Սեպտեմբերի 5-ի դրությամբ 40.000 տ ավելի կարտոֆիլ է արտադրվել

6 սեպտեմբերի 2016 - 13:04 AMT

PanARMENIAN.Net - Օպերատիվ տվյալներով՝ սեպտեմբերի 5-ի դրությամբ արտադրվել է մոտ 210.000 տոննա կարտոֆիլ, ինչը 2015-ի նույն ժամանակահատվածի ցուցանիշը գերազանցում է 40.000 տոննայով։ Ըստ ՀՀ ԱՎԾ տվյալների՝ 2016-ին հանրապետությունում կարտոֆիլի ցանքատարածությունները կազմում են 34.077 հա, ինչը գերազանցում է 2015-ի ցուցանիշը 771 հեկտարով, տեղեկացնում է ՀՀ գյուղատնտեսության նախարարությունը։

Շիրակի մարզում կարտոֆիլի ցանքատարածությունները կազմում են 4568 հա, որը 2015-ի համեմատ ավելի է 185 հեկտարով, Լոռու մարզում՝ 4613 հա, աճը նախորդ տարվա նկատմամբ կազմում է՝ 335 հա։ 2015-ին պայմանավորված այն հանգամանքով, որ հանրապետությունում աճեցված վաղահաս կարտոֆիլի բերքահավաքը եղանակային անբարենպաստ պայմանների և տևական անձրևների պատճառով մոտ 20 օրով ուշացել է, 2016-ի մարտի 1-ից մինչև մայիսի 31-ը ընկած ժամանակահատվածում ներկրվել է 3392 տոննա կարտոֆիլ։

Միաժամանակ գյուղնախը նշում է, որ ամեն տարի հանրապետություն է ներկրվում կարտոֆիլի եվրոպական լավագույն սորտերի տնկանյութ (սերմացու)։ 2016-ի հունիսի 10-ի դրությամբ հիմնականում եվրոպական երկրներից ներկրվել է 3174 տոննա տնկանյութ (սերմացու)։

Կարդացեք նաև՝Գյուղնախ. Կարտոֆիլի մասսայական վաճառքի ժամանակավոր դադարեցումը հիմնավորված չէ

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով