ՀՀ-ն դեմ է քվեարկել Ղրիմի վերաբերյալ ուկրաինական բանաձևին16 նոյեմբերի 2016 - 14:29 AMT PanARMENIAN.Net - Հայաստանը դեմ է քվեարկել Ղրիմում մարդու իրավունքների վերբերյալ Ուկրաինայի ներկայացրած բանաձևի նախագծին, որը հավանության է արժանացել ՄԱԿ Գլխավոր վեհաժողովի սոցիալական, հումանիտար հարցերի և մշակույթի կոմիտեի կողմից: Փաստաթուղթը, որով կոչ է արվում միջազգային դիտարկում իրականացնել Ղրիմում մարդու իրավունքների ոլորտում, ընդունվել է նոյեմբերի 15-ին: Ուկրաինայի առաջարկած փաստաթղթի օգտին քվեարկել է կոմիտեի 73 անդամ, դեմ` 26 անդամ, 79-ը ձեռնպահ է մնացել: Հիմնականում կողմ են քվեարկել եվրոպական երկրները, ԱՄՆ-ն: Դեմ են քվեարկել Հայաստանը, Ռուսաստանը, Չինաստանը, Սերբիան, Կուբան, Ղազաստանը, Բելառւսն ու այլ երկրներ, հայտնում է ՌԻԱ Նովոստին: Ուկրաինայի Գերագույն ռադայի առաջին փոխխոսնակ Իրինա Գերաշչենկոն նոյեմբերի 16-ին հայտարարել էր, որ Ուկրաինան շատ ցավագին է ընդունել Հայաստանի քվեարկությունը: «Հատկապես ցավագին է Ուկրաինան ընդունել 3 քվեարկություն` Հայաստանինը, Ղազախստանինն ու Բելառուսինը: Մենք հարգում ենք Հայաստանի և Ղազախստանի ՌԴ հետ հատուկ հարաբերությունների իրավունքը…Ինչ վերաբերում է Բելառուսին, մենք դա գնահատում ենք որպես հարված թիկունքից: Մենք երախտապարտ ենք բելառուսական կողմին Մինսկում անկախ հարթակի համար և գնահատում ենք դա, սակայն անկախ հարթակը պետք է անկախ լինի ամեն ինչում, ոչ թե կողմնապահ»,-ասել է Գերաշչենկոն` ելույթ ունենալով Ռադայում: Բանաձևի նախագծում դատապարտվում է Ղրիմում մարդու իրավունքների խախտումը, խտրականությունը այդ թվում նաև Ղրիմի թաթարների հանդեպ, ինչպես նաև ուկրաինացիների և այլ կրոնական ու ազգային պատկանելության անձանց: Փաստաթուղթը նաև կոչ է անում ՄԱԿ գլխավոր քարտուղարին միջոցներ ձեռնարկել, որպեսզի միջազգային դիտորդները կարողանան այցելել Ղրիմ դիտարկելու համար իրավիճակը: Ակնկալվում է, որ Ղրիմի գծով այդ բանաձևը հավանության կարժանանա ՄԱԿ Գլխավոր վեհաժողովի կողմից: 2014-ի մարտի 16-ին Ղրիմում անցկացվեց տարածաշրջանի կարգավիճակի վերաբերյալ հանրաքվե: Քվեարկության մասնակցած թերակղզու բնակիչների մեծ մասը արտահայտվեց Ռուսաստանին միանալու օգտին: Ավելի ուշ Ղրիմի Գերագույն խորհուրդը անկախություն հռչակեց: Ռուսաստանի նախագահ Վլադիմիր Պուտինը ստորագրեց Ղրիմի ու Սևաստոպոլի` Ռուսաստանին միանալու մասին համաձայնագիրը վավերացնող օրենքը և դրանց` Ռուսաստանի կազմի մեջ մտնելու ու Դաշնության նոր սուբյեկտների ինտեգրման անցումային շրջանի մասին դաշնային սահմանադրական օրենքը: Ուկրաինայի և մի շարք արևմտյան երկրների իշխանությունները հանրաքվեն ապօրինի են համարում: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |