Ամեն հայաստանցի բանկերին մոտ 307.000 դրամ է պարտք27 մայիսի 2016 - 14:18 AMT PanARMENIAN.Net - 2015 թվականին գործազրկության մակարդակը Հայաստանում աճել է մինչև 18.5%՝ նախորդ տարվա 17.6%-ի փոխարեն: Գործազրկության աճն ուղեկցվել է արտերկրից ստացվող դրամական փոխանցումների կրճատմամբ, ինչն անդրադարձել է տնային տնտեսությունների եկամուտների մակարդակի վրա: Այս մասին է նշվում Կենտրոնական բանկի 2015 թվականի ֆինանսական կայունության հաշվետվությունում: ԿԲ կանխատեսմամբ, 2016 թվականին գործազրկության մակարդակը կմնա գրեթե անփոփոխ, իսկ աշխատավարձի աճը կլինի համեմատաբար ցածր (3.6%): Գործազրկության աճը և տրանսֆերտների կրճատումը ազդել են տնային տնտեսություններին տրամադրվող վարկերի ծավալների վրա: Դիտարկվող ժամանակահատվածում բանկերի կողմից տրամադրված վարկերի ծավալը նվազել է 4%-ով, իսկ վարկային կազմակերպությունների և գրավատների նկատմամբ պարտավորություններն ավելացել են համապատասխանաբար 2.7% ու 3.1%-ով: Վարկային հաստատությունների նկատմամբ ռեզիդենտ տնային տնտեսությունների ընդհանուր պարտավորությունները նվազել են 3%-ով և կազմել 920 մլրդ դրամ (մոտ 307 հազար դրամ՝ մեկ բնակչի շնչով): Սպառողական վարկերի մասով գրանցվել է 5.6% նվազում՝ պայմանավորված քարտային վարկերի, ավտովարկերի և այլ սպառողական վարկերի կրճատմամբ: Ոսկու գրավով և կենցաղային, համակարգչային տեխնիկայի ձեռքբերման վարկերն ավելացել են համապատասխանաբար 4.2%-ով և 11%-ով: Սպառողական վարկավորման կառուցվածքում շարունակում են գերակշռող մասնաբաժին ունենալ քարտային և ոսկու գրավով վարկերը: Sպառողական վարկավորումը խոչընդոտող հիմնական գործոններ են մնում տնային տնտեսությունների եկամուտների կրճատումը: Ընդհանուր առմամբ, 2015-ի առաջին կեսին սպառողական վարկերի պայմանները և ընթացակարգերը խստացվել են, սակայն երրորդ եռամսյակից սկսած դիտարկվել է պայմանների մեղմացում՝ պայմանավորված բանկերի և այլ ֆինանսական հաստատությունների միջև մրցակցության աճով: 2015 թ. ընթացքում բանկերի և վարկային կազմակերպությունների կողմից տրամադրված հիփոթեքային վարկերն ավելացել են 4.2%-ով, որին հիմնականում նպաստել է անշարժ գույքի ձեռքբերման հիփոթեքային վարկերի 6.5% աճը: Անշարժ գույքի վերանորոգման և կառուցապատման հիփոթեքային վարկերը նվազել են 5.1%-ով: 2015-ի ընթացքում 4 տոկոսային կետով նվազել է արտարժութային հիփոթեքային վարկերի մասնաբաժինը, սակայն այն մնում է բավականաչափ բարձր՝ 54%, ինչը վկայում է դրամային եկամուտներ ստացող վարկառուների՝ արտարժութային ռիսկի նկատմամբ խոցելիության մասին: Կարդացեք նաև. Հայաստանի պարտքերը. Ում և ինչքան Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Միրզոյանն ու Բայրամովն Ալմաթիում կհանդիպեն մայիսի 10–ին Հանդիպումը կկայանա Ղազախստանի հրավերով, որը հարթակ է տրամադրում Խաժակյան․ 2018-ից ի վեր Բագրատ սրբազանի առաջնորդած շարժումը միակն է, որը խնդիր չի դնում «ոչնչացնել հակառակորդին» Նա հավելել է, որ օրակարգը հանուն է, իսկ առարկայական ծրագիրը, հավանաբար, առաջիկայում կհստակեցվի Թորոսյան. Ուզում են առանց ընտրությունների իշխանություն վերցնել Նա նշել է նաև, որ խոսքի և հավաքների ազատության իրավունքը կարող է իրացվել նաև ընդդեմ իշխանությունների Հայտարարություն․ Բագրատ սրբազանը ներկայացված է միայն Facebook-ում և բացառապես իր անձնական էջով Նշվում է, որ նրա անունից բացվող որևէ էջ կապ չունի ոչ շարժման, ոչ էլ սրբազանի հետ |