Վաշինգտոն նահանգի գլխավոր դատախազը հայց կներկայացնի Թրամփի ներգաղթի քաղաքականության դեմ31 հունվարի 2017 - 12:13 AMT PanARMENIAN.Net - Վաշինգտոնն ԱՄՆ առաջին նահանգը կդառնա, որտեղ դատական կարգով կվիճարկվի ներգաղթի խստացման մասին ԱՄՆ նախագահ Դոնալդ Թրամփի հրամանագիրը, որով ժամանակավորապես արգելվում է մուտքն ԱՄՆ մահմեդական 7 երկրի քաղաքացիներին: Վաշինգտոն նահանգի գլխավոր դատախազ Բոբ Ֆերգյուսոնը հունվարի 30-ին հայտարարել է, որ հայց կներկայացնի դաշնային դատարան ընդդեմ երկրի նախագահի, ներքին գործերի նախարարության և նախագահի վարչակազմի ներկայացուցիչների: Ֆերգյուսոնը խնդրում է հակասահմանադրական ճանաչել Թրամփի հրամանագրի հիմնակնա դրույթները: Նա նաև միջնորդություն է ներկայացրել ԱՄՆ նախագահի հրամանագրի գործողությունները ժամանակավոր կասեցնելու մասին, գրում է Deutsche Welle-ն: Ինչպես ասվում է փաստաթղթում, հրամանագիրը խախտում է ԱՄՆ Սահմանադրության մի շարք դրույթներ, որոնք երաշխավորմ են բոլորի հավասարությունն օրենքի առջև և կառավարության միանման վերաբերմունքը բոլոր կրոններին: Նախագահի գործողությունները, ասվում է հայտարարության մեջ, «ընտանիքներ են պառակտում Վաշինգտոնում, վնասում են բնակիչներին, խարխլում են Վաշինգտոնի տնտեսությունը, վնասում են Վաշինգտոնում գործող ընկերություններին և բացասաբար են ազդում Վաշինգտոնի ինքնիշխան շահերի վրա: «Ոչ ոք չպետք է վեր լինի օրենքից, նույնիսկ նախագահը: Դատարանում ամենաբարձր հնչող ձայնը Սահմանադրության ձայնն է»,-ասել է նա: Հունվարի 27-ին ԱՄՆ նախագահ Դոնալդ Թրամփը հրամանագիր է ստորագրել, որով 120 օրով կասեցվում է փախստականների մուտքն ԱՄՆ, անորոշ ժամանակով կասեցվում Սիրիայից ժամանող փախստականների ընդունումը (որոշ բացառություններով սիրիացի քրիստոնյաների համար) և խստացվում են ԱՄՆ մուտք գործելու կանոնները: Բացի այդ, Թրամփն 90 օրով սահմանափակել է մուտքն ԱՄՆ առավելապես մահմեդական բնակչությամբ երկրների համար, որոնք, սակայն, չեն նշվում:Ավելի վաղ հայտարարվել էր, որ ցանկում ներառված են Իրանը, Իրաքը, Լիբիան, Սոմալին, Սուդանը, Սիրիան ու Եմենը: ԱՄՆ նախագահ Դոնալդ Թրամփն ազատել է աշխատանքից գլխավոր դատախազի պաշտոնակատար, արդարադատության նախարար Սալլի Յեյթսին, որը հրաժարվել է կատարել ներգաղթի մասին Թրամփի հրամանագիրը: Ընթերցեք նաև. Օբաման սատարել է բողոքի ակցիաներին ընդդեմ ներգաղթի մասին Թրամփի հրամանագրի Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Միջազգային տեխնոլոգիական հանդիպումեր՝ Fastex-ի մասնակցությամբ TOKEN2049-ը միջազգային կոնֆերանսների շարք է, որն ամեն տարի միավորում է կրիպտո էկոհամակարգի առաջատարներին Լարսը փակ է բոլոր տեսակի մեքենաների համար Փակ է դեպի Քարի լիճ տանող ճանապարհը ՊՆ․ Տեսանյութում պատկերված անձը ՀՀ հատուկ նշանակության ստորաբաժանման զինծառայող է Լուրեր էին տարածվել, որ Կիրանցի բնակիչները «ադրբեջանցի հատուկջոկատայինի են նկատել» Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» |