Ուկրաինայում կսկսվի Բաքվի պատվիրած Ան-178 ինքնաթիռների արտադրությունը

Ուկրաինայում կսկսվի Բաքվի պատվիրած Ան-178 ինքնաթիռների արտադրությունը

PanARMENIAN.Net - Ուկրաինական «Անտոնով» պետձեռնարկությունը սկսում է Ան-178 բեռնատար ինքնաթիռի սերիական արտադրությունը, որն այժմ հավաստագրման փորձարկումների փուլում է, հայտնում է «Կորեսպոնդենտ.net»ը:

Ան-178-ն արդեն ավելի քան 100 թռիչք է կատարել` 160 ժամ ընդհանուր տևողությամբ: Ցամաքային փորձարկումներն անցկացվել են 3 բանակային HMMWV (High Mobility Multipurpose Wheeled Vehicle) М1097А2 ամենագնացների մասնակցությամբ:

«Մենք 10 ինքնաթիռի հստակ պատվեր ունենք Ադրբեջանից: «Անտոնով» գործարանում մեկնարկում է սերիական արտադրությունը»,-ասել է ձեռնարկության ղեկավար Ալեքսանդր Կոցյուբան:

2016-ի հունիսի սկզբին ադրբեջանական ավիաընկերության ղեկավարը 10 Ան-178 ինքնաթիռի գնման պայմանագիր կնքեց ուկրաինական «Անտոնով» պետական ձեռնարկության հետ: Պայմանագրի գումարը գաղտնի է պահվում: Հայտնի է, որ առաջին կանխավճարն արդեն փոխանցվել է` այդ գումարը ևս չի հրապարակվում: Ադրբեջանը ինքնաթիռները կստանա 2 տարում` սկզբից 2-ը, իսկ հետո 8-ը, որոնք, հնարավոր է, հավաքեն արդեն Ադրբեջանի տարածքում:

 Ուշագրավ
Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում
Այդ են վկայում The Lancet Infectouse Diseases և The Lancet Public Health հանդեսներում հրապարակված հետազտությունների արդյունքները
«Հուսով եմ, որ պատվաստանյութը կգործի ոչ թե 1-2 տարի, այլ ցմահ»,-ասել է Գինցբուրը
---