ՍԱՊԾ պետ. Կաթնամթերքի շուկայում կան չլուծված խնդիրներ23 նոյեմբերի 2016 - 10:41 AMT PanARMENIAN.Net - Պետական վերահսկողության արդյունքները և սպառողների ահազանգերը վկայում են, որ կաթնամթերքի շուկայում կան դեռևս չլուծված խնդիրներ: Այս մասին ասել է ՀՀ ԳՆ սննդամթերքի անվտանգության պետական ծառայության պետ Իշխան Կարապետյանը նոյեմբերի 22-ին կաթնամթերք արտադրող ընկերությունների ներկայացուցիչների հետ հանդիպմանը: Ներկաները քննարկել են ոլորտի հիմնական խնդիրները՝ հումքի մթերումները, կաթի պատշաճ պաստերիզացիան, արտադրանքի որակը, հիգիենային և մակնշմանը ներկայացվող պահանջները: «Ծառայությունը պատրաստակամ է համապատասխան մասնագիտական աջակցություն տրամադրել կաթնամթերք արտադրողներին՝ առկա խնդիրների լուծման համար, միաժամանակ, արտադրողները պետք է կրեն սոցիալական պատասխանատվություն և աջակցեն վերահսկող կառույցին՝ սպառողին անվտանգ և որակյալ մթերք հասցնելու գործում», - նշել է Կարապետյանը: Նա հավելել է, որ վերահսկող կառույցը հանդես է գալիս գործընկերային դիրքերից և ներդրումներ կատարած, աշխատատեղեր ստեղծած կազմակերպություններին որևէ կերպ վնասելու կամ նրանց գործունեությանն անտեղի միջամտելու նպատակ չունի. խիստ են լինելու միայն անբարեխիղճների հանդեպ: Նա տեղեկացրել է, որ կաթնամթերքի շուկայում ՍԱՊԾ-ն իրականացնում է լայնամասշտաբ դիտարկումներ: ՍԱՊԾ սննդամթերքի անվտանգության և որակի հսկողության տեսչության պետ Վահե Դանիելյանը քննարկման ժամանակ նախ խոսել է սննդամթերքի անվտանգության ոլորտում ընդունված միջազգային չափորոշիչների կիրառման անհրաժեշտության, մասնավորապես, Վտանգի վերլուծության և հսկման կրիտիկական կետերի համակարգը (HACCP) արտադրական գործընթացում ներդնելու մասին: Այս համակարգի ներդրման ժամանակացույցը հաստատված է ՀՀ կառավարության 2015 թվականի հուլիսի 23-ի N 827-Ն որոշմամբ:Սննդամթերքի անվտանգության բնագավառն այժմ առաջնորդվում է Եվրասիական տնտեսական միության տեխնիկական կանոնակարգերով և որոշումներով, որ ոլորտը կարգավորող հիմնական փաստաթուղթը ԵԱՏՄ «Սննդամթերքի անվտանգության մասին» ТР ТС 021/2011 տեխնիկական կանոնակարգն է՝ հորդորելով հանդիպման մասնակիցներին իրենց գործունեությունը կազմակերպել համաձայն այս փաստաթղթի: Դանիելյանը նաև մանրամասնորեն ներկայացրել է կաթի մթերմանը, պաստերիզացիային, հումքի որակին, համապատասխանության գնահատմանը, մակնշմանը, հիգիենային ներկայացվող պահանջները: Պարզաբանվել է, որ չպաստերիզացված կաթով կաթնամթերքի արտադրություն իրականացնել չի թույլատրվում, որ արտադրությունում օգտագործվող ամբողջ հումքը պետք է ուղեկցվի անվտանգությունն ու որակը հավաստող փաստաթղթերով, իսկ հում կաթը պետք է ուղեկցվի անասնաբուժական վկայականով և ենթարկվի անասնաբուժասանիտարական փորձաքննության: Շատ կարևոր է, որ յուրաքանչյուր արտադրող ձեռնարկի անհրաժեշտ միջոցներ սեփական լաբորատորիաներ հիմնելու համար, իսկ դրա անհնարինության դեպքում՝ ունենա պայմանագիր հավատարմագրված լաբորատորիաների հետ: Սննդամթերքի անվտանգության և որակի հսկողության պատասխանատուն անդրադարձել է նաև թերի մակնշված կամ առանց մակնշման ապրանքատեսակներին՝ հիշեցնելով, որ դրանց իրացումը Ծառայության կողմից դիտարկվում է որպես խիստ ռիսկային և արգելվում է: Ավելի վաղ ՀՀ գյուղատնտեսության նախարարի տեղակալ Ռոբերտ Մակարյանն ընդունել է կաթնամթերք արտադրող ընկերությունների ներկայացուցիչներին` «Աշտարակ կաթ» ընկերության գործունեության դադարեցման պատճառով առաջացած խնդիրները քննարկելու նպատակով: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Փաշինյանը՝ սահմանազատման մասին. Տեղի ունեցածը համարում եմ մեծ հաջողություն Նա նաև կարևորել է, որ սահմանազատումն արվել է 1976 թվականի քարտեզներով Փոխվարչապետի գլխավորած հանձնաժողովի կողմից ապօրինի սահմանազատման վերաբերյալ հաղորդմանն ընթացք է տրվել Հաղորդումը ներկայացրել էր «Հայաքվե» նախաձեռնությունը Քննարկվել են ՀՀ-ԱՄՆ երկկողմ առևտրի ծավալների ավելացման հարցեր Հանդիպման ընթացքում զրուցակիցներն անդրադարձել են Հայաստանի տնտեսության դիվերսիֆիկացման ընթացքին Փաշինյան․ Ցնցված եմ Սլովակիայի վարչապետի վրա հարձակումից Նա նշել է, որ բռնությունը տեղ չունի քաղաքականության մեջ |