Իտալացի ճարտարապետը Գառնիի «Բաղնիքի» ծածկի կառուցման նախագիծ է ներկայացրել13 մայիսի 2017 - 11:17 AMT PanARMENIAN.Net - Իտալացի ճարտարապետ, Միլանի Պոլիտեխնիկական համալսարանի դասախոս Լուչիո Սպեկան Գառնիի «Բաղնիքի» ծածկի կառուցման նախագիծ է ներկայացրել: Ճարտարապետը բազմիցս եղել է Գառնիի ագելոց-թանգարանի տարածքում և մինչև նախագծային աշխատանքները սկսելը մանրամասն ուսումնասիրել է հնավայրի, պեղումների պատմությունը, տեղանքը, նաև անվանի ճարտարապետ Ալեքսանդր Սահինյանի` «Գառնիի» մասին աշխատությունները, գծանկարներ և այլ կարևոր փաստաթղթեր: Ճարպարապետը բաղնիքի և հատակի խճանկարի վերականգմանն առնչվող հարցերը քննարկել է «Պահպանության ծառայություն» ՊՈԱԿ-ի տնօրեն Արա Թարվերդյանի հետ: ՊՈԱԿ-ի հաղորդմամբ, չնայած «Բաղնիք» հուշարձանն ունի ծածկ, սակայն նախատեսվող նոր ծածկի հետ մեկտեղ նախատեսվում է տեղադրել դրենաժային համակարգ, որով կլուծվի ամենակարևորը՝ պատի խոնավության հարցը, կկանխվի անձրևաջրերի ներթափանցումը: Լուչիո Սպեկայի խոսքով, հնարավոր է տեղադրել փայտյա կամ մետաղական ծածկ, բայց, նա նշել է, որ մետաղական ծածկն առավել հուսալի ու երկար ժամանակով կարող է ծառայել: Իտալացի մասնագետը խոսել է նաև բաղնիքի հատակի խճանկարի վերականգնման անհրաժեշտության մասին՝ ասելով, որ դրանով զբաղվում են իտալացի այլ մասնագետներ: Բաղնիքի հատակի խճանկարի պահպանության համար էլ համապատասխան պայմանների ապահովում է անհարժեշտ, որպեսզի կանխվի վիճակի հնարավոր վատթարացումը: Այս հուշարձանի վերականգնումը ճարտարապետն առաջնային է համարել: Նա միաժամանակ ասել է, որ «Բաղնիքի» ծածկի նախագիծը որոշակի շտկումների ու վերջնական տեսքի բերելու կարիք ունի և առաջիկա ամսում նախագծի փաթեթն ամփոփ կտրամադրի ՊՈԱԿ-ի տնօրենությանը: Գառնիի բաղնիքը՝ կառուցված 3-րդ դարում, զբաղեցնում է ամրոցի տարածքի հյուսիսային մասը. ներկայումս առնված է ժամանակակից ծածկի տակ։ Այն բաղկացած է միաշար դասավորված հինգ սենյակներից, որոնցից չորսը ճակատներում արտաքուստ պայտաձև հորինվածք ունեն։ Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Ավագանու անդամները չեն կարողանա համատեղել իրենց պաշտոնը հանրային պաշտոնի և ծառայության հետ Նախագիծն ընդունվել է առաջին ընթերցմամբ ARARAT-ի հատուկ երեկո՝ նվիրված Ազնավուրի 100-ամյակին Դեռևս թատրոնի շեմից հյուրերն լիապես պարուրվում էին ազնավուրյան տրամադրությամբ Սիմոնյան. Անընդունելի է, երբ եկեղեցականը, եկեղեցին զբաղվում են քաղաքականությամբ՝ քաղաքականությունն առևտուր է «Անտարբեր նայելը և քաղաքական գործունեությամբ զբաղվելը տարբեր բաներ են»,–ասել է նա ԱԺ նախագահ․ 2026-ի ընտրություններում Տավուշի այդ գյուղերում ՔՊ-ն հաղթելու է շռնդալից կերպով «Հայաստանն իր քաղաքացիներից որևէ մեկին չի նեղացնելու, անտեր ու անտուն չի թողնելու»,–ասել է նա |