«Երևան գարեջրի» տնօրինությունը ՏՄՊՊՀ-ի` 110 մլն դրամի տուգանքի որոշումը կվիճարկի դատարանում17 նոյեմբերի 2016 - 13:49 AMT PanARMENIAN.Net - «Երևան գարեջուր» գործարանի սեփականատեր, ԱԺ պատգամավոր Հակոբ Հակոբյանը վրդովված է Տնտեսական մրցակցության պաշտպանության պետական հանձնաժողովի նոյեմբերի 16-ին կայացրած որոշումից, որի համաձայն ընկերությունը տուգանվել է 110 մլն դրամով: ԱԺ-ում լրագրողների հետ զրույցում նա նշել է, թե գործարանի տնօրինությունը ՏՄՊՊՀ-ի որոշումը կվիճարկի դատարանում: ՀՀ Տնտեսական մրցակցության պաշտպանության պետական հանձնաժողովը, 2015-ի տարեվերջից սկսած, «Երևան գարեջուր»(ապրանքանիշը՝ «Կիլիկիա») ընկերության կողմից արտադրվող գարեջրի գնի բարձրացում է արձանագրել՝ 1 լիտրի հաշվով 30 դրամի չափով: Հաշվի առնելով, որ ընկերությունը զբաղեցնում է գերիշխող դիրք և գրավում է շուկայի մոտ կեսը, ՏՄՊՊՀ-ը ընկերության նկատմամբ հարուցել է վարչական վարույթ և շարունակել ուսումնասիրությունը` նպատակ ունենալով պարզել գնի բարձրացման հիմնավորվածությունը:Պարզվել է, որ, գարեջրի արտադրության կազմակերպման համար անհրաժեշտ հումքի՝ ածիկի, ինչպես նաև այլ ծախսերի ավելացում չի արձանագրվել: Հակառակը, որոշ ծախսեր նույնիսկ կրճատվել են: Չնայած այս հանգամանքին, ընկերությունը բարձրացրել է գարեջրի գինը՝ ստանալով 110 մլն դրամի լրացուցիչ շահույթ, որն էլ, Հանձնաժողովի որոշմամբ, ամբողջությամբ կգանձվի պետբյուջե: «Առավոտը» գրում է, որ ըստ Հակոբյանի, ՏՄՊՊՀ-ն գործարանի տնօրինությանը չի ծանուցել նիստի մասին, և «գաղտագողի» որոշում է կայացրել: Հակոբյանն ասել է, որ իր սեփականությունը հանդիսացող գործարանն աշխատում է օրենքի շրջանակներում և ինքը նման տուգանքի համար որևէ պատճառ չի տեսնում: Գործարանն աշխատել է 5 տոկոս շահութաբերությամբ, իսկ գների բարձրացումից հետո շահութաբերությունը կազմել է 12,5 տոկոս: Հակոբ Հակոբյանը պնդում է, որ 12,5 տոկոս շահութաբերությունը գերշահույթ չէ: Գործարանի տնօրինությունը ՏՄՊՊՀ-ի որոշումը կվիճարկի դատարանում: Ինքը` Հակոբ Հակոբյանը, կարծում է, որ այս որոշմամբ հանձնաժողովի նախագահ Արտակ Շաբոյանն իր հեղինակությունն է ցանկանում բարձրացնել: Սա գործարանին խոշոր տուգանքի երրորդ դեպքն է: Կարդացեք նաև՝ ՏՄՊՊՀ. «Երևան Գարեջուր» ընկերությունից 110 մլն դրամ կբռնագանձվի Հղումներ թեմայով. Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |