Գինեգործների միության նախագահ. Խաղողի դիմաց պարտքը հնարավոր է վճարվի 7-8 ամսում

15 հոկտեմբերի 2016 - 16:06 AMT

PanARMENIAN.Net - 2016թ. ՀՀ-ում մթերվել է խաղողի 95%-ը՝ 105 հազար տոննա՝ մեկ կիլոգրամի դիմաց 115-117 դրամով: Այս մասին լրագրողներին հայտնել է Գինեգործների միության նախագահ Ավագ Հարությունյանը:

«Աճի տեմպեր կան 2015-ի համեմատ: Նաեւ սպիրտի արտահանումն է աճել: Կարծես ճգնաժամից դուրս ենք գալիս, թեեւ 2015-ի կուտակված պարտքերը դեռ կան: Չի նշմարվում, որ 2015-ից պարտք մնացած գործարանները մոտ ապագայում միանգամից կմարեն պարտքը»,-ասել է Հարությունյանը, մեջբերում է Aravot.am-ը:

Հարությունյանը նշել է, որ գործարանները գյուղացիներին մթերված խաղողի դիմաց 2016-ից դեռեւս 650 միլիոն դրամ ունեն վճարելու. «Դա այն գումարն է, որի դիմաց գրավ չկա, ուստի դրա միանվագ ստացման հույսեր չկան: Գուցե գործարանները 7-8 ամսում դա փակեն: Այս տարվա խաղողը դարձյալ պարտքով է վերցված, բայց վճարման հստակ ժամկետներ են սահմանված»:

Անդրադառնալով ՀՀ վարչապետ Կարեն Կարապետյան հայտարարությանը, որ գուցե պայմանավորվեն Ռուսաստանի հետ՝ հայկական արտադրության խմիչքները մեկ բրենդի ներքո արտահանելու նպատակով, Հարությունյանն ասել է, որ միայն 1 գործարան համաձայն չէ ՌԴ խմիչք արտահանել միասնական բրենդի ներքո:

«Բոլոր գործարանները համաձայն են, իսկ Կոնյակի գործարանը դրա կարիքը չունի: Դա մեր պատմության ամենահարուստ բրենդն է: Նա ընդհանուր բրենդի կարիք չունի: Փոքր գործարաններն ամբողջությամբ են համաձայն, մեծ գործարանները՝ որոշակիորեն»,-հայտնել է նա:

Ըստ բանախոսի՝ հայկական խմիչքների իրացման խնդիր չկա, փոխարենը որակի խնդիրն է. «Մինչեւ 1500 դրամանոց՝ միջին որակի գինու իրացման խնդիր ունեք, մինչդեռ մեզանից ակնկալում են թանկ եւ ունիկալ գինիներ»:

Կարդացեք նաև՝ Գյուղնախարարը՝ Քաղցրաշենի և Այգեզարդի խաղողագործներին. Պարտքերի վերադարձը կվերահսկվի

Հղումներ թեմայով.

«Գործարանները գուցե 7-8 ամսում վճարեն խաղողի դիմաց պարտքը». Ավագ Հարությունյան. Aravot.am

«Միայն 1 գործարան համաձայն չէ ՌԴ խմիչք արտահանել միասնական բրենդի ներքո». Ավագ Հարությունյան. Aravot.am

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով