանը։ Նիկոլ Փաշինյանը, իր հերթին, հավաքին հայտարարեց, որ ըստ էության հայտնի է և՛ կատարողների, և՛ հրաման տվողների շրջանակը: «Չբացահայտման միակ պատճառը քաղաքական կամքի բացահայտումն է», - ասել է նա, գրում է Tert.am-ը: 2008-ի փետրվար ամսվա վերջին, ՀՀ նախագահի փետրվարի 19 ընտրությունների արդյունքներից դժգոհ քաղաքացիները՝ ՀՀ առաջին նախագահ Լևոն Տեր-Պետրոսյանի գլխավորությամբ հանրահավաքներ ու նստացույց էին անցկացնում Ազատության հրապարակում: Մարտի 1-ի վաղ առավոտյան ոստիկանության աշխատակիցները Ազատության հրապարակում զենք, զինամթերք և մոլոտովյան կոկտեյլներ հայտնաբերելու պատրվակով ներխուժեցին հրապարակ, հարձակվեցին ցուցարարների վրա և ուժով ցրեցին նրանց: Ժամեր անց ցուցարարները հավաքվեցին Մյասնիկյանի արձանին հարող հրապարակում՝ Ֆրանսիայի և Ռուսաստանի դեսպանատների առաջ, և սկսվեց ինքնաբուխ հանրահավաք։ Ավելի ուշ հայտարարվեց պարետային ժամ, մայրաքաղաք մտցվեցին բանակային ստորաբաժանումներ: Բախումների արդյունքում արդյունքում զոհվեց տասը մարդ:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել»  Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև»ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսինԱդրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում ենՎարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |
