Realelections. Վանաձորում ՀՀԿ-ն հավաքում է 35.5%, ԼՀ-ն՝ 29%
Իշխող Հայաստանի Հանրապետական կուսակցությունը Վանաձորում կայացած ՏԻՄ ընտրություններում, նախնական տվյալներով, հավաքում է ձայների շուրջ 35.5%-ը:
Այդ մասին են վկայում «Քաղաքացիական պայմանագիր» կուսակցության Realelections համակարգի թարմացվող արդյունքները՝ 17201 ձայների հաշվարկից հետո (653-ն՝ անվավեր):
ՀՀԿ-ն ունի 5881 ձայն, «Լուսավոր Հայաստանը» երկրորդն է 4797 ձայնով: Երրորդը Հայկական վերածնունդն է (2228 ձայն), չորրորդը՝ «Բարգավաճ Հայաստանը» 1305 քվեով: ՀՅԴ-ն ունի 645, ՔՊ-ն՝ 611 քվե:
«Համախմբումը» ստացել է 406, ՀԱԿ-ը՝ 275 քվե:
Համակարգը հաշվի է առնում 36474 մարդու քվեարկության արդյունքները: ԿԸՀ պաշտոնական տվյալներով, Վանաձորում քվեարկել է 41189 ընտրող:
