ԺԴԿ պատգամավորները դադարեցրել են գործունեությունը Թուրքիայի խորհրդարանում 7 նոյեմբերի 2016 - 14:00 AMT PanARMENIAN.Net - Թուրքիայի ընդդիմադիր քրդամետ «Ժողովուրդների դեմոկրատական կուսակցությունը» (ԺԴԿ-HDP) հայտարարել է, որ դադարեցնում է մեջլիսում իր գործունեությունը: ԺԴԿ-ի խոսնակ Այհան Բիլգենը տեղեկացրել է, թե կուսակցությունը այլևս չի մասնակցի Թուրքիայի ազգային մեծ ժողովի ընդհանուր նիստերին և հանձնաժողովների աշխատանքներին: Հայտարարությունում ասված է, որ որոշումը պայմանավորված է կատարվող բռնություններով, Թուրքական Yeni Şafak-ին հղումով գրում է Ermenihaber-ը: ԺԴԿ-ի այս որոշումը կապված է կուսակցության համանախագահներ Սելահհեթթին Դեմիրթաշի և Ֆիգեն Յուքսեքդաղի, ինչպես նաև կուսակցության անդամ ևս 9 պատգամավորների ձերբակալության փաստի հետ: Ձերբակալվածներից 9-ի, այդ թվում՝ 2 համանախագահների վերաբերյալ ազատազրկման որոշում է կայացվել: ԺԴԿ-ական գործիչները մեղադրվում են ահաբեկչական խմբավորումների հետ համագործակցության մեջ: Դեմիրթաշը արդեն տեղափոխվել է Էդիրնեի, իսկ Յուքսեքդաղը՝ Քոջաելիի բանտ: Թուրքիայի վարչապետ Բինալի Յըլդըրըմն այս որոշման պատճառով քննադատել է ԺԴԿ-ին: Նա կոչ է արել քրդամետ կուսակցության պատգամավորներին՝ հետ կանգնել այդ որոշումից քանի դեռ ուշ է: «Խորհրդարան չգալով՝ դուք վիրավորում եք ձեզ ընտրած ժողովրդին: Եկեք խորհրդարան, ինչ ասելու եք, այնտեղ ասեք», - ասել է Յըլդըրըմը: Կարդացեք նաև՝ Թուրքիայում ԺԴԿ պատգամավորներին մանդատից զրկելը կարող է նոր ընտրությունների պատճառ դառնալ Photo: AFP Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Կոնգրեսում կոչ են արել $200 մլն հատկացնել ԼՂ-ից տեղահանվածներին և օգնել ՀՀ–ին պաշտպանվել Ադրբեջանի ագրեսիայից Նրանք նաև կոչ են արել դադարեցնել Ադրբեջանին ցանկացած ռազմական օգնության Ոստիկանները փակել են Կիրանցի ճանապարհը․ Բագրատ Սրբազանին նույնպես թույլ չեն տալիս մտնել գյուղ Սրբազանն, անդրադառնալով վարչապետի հարցազրույցին, ասել է, թե վերջինս «ծայրից ծայր սուտ է ասում» ՆԳՆ-ն հերքում է լուրերը, թե Տավուշից բերման ենթարկվածներին ծեծել են Նշվում է, որ տեղեկությունը չի համապատասխանում իրականությանը Բագրատ Սրբազան. Հայաստանի կառավարությունն ու իր ղեկավարն անցել են ահաբեկnւթյան և տեռnրի Ավելի ուշ հայտնի դարձավ, որ ոստիկանները նրան թույլ չեն տալիս մտնել Կիրանց |