Reddit-ի համահիմնադիրը՝ «Խոստումի» պրեմիերային. Նրանք չկարողացան մեզ ոչնչացնել և չեն կարող լռեցնել13 ապրիլի 2017 - 16:09 AMT PanARMENIAN.Net - Reddit սոցցանցի համահիմնադիր Ալեքսիս Օհանյանը միացել է «Խոստումը» ֆիլմի աջակցության քարոզարշավին: «Հուսանք, որ այդ էպիկական ֆիլմը կնպաստի Հայոց ցեղասպանության իրողության մասին իրազեկմանը և ճանաչմանը»,-գրել է Օհանյանը իր ֆեսյբուքյան էջում՝ մասնակցելով ֆիլմի փակ ցուցադրությանը Լոս Անջելեսում: Ալեքսիս Օհանյանը նշել է, որ երախտապարտ է Քըրք Քըրքորյանին հայոց պատմությունը մեծ էկրան բերելու համար: «Պատիվ ունեմ ներկա գտնվելու Լոս Անջելեսի պրեմիերային իմ հերոսներից մեկի` պապիս` 95-ամյա Ջոն Օհանյանի հետ: Թող մեր ժողովուրդը շարունակի բարգավաճել ամբողջ աշխարհում: «Խոստումը» ֆիլմին իր աջակցությունն է հայտնել նաև «Վամպիրի օրագրերը» սերիալի աստղ Նինա Դոբրևը: «Խոստանում եմ պայքարել Ցեղասպանության ճանաչման համար #KeepThePromise: Այս չափազանց կարևոր ֆիլմը լույս է սփռում միլիոնավոր մարդկանց մահվան պատճառի վրա», -գրել է Դոբրևը Twitter-ի իր միկրոբլոգում: Դերասանուհի և երգչուհի Շերը, ռեալիթի շոուի աստղ Քիմ Քարդաշյանը քրոջ՝ Քորթնիի հետ, նույնպես ներկա են եղել Հայոց ցեղասպանության մասին պատմող «Խոստումը» ֆիլմի պրեմիերային Լոս Անջելեսում: Եռյակը միասին է հայտնվել TCL կինոթատրոնի կարմիր ուղեգորգին ֆիլմի աստղ Քրիստիան Բեյլի հետ միասին: Ֆիլմի ցուցադրությանը ներկա էր նաև Սերժ Թանկյանը տիկնոջ հետ: «Խոստումը» ֆիլմին սատարում են նաև Ռայան Գոսլինգը, Էլթոն Ջոնը, Լեոնարդո դի Կապրիոն, Սիլվեստր Ստալոնեն, Դոն Չիդլը, Բարբարա Սթրեյզանդը: Հայաստանի կինոթատրոններում ֆիլմը կցուցադրվի ապրիլի 27-ից: Ավելի վաղ հայտնի դարձավ, որ հայտնի հոլիվուդյան դերասան Ջորջ Քլունին ներկա է գտնվել «Խոստումը» ֆիլմի լոնդոնյան ցուցադրությանը: Ջորջ Քլունիին ուղեկցում էր կինը՝ հայտնի փաստաբան Ամալ Քլունին: «Խոստումը» Ֆիլմը ներկայացնում է սիրո պատմություն, որը տեղի է ունեցել Հայոց ցեղասպանության օրերին: Tracinda կորպորացիան, որը պատկանում էր ամերիկահայ Քըրք Քըրքորյանին, ստեղծել էր Survival Pictures անվանումով պրոդյուսերական կենտրոն, որի առաջին ձեռնարկը հենց այս ֆիլմն է եղել:«Խոստումի» պրեմիերան կայանալու է ապրիլի 21-ին` Ցեղասպանության 102-րդ տարելիցից առաջ։ Ֆիլմի հայաստանյան պրեմիերան կլինի ապրիլի 27-ին: Հղումներ թեմայով. Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |