ԱԳ փոխնախարարը՝ Իրանի հետ վիզային ռեժիմի վերացման մասին. Միայն կշահենք17 հունիսի 2016 - 18:47 AMT PanARMENIAN.Net - Հունիսի 17-ին Ազգային ժողովի արտահերթ նիստում ներկայացվել է Իրանի հետ առանց վիզայի այցելության մասին հուշագիրը: 2016 թվականի հունիսի 5-ին Թեհրանում ստորագրվել է ՀՀ կառավարության և Իրանի միջև քաղաքացիների` առանց մուտքի արտոնագրի այցելության մասին փոխըմբռնման հուշագիրը: Դրանով առաջարկվում է, որ այսուհետ առանց որևէ վիզայի ձևակերպման Հայաստանի քաղաքացիները կարողանան այցելել Իրանի Իսլամական Հանրապետություն և հակառակը: ԱԺ պատգամավոր Մարգարիտ Եսայանը ՀՀ արտաքին գործերի փոխնախարար Շավարշ Քոչարյանից հետաքրքրվել է, թե արդյոք հուշագիրը գին ունի: «Վիզայի համար սովորաբար վճարվում է, նույնիսկ սահմանին խփում ենք այդ կնիքը, նույնիսկ դրա համար գումար է վճարվում։ Հիմա այս հարցի գինը որքա՞ն է, և արդյո՞ք վնասներ կրում ենք», -հետաքրքրվել է Սարգսյանը: Ի պատասխան Քոչարյանն ասել է, որ, ֆինանսների նախարարության գնահատմամբ, բյուջեի վրա վիզաների ռեժիմի վերացումը որևէ ազդեցություն չի ունենա, գրում է Panorama.am-ը: «Բանն այն է, որ ամեն մի վիզայի համար Իրանի քաղաքացիները վճարում են 7 ԱՄՆ դոլար: Մյուս կողմից այն հաշվարկները, որ կան, ցույց են տալիս, որ զբոսաշրջության ծավալի ավելացման, տարբեր նպատակներով այցելությունների շնորհիվ մենք, հակառակը, կշահենք, այլ ոչ թե կտուժենք», - պարզաբանել է Քոչարյանը: Նա մատնանշել է Վրաստանի փորձը, երբ Իրանի հետ վիզային ռեժիմի վերացման արդյունքում աճել է զբոսաշրջությունը և «նրանց բյուջեն շահել է»: ԱԺ պատգամավոր Սուքիաս Ավետիսյանը հետաքրքրվել է, թե ինչպիսին է ներկայումս քաղաքացիների տեղաշարժի վիճակագրությունը: Քոչարյանը հայտնել է, որ ավելի շատ Իրանից են Հայաստան այցելում: «Իրանից ավելի շատ քաղաքացիներ են գալիս Հայաստան: Եղել են լավ ժամանակներ, իսկ երբ պատժամիջոցները սրվեցին Իրանի նկատմամբ, մինչև 120 հազար այցելու էր լինում Իրանից: Հետո այդ թիվը նվազեց, որը առաջին հերթին պայմանավորված էր նրանով, որ ձեռքներին արտարժույթ չկար: Հիմա պատժամիջոցները վերացնելուց հետո այդ թվի ավելանալու միտում կա», ներկայացրել է փոխարտգործնախարարը: Հուշագրով նախատեսվում է, որ այցելությունների ժամանակ 180 օրվա ընթացքում քաղաքացին կարող է գտնվել տվյալ երկրում: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Ռուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտում Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ |