Փոքր ՀԷԿ-երի ջրօգտագործման թույլտվության սահմանափակում՝ վարչապետի հանձնարարականների շարքում27 հոկտեմբերի 2016 - 11:50 AMT PanARMENIAN.Net - Վարչապետ Կարեն Կարապետյանը հոկտեմբերի 27-ին կառավարության նիստի օրակարգին անցնելուց առաջ հանձնարարել է նախարարներին Ազգային ժողովի մշտական հանձնաժողովներում հոկտեմբերի 31-ին 2017-ի բյուջեի նախագծի քննարկումների ժամանակ ոլորտները ավելի շատ ծրագրային բյուջետավորման ձևաչափով և կառավարության ծրագրային դրույթներից ելնելով ներկայացնել: Վարչապետն ասել է, որ անհրաժեշտ է պատգամավորներին և հանրությանը մատչելի և հասկանալի ներկայացնել բոլոր այն մոտեցումներն ու սկզբունքները, որոնց ներքո ձևավորվել են բյուջեները: Կարապետյանը նաև հանձնարարական է տվել բնապահպանության, էներգետիկ ենթակառուցվածքների և բնական պաշարների նախարարներին: Այս նախարարությունները՝ համագործակցելով հանրային ծառայությունները կարգավորող հանձնաժողովի հետ, 15-օրյա ժամկետում պետք է ջրի ազգային խորհրդին ներկայացնեն փոքր հիդրոէլեկտրակայանների ջրօգտագործման թույլտվությունների և շահագործման լիցենզիաների տրամադրման ոլորտում տիրող ներկա վիճակի վերաբերյալ առաջարկություններ: Այդ առաջարկությունները պետք է վերաբերեն 2009-ի հունվարի 22-ին կառավարության նիստի արձանագրային որոշմամբ հաստատված փոքր ՀԷԿ-երի զարգացման սխեմայի վերանայմանը: Ըստ հանձնարարականի, պետք է անդրադառնալ Ախուրյան, Ձորագետ, Դեբետ, Ազատ, Արփա և Որոտան գետերի ավազաններում նոր հիդրոէլեկտրակայանների կառուցման և նոր ջրօգտագործման թույլտվությունների տրամադրման նպատակահարմարությանը, գրում է Aravot.am-ը: Իսկ բնապահպանական խնդիրները մեղմելու համար էլ հանձնարարվել է անդրադառնալ 20 տարի շարունակ օգտագործված փոքր ՀԷԿ-երի համար նոր գնագոյացման մեխանիզմների կիրառմանը: Վարչապետի խոսքով՝ «Մենք արդեն ունենք բնապահպանական հնարավոր խնդիրներ այն գետերի վրա, որտեղ հիդրոէլեկտրակայանների քանակը ավելի շատ է նախատեսված, քան երևի պետք էր: Կարծում եմ, այնտեղ լուծումներ կան՝ ջրօգտագործման թույլտվությունների սահմանափակում: Էներգետիկայի նախարարությունից ակնկալում ենք, որ իրենք այս հարցին մոտենան այնպես, որպեսզի էներգետիկ անվտանգության հետ կապված խնդիրներ չառաջանան: Մենք ունենք գետային ավազաններ, որտեղ փոքր ՀԷԿ-երը խիտ են դասավորված և կան խնդիրներ»: Հանրային ծառայությունները կարգավորող հանձնաժողովի նախագահ Ռոբերտ Նազարյանն էլ առաջարկվել է այդ գետերի ցանկում ավելացնել Սևան թափվող բոլոր գետերը. այս առաջարկությունն ընդունվել է: Բնապահպանները հավաճ ահազանգում են փոքր ՀԷԿ-երի պատճառով գետերի էկոլոգիական վիճակի վատթարացման մասին: Օրինակ, 2011-2012թթ.-ին Գեղարոտ գետի վրա «Գեղարոտ» և «Արագած-1» փոքր ՀԷԿ-երի կառուցումից և շահագործումից հետո, գետի էկոլոգիական վիճակը գնալով վատթարացավ, ներկայում դիտվելով խիստ ռիսկային և ճգնաժամային։ Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |