Օլանդը Ցեղասպանության մասին. Ժխտել երեկվա սպանությունները կնշանակի թույլ տալ դրանց կրկնությունը վաղը10 փետրվարի 2017 - 10:43 AMT PanARMENIAN.Net - Ժխտել երեկվա սպանությունները կնշանակի թույլ տալ դրանց կրկնությունը վաղը: Այդ մասին հայտարարել է Ֆրանսիայի նախագահ Ֆրանսուա Օլանդը Ֆրանսիայի հայկական կազմակերպությունների համակարգման խորհրդի ամենամյա ընթրիքի ժամանակ` անդրադառնալով «Մի շարք հանցագործությունների քրեականացման մասին» օրինագծի չեղարկմանը սահմանադրական դատարանի կողմից: Ըստ Օլանդի, հարկավոր է շարունակել քայլեր կատարել Ցեղասպանության ժխտման քրեականացման ուղղությամբ, քանի որ այս հարցում տևական պայքար է պահանջվում: Նա կարևորել է Գերմանիայի Բունդեսթագի կողմից Հայոց ցեղասպանության ճանաչումը` նշելով Բուդնեսթագի ղեկավար Նորբերտ Լամերտի և թուրքական ծագումով պատգամավոր Ջեմ Օզդեմիրի դերն այդ գործում, հայտնում է Nouvelles d’Armenie-ին: Օլանդը հիշեցրել է, որ 2017-ին նշվում է նաև ՀՀ և Ֆրանսիայի միջև դիվանագիտական հարաբերությունների հաստատման 25-ամյակը: «Ես հրավիրել եմ ՀՀ նախագահ Սերժ Սարգսյանին պաշտոնական այցով Փարիզ, այցը տեղի կունենա մարտի 8-ին: Մենք հնարավորություն կունենանք քննարկելու հարաբերությունները տնտեսական և մշակութային ոլորտներում: Մենք կքննարկենք նաև Լեռնային Ղարաբաղի հիմնախնդիրը, քանի որ Ֆրանսիան հատուկ պատասխանատվություն ունի այս հարցում: Թեման շատ արդիական է, քանի որ պետք է շատ արագ այդ հակամարտության լուծումը գտնել»,-ասել է Օլանդը: Ֆրանսիայի սահմանադրական դատարանը 2017-ի հունվարին չեղարկել է Հայոց ցեղասպանության ժխտումը քրեականացնող օրենքը: Դատարանի որոշման մեջ մասնավորապես նշվել է, որ օրենքը սահմանափակում է քաղաքացիների խոսքի ազատությունը: Օրենքում Հայոց ցեղասպանության մասին որևէ ուղղակի հիշատակում չկար: Սակայն, ըստ օրենքի, մարդկության դեմ գործված հանցանքների հերքումը որակվում էր իբրև «ատելության հիման վրա կատարված հանցագործություն»: Օրենքի սահմաններում մեղավոր ճանաչված անձը կարող էր դատապարտվել 1 տարվա ազատազրկման և տուգանվել 40.000 եվրոյով: Ֆրանսիայի ազգային ժողովի և սենատի կողմից քվեարկությամբ ընդունված այս օրենքը հարուցել էր Թուրքիայի և Ֆրանսիայի թուրքական կառույցների դժգոհությունը: Թուրքական կազմակերպությունները դիմել էին Ֆրանսիայի սահմանադրական դատարան՝ օրենքը չեղարկելու պահանջով: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Սիմոնյան․ ՀՀ-ում իշխանափոխություն հնարավոր է միայն ԱԺ ընտրություններով, որոնք կկայանան 2026-ին Նա նշել է, որ 2018-ին ՀՀ իշխանությունը ձևավորված չէր ընտրությունների միջոցով և ժողովուրդը վերականգնեց իր ընտրելու իրավունքը Բիզնես գաղափարներ` պատանիներից․ 6-րդ Fastex Meetup-ը կայացել է Fastex Meetup հանդիպումների շարքը շարունակական է Երևանում քամուց շինությունների տանիքներ, թիթեղյա ծածկեր են վնասվել, կոտրվել են ծառեր Փրկարարներն իրականացրել են կոտրված ծառերի մասնատման, թիթեղների ամրացման և ապամոնտաժման աշխատանքներ |