Չեխիայի Սենատի նախագահ․ ԼՂ հիմնահարցը պետք է լուծվի բացառապես խաղաղ ճանապարհով 7 հունվարի 2017 - 18:52 AMT PanARMENIAN.Net - Լեռնային Ղարաբաղի հիմնահարցը պետք է լուծվի բացառապես խաղաղ ճանապարհով՝ ԵԱՀԿ Մինսկի խմբի եռանախագահների միջնորդությամբ վարվող բանակցությունների միջոցով։ Այս մասին ասվել է հունվարի 4-ին Չեխիայում Հայաստանի դեսպան Տիգրան Սեյրանյանի՝ Չեխիայի Հանրապետության խորհրդարանի Սենատի նախագահ Միլան Շտյեխի հետ հանդիպմանը։ Հանդիպման ընթացքում զրուցակիցները փաստել են հայ չեխական քաղաքական երկխոսության և մշակութային կապերի բարձր մակարդակը։ Քննարկվել են երկկողմ միջխորհրդարանական կապերի ընդլայնման 2017 թվականի ծրագրերը։ Ադրբեջանի կողմից Արցախի դեմ սանձազերծված ապրիլյան ագրեսիայի հետևանքների վերացմանն ուղղությամբ Հայաստանի և ԵԱՀԿ Մինսկի խմբի համանախագահ երկրների կողմից գործադրվող ջանքերի համատեքստում Սենատի նախագահը վերահաստատել է Չեխիայի դիրքորոշումն առ այն, որ հիմնահարցը պետք է լուծվի բացառապես խաղաղ ճանապարհով՝ ԵԱՀԿ Մինսկի խմբի եռանախագահների միջնորդությամբ վարվող բանակցությունների միջոցով։ Հանդիպման մասնակիցները երկուստեք կարևորել են հայ-չեխական տնտեսական գործակցության ներուժի արդյունավետ օգտագործումը։ Անդրադարձ է կատարվել նաև Սիրիայի վերջին զարգացումներին, մասնավորապես, սիրիահայության առջև ծառացած հիմնախնդիրներին։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
