Թուրքիայում հայկական եկեղեցիների բռնազավթման խնդիրը՝ ԱՄՆ Կոնգրեսում15 հուլիսի 2016 - 11:20 AMT PanARMENIAN.Net - ԱՄՆ կոնգրեսական Դեյվ Թրոթի կողմից Կոնգրեսում բարձրացվել է Թուրքիայի տարածքում հայկական եկեղեցիների խնդիրը: «Ինձ շարունակում է մտահոգել Թուրքիայում հայկական եկեղեցիների բռնազավթման խնդիրը, այդ թվում՝ Սբ. Կիրակոս եկեղեցու խնդիրը: Սա 100 տարի առաջ տեղի ունեցած Հայոց ցեղասպանության հետեւանքներն են», - ասել է նա: Թուրքիայի նախարարների խորհուրդը մարտի 25-ին պետականացման որոշում է ընդունել մոտ 6.300 տարածքի ու անշարժ գույքի վերաբերյալ, որոնց շարքում են հայկական Սուրբ Կիրակոս եկեղեցին, ասորական ու բողոքական եկեղեցիները: Հայկական Սուրբ Կիրակոս եկեղեցին գրեթե 100-ամյա լքվածությունից հետո ամբողջովին վերաբացվել էր 2012թ. նոյեմբերի 3-ին, ինչից հետո այն դարձել է տեղի հայերին միավորող կարևորագույն կենտրոն: Վերանորոգման ծախսերի մեծ մասը հոգացել էին թուրքահայ մեկենասները, մի մասն էլ տրամադրել էր Դիարբեքիրի քաղաքապետարանը: Սբ. Կիրակոսը Մերձավոր Արևելքի ամենամեծ հայկական եկեղեցին է: Խոսելով Թուրքիայում մարդու իրավունքների վատթարացող իրավիճակին նվիրված լսումներին՝ կոնգրեսական Թրոթը նշել է, որ երբ Միացյալ Նահանգները Թուրքիային քննադատում է ժողովրդավարության դեմ ուղղված գործողությունների համար, Անկարայում հիշատակում են, որ ԱՄՆ-ի դաշնակիցն են եւ ՆԱՏՕ-ի անդամ: Դա սակայն Թուրքիային չի ազատում պատասխանատվությունից, պնդել է կոնգրեսականը, հաղորդում է Ամերիկայի Ձայնը: Լսումներին ելույթ ունեցած փորձագետների խոսքով՝ Թուրքիայում ժողովրդավարության նվազումը պայմանավորված է մի քանի պատճառներով: Ամերիկյան Առաջընթացի կենտրոնի վերլուծաբան Ալան Մաքովսկու խոսքով՝ պատճառներից մեկը իշխանությունը սեփական ձեռքում կենտրոնացնելու Թուրքիայի նախագահ Ռեջեփ Էրդողանի որոշումն է. «Թուրքիայի ժողովրդավարությունը, որը երբեք անթերի չէր, արագորեն վատթարանում է: Գրեթե բոլոր ոլորտներում, լինեն դա լրատվամիջոցներ, դատական, քաղաքական, կառավարման համակարգ, քրդերի իրավունքները, մասնավոր ընկերությունները թե համալսարանները՝ ազատությունը նվազում է եւ իշխանությունը կենտրոնանում է նախագահ Էրդողանի ձեռքում»: Ուիլսոնի կենտրոնի Մերձավոր Արեւելքի ծրագրի ղեկավար Հենրի Բարքիի խոսքով, Էրդողանը փորձում է կրկնել Պուտինի օրինակը՝ կառուցելով ավտորիտար համակարգ եւ բանտարկելով քաղաքացիներին իրեն քննադատելու համար. «1845 մարդ դատապարտվել է միայն նախագահին վիրավորանք հասցնելու մեղադրանքով»: Ազդեցիկ կոնգրեսական Դեյնա Ռորաբահերն ամփոփելով լսումները նշել է, որ պարզ է դառնում՝ Թուրքիան սխալ ուղղությամբ է ընթանում: 2016-ի ապրիլին Դիարբեքիրի Սուրբ Կիրակոս հայկական եկեղեցու հիմնադրամը դատական հայց է ներկայացրել եկեղեցին պետականացնելու մասին Թուրքիայի նախարարների խորհրդի կողմից ընդունված որոշումը չեղյալ հայտարարելու պահանջով: «Եկեղեցիները և վանքերը հատուկ պահպանության տակ գտնվող մշակութային և բնական ժառանգությունների ցանկում են: Նշյալ անշարժ գույքերը պետականացնելու ժամանակ պետք է կիրառվի «Մշակութային և բնական ժառանգության պահպանման մասին» օրենքը: Նախարարների խորհրդի կողմից ընդունված որոշմամբ կոպտորեն խախտվել է նշյալ օրենքը»,- ասվում է հայցադիմումի մեջ: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |