  ԱՄՆ-ի հայկական կազմակերպությունները ճնշում են գործադրում երկրի իշխանությունների վրա՝ Բաքվի գործողությունների դեմ 6 ապրիլի 2016 - 10:22 AMT PanARMENIAN.Net - Միացյալ Նահանգների հայկական խոշոր կազմակերպությունները` Ամերիկայի հայ դատի հանձնախումբը և Ամերիկայի հայկական համագումարը լուրջ աշխատանք են սկսել ԱՄՆ-ի օրենսդիր և գործադիր իշխանությունների հետ՝ Ադրբեջանի հարձակողական գործողությունների դեմ: Համագումարը նամակ է ուղղել ԱՄՆ պետքարտուղար Ջոն Քերրիին, որում կոչ են անում ԱՄՆ-ին վերականգնել Ազատության աջակցության ակտի 907 ենթաբաժինը, որն արգելում է Միացյալ Նահանգներին որևէ օգնություն տրամադրել Ադրբեջանին, հայտնում է «Ամերիկայի Ձայն»-ը: Համագումարի համանախագահներ Էնթոնի Բարսամյանն ու Վան Կրիկորյանը նամակում ընդգծել են, որ Միացյալ Նահանգների կողմից չի կարող տրամադրվել որևէ օգնություն Ադրբեջանին «այնքան ժամանակ, քանի դեռ Ադրբեջանը չի դադարեցրել թշնամական գործողությունները Հայաստանի և Լեռնային Ղարաբաղի դեմ և չի համաձայնել հետևել հակամարտության խաղաղ կարգավորման ուղուն»: Իր հերթին, Ամերիկայի հայ դատի հանձնախումբը նամակ է ուղղել Միացյալ Նահանգների Սենատի և Ներկայացուցիչների պալատի հանրապետական և դեմոկրատ ղեկավարներին՝ կոչ անելով նրանց պահանջել հրապարակել ԱՄՆ-ի հետախուզական արբանյակների և այլ հատուկ ծառայությունների տվյալները՝ ապրիլի 2-ին Ղարաբաղի և Ադրբեջանի շփման գծում տեղի ունեցած բախումների նախօրեին զինվորական պատրաստությունների վերաբերյալ: Ամերիկայի հայ դատի հանձնախմբի նախագահ Րաֆֆի Համբարյանը նամակում մասնավորապես նշում է, որ բախումների նախօրեին Վաշինգտոնում հանդիպումներ անցկացնող Ադրբեջանի նախագահ Իլհամ Ալիեւն իրականում նախապատրաստվում էր ռազմական գործողությունների Ղարաբաղում: ԼՂՀ ՊՆ պաշտոնական տվյալներով՝ Ապրիլի լույս 2-ի գիշերվանից ապրիլի 5-ը ժամանակահատվածում ադրբեջանական զինուժի հետ մարտերում զոհվել է Պաշտպանության բանակի 29 զինծառայող, 101-ը վիրավորվել է, ևս 28-ն անհետ կորած է: Զոհվածներից 7-ը ու վիրավորներից 20-ը սպա ու ենթասպա են, 20 զոհված ու 81 վիրավոր՝ սերժանտ, պայմանագրային ու շարքային: Հայկական կողմը կորցրել է 14 տանկ: Խոցվել է 26 ադրբեջանական տանկ, 4 ՀՄՄ, 1 «Գրադ», 1 ինժեներական մեքենա, 2 ուղղաթիռ, 12 ԱԹՍ:    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:  Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Սյուժե Վերջին լուրեր Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է  Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացինԱբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |
