Հնգյակից ողջ մնացած երկու աղջկանից Ռոզին դուրս է գրվել

PanARMENIAN.Net - Հնգյակից ողջ մնացած երկու աղջկանից Ռոզին հուլիսի 10-ին դուրս է գրվել Մոր և մանկան առողջության պահպանման գիտահետազոտական կենտրոնից: Այս մասին PanARMENIAN.Net ին հայտնեց ՀՀ ԱՆ գլխավոր նեոնատոլոգ, կենտրոնի նորածնային բաժնի ղեկավար Պավել Մազմանյանը:

«Երեխան դուրս է գրվել այսօր` 2 կգ 150 գրամ քաշով: Մյուս աղջիկը՝ Աննան, դեռ գտնվում է Երևանի «Սուրբ Աստվածամայր» բժշկական կենտրոնում, նա դեռ 1 կգ 550 գրամ է կշռում, ինչը քիչ է դուրս գրման համար: Նա դեռ պետք է մոտ 10 օր մնա բժիշկների վերահսկողության տակ», - ասաց Մազմանյանը:

Մայիսի 3-ին Երևանում հնգյակ է ծնվել: Փոքրիկները, սակայն, խորն անհասության պատճառով (ծնվել են 28-շաբաթականում) ծայրահեղ ծանր վիճակում էին: Բժիշկներին միայն երկուսի կյանքը հաջողվեց փրկել: Մայիսի 6-ին «Էրեբունի» բժշկական կենտրոնում բուժվող հնգյակից նորածին աղջիկը մահացել էր:

Մայիսի 7-ին Երևանի «Մուրացան» հիվանդանոցի վերակենդանացման բաժանմունքում մահացավ հնգյակից ևս մեկ նորածին՝ ամենափոքր քաշով աղջիկը: Հնգյակից տղան մահացավ մայիսի 14-ին...

Կարդացեք նաև՝ Արագիլությունն իրագործելի է.Ովքեր են անհաս երեխաների համար 24 ժամ պայքարողները