Հայաստանի դիրքորոշումն անփոփոխ է. ԼՂՀ ճանաչումը դե-յուրե եւ նրա ներկայացուցիչների մասնակցությունը բանակցություններին29 հունիսի 2007 - 16:26 AMT PanARMENIAN.Net - «Ադրբեջանի խնդիրը կայանում է նրանում, որ նա քաղաքական կամք չունի` պատմելու երկրի հանրությանը Լեռնային Ղարաբաղի հակամարտության կարգավորման բանակցությունների մասին: Երկու երկրների հասարակությունը պետք է տեղեկացված լինի կարգավորման ընդհանուր սկզբունքներին, եւ կողմերի հայտարարությունները չպետք է բացառեն միմյանց»,- Երեւանում լրագրողներին ասել է ՀՀ արտգործնախարար Վարդան Օսկանյանը: Նա ընդգծել է, որ միջազգային հանրությունը հոյակապ գիտի Իլհամ Ալիեւի հայտարարությունների գինը եւ դրանք ոչ միշտ է ադեկվատ համարում գործերի իրական դրությանը:«Հայաստանը բազմաթիվ անգամներ խոսել է, որ հակամարտության կարգավորման սկզբունքները հետեւյալն են. Լեռնային Ղարաբաղի կարգավիճակը, եւ միայն հետո անվտանգության երաշխիքները, Հայաստանի հետ ցամաքային կապը, տարածքների, գաղթականների եւ տեղափոխված անձանց հարցերը: Հենց այդ հերթականությամբ: Փաստաթղթում կան բոլոր այս տարրերը, սակայն մինչեւ կարգավիճակի որոշումը ես հրաժարվում եմ որեւէ այլ խնդրի մասին խոսել: Հայաստանի դիրքորոշումը բանակցությունների սկզբից մինչեւ այսօր որեւէ փոփոխություն չի կրել, ավելին, 1997 թվականից հետո մեր տեսակետը ավելի ամուր է. մենք ձգտում ենք Լեռնայիան Ղարաբաղի ճանաչմանը դե-յուրե եւ ԼՂՀ ներկայացուցիչների մասնակցությանը բանակցություններին: Ես պատրաստ եմ աշխատել ԼՂՀ նոր նախագահի հետ»,- ընդգծել է Վարդան Օսկանյանը: Միեւնույն ժամանակ, Հայաստանի արտաքին քաղաքականության գերատեսչության ղեկավարը նշել է, որ զգույշ է վերաբերվում այն հայտարարություններին, որ նախագահական ընտրություններից հետո ինչ-որ բան կփոխվի: «Այդ մասին չափազանց շատ են խոսում` չունենալով դրա համար լուրջ հիմնավորումներ»,- ասել է Օսկանյանը: Ինչ վերաբերում է Հայաստանի եւ Ադրբեջանի արտգործնախարարների ապագա հանդիպմանը, ապա Օսկանյանի խոսքերով, ԵԱՀԿ ՄԽ համանախագահները հանիպումներ կանցկացնեն նախարարների հետ առանձին-առանձին, եւ միայն հետո հնարավոր կլինի խոսել Օսկանյան-Մամեդյարով նոր հանդիպման մասին: Ուշագրավ Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել Նա ասել է, որ բաց է հանդիպումների համար Ամենաընթերցվողը բաժնում | ՀԱՊԿ․ ՀՀ–ն շարունակում է լինել կառույցի լիիրավ անդամ Այնտեղ նաև ուշադրությունը հրավիրել են ՀՀ ԱԳ նախարար Արարատ Միրզոյանի այն պարզաբանմանը ԲՀԿ․ Անթույլատրելի է ներքաղաքական հարցերի, խնդիրների լուծումը տեսնել լուսաձայնային նռնակների մեջ Նշվում է, որ դա կբերի նոր փակուղու Տիգրան Ջրբաշյանը` միջազգային DevelopmentAid–ին. «Հիմնական ժողովրդագրական փոփոխությունների մեկնարկը տրված է» Ջրբաշյանն առանձնացրել է նաև զբաղվածության նորարարական ռազմավարության մշակման նախագիծը Evocabank-ը ներգրավել է 4 մլն դոլար responsAbility-ից Վարկային միջոցները կուղղվեն ՄՓՄՁ-ների ֆինանսավորմանը |